ಮುಂಬೈ, ಪಾಕ್ ಆಕ್ರಮಿತ ಕಾಶ್ಮೀರ ಎನಿಸುತ್ತಿದೆ: ಕಂಗನಾ ವಿವಾದ

ಮುಂಬೈ ಪಾಕ್ ಆಕ್ರಮಿತ ಕಾಶ್ಮೀರವಾಗಿದೆ: ಕಂಗನಾ

ಸಂಜಯ್ ರಾವತ್ ಹೇಳಿಕೆಗೆ ಟ್ವೀಟ್ ಮೂಲಕ ಪ್ರತಿಕ್ರಿಯೆ ನೀಡಿದ ಕಂಗನಾ, 'ಸಂಜಯ್ ರಾವತ್ ನನಗೆ ಬಹಿರಂಗವಾಗಿ ಬೆದರಿಕೆ ಹಾಕಿದ್ದಾರೆ. ಮೊದಲಿಗೆ 'ಆಜಾದಿ ಗ್ಯಾಂಗ್‌'ಗಳು ಮುಂಬೈ ರಸ್ತೆಗಳಲ್ಲಿ ಅಬ್ಬರಿಸಿದವು, ಈಗ ಬಹಿರಂಗ ಬೆದರಿಕೆ ಹಾಕಲಾಗುತ್ತಿದೆ. ಮುಂಬೈ, ಪಾಕ್ ಆಕ್ರಮಿತ ಕಾಶ್ಮೀರದಂತೆ ಕಾಣುತ್ತಿದೆ' ಎಂದಿದ್ದಾರೆ ಕಂಗನಾ ರನೌತ್.

ಕಂಗನಾ ವಿರುದ್ಧ ಟ್ವೀಟ್‌ಗೆ ಪೊಲೀಸ್ ಅಧಿಕಾರಿ ಲೈಕ್?

ಕೆಲವು ದಿನಗಳ ಹಿಂದೆ ಕಂಗನಾ ಕುರಿತ ಋಣಾತ್ಮಕ ಟ್ವೀಟ್ ಒಂದಕ್ಕೆ ಮುಂಬೈ ಪೊಲೀಸ್ ನ ಉನ್ನತ ಅಧಿಕಾರಿಯೊಬ್ಬರು ಲೈಕ್ ಒತ್ತಿದ್ದು ಸುದ್ದಿಯಾಗಿತ್ತು. ಹಾಗಾಗಿ ಕಂಗನಾ ಮುಂಬೈ ಪೊಲೀಸರ ವಿರುದ್ಧ ಟ್ವೀಟ್ ವಾಗ್ದಾಳಿ ನಡೆಸುತ್ತಿದ್ದಾರೆ. ಕಂಗನಾ ವಿರುದ್ಧ ಟ್ವೀಟ್‌ಗೆ ಲೈಕ್ ಒತ್ತಿದ್ದನ್ನು ಮುಂಬೈ ಪೊಲೀಸರು ನಿರಾಕರಿಸಿದ್ದಾರೆ.

ಬಾಲಿವುಡ್ ನಟರ ಮೇಲೆ ಕಂಗನಾ ನೇರ ಆರೋಪ

ಇತ್ತೀಚೆಗಷ್ಟೆ ಕಂಗನಾ, ಬಾಲಿವುಡ್‌ನ ಪ್ರಮುಖ ನಟರಾದ, ರಣ್ವೀರ್ ಸಿಂಗ್, ರಣಬೀರ್ ಕಪೂರ್ ಮತ್ತು ವಿಕ್ಕಿ ಕೌಶಲ್ ಕೊಕೇನ್ ಮಾದಕ ವಸ್ತು ವ್ಯಸನಿಗಳು ಅವರನ್ನು ಪರೀಕ್ಷೆಗೆ ಒಳಪಡಿಸಬೇಕು ಎಂದು ಆಗ್ರಹಿಸಿದ್ದರು.