ಜಾಕ್ವೆಲಿನ್ ನಂತರ ವಂಚಕನ ಬಲೆಗೆ ಬಾಲಿವುಡ್ ಬೆಡಗಿ ನೋರಾ ಫತೇಹಿ!

ವಂಚನೆ ಪ್ರಕರಣದಲ್ಲಿ 'ದಿಲ್‌ ಬರ್‌' ಹಾಡಿನ ಬೆಡಗಿ!

ಬಾಲಿವುಡ್‌ನಲ್ಲಿ ಕೆಲವು ವರ್ಷಗಳಿಂದ ಐಟಂ ಹಾಡುಗಳು ಅಂದರೆ ನೋರಾ ಫತೇಹಿ, ನೋರಾ ಫತೇಹಿ ಅಂದರೆ ಐಟಂ ಹಾಡುಗಳು ಎನ್ನುವಂತಾಗಿದೆ. ಯಾಕೆಂದರೆ ನೋರಾ ಫತೇಹಿ ಉತ್ತಮ ಡ್ಯಾನ್ಸರ್ ಮತ್ತು ಚೆಂದುಳ್ಳಿ ಚೆಲುವೆ. ಹಾಗಾಗಿ ಬಹುತೇಕ ಚಿತ್ರಗಳ ವಿಶೇಷ ಹಾಡುಗಳಲ್ಲಿ ನೋರಾ ನೃತ್ಯಕ್ಕೆ ಹೆಚ್ಚಿನ ಬೇಡಿಕೆ ಇರುತ್ತದೆ. ಆ ಚಿತ್ರದಲ್ಲಿ ನೋರಾ ಫತೇಹಿ ಹಾಡು ಇದೆ ಎಂದರೆ ಅದು ವಿಶೇಷವಾಗಿ ಪ್ರೇಕ್ಷಕರ ಗಮನ ಸೆಳೆಯುತ್ತದೆ. ಜಾನ್‌ ಅಬ್ರಾಹಮ್‌ ನಟನೆಯ 'ಸತ್ಯ ಮೇವ ಜಯತೆ' ಚಿತ್ರದ 'ದಿಲ್‌ಬರ್' ಹಾಡಿನ ಮೂಲಕ ನೋರಾ ಹೆಚ್ಚು ಸದ್ದು ಮಾಡಿದ್ದಳು. ಟಿವಿ ಕಾರ್ಯಕ್ರಮದಲ್ಲಿ ನಿರೂಪಕಿ ಆಗಿ ಕಾಣಿಸಿಕೊಳ್ಳುತ್ತಾ ಇದ್ದ ಕೆನಡಿಯನ್‌ ಮೂಲಕ ಈ ಬೆಡಗಿ ಈಗ ಬಾಲಿವುಡ್‌ನಲ್ಲಿ ಬೇಡಿಕೆ ಇರುವ ನಟಿ. ಆದರೆ ಈಗ ವಂಚನೆ ಪ್ರಕರಣದಲ್ಲಿ ಈಕೆಯ ಹೆಸರು ಕೇಳಿ ಬರ್ತಿದೆ.

ಸುಕೇಶ್‌ನಿಂದ ನಟಿಗೆ BMW ಕಾರು ಉಡುಗೊರೆ!

ನಟಿ ನೋರಾ ಫತೇಹಿ ವಂಚಕ ಸುಕೇಶ್‌ ಸಂಪರ್ಕದಲ್ಲಿ ಇದ್ದರು ಎನ್ನುವುದು ತಿಳಿದು ಬಂದಿದೆ. ಅಷ್ಟೇ ಅಲ್ಲ ಸುಕೇಶ್‌ನಿಂದ ನೋರಾ ಫತೇಹಿ ಹಲವು ದುಬಾರಿ ಗಿಫ್ಟ್‌ಗಳನ್ನ ಪಡೆದಿದ್ದಾರೆ ಎನ್ನಲಾಗಿದೆ. ಅದರಲ್ಲಿ ದುಬಾರಿ ಬೆಲೆಯ ಕಾರು ಕೂಡ ಉಡುಗೊರೆಯಾಗಿ ಪಡೆದಿದ್ದಾಳಂತೆ ನೋರಾ. ಇಡಿ ಮುಂದೆ ವಿಚಾರಣೆಗೆ ಹಾಜರಾದ ನೋರಾ ಫತೇಹಿ ಸುಕೇಶ್‌ ಜೊತೆಗಿನ ನಂಟಿನ ಬಗ್ಗೆ ಬಾಯ್ಬಿಟ್ಟಿದ್ದಾಳೆ. ಸುಕೇಶ್ ಮಾತ್ರವಲ್ಲ ಸುಕೇಶ್‌ ಪತ್ನಿ ಇಂದಲೂ ತನಗೆ ಉಡುಗೊರೆ ಬಂದಿರುವುದಾಗಿ ನೋರಾ ಹೇಳಿ ಕೊಂಡಿದ್ದಾರೆ.

ಸುಕೇಶ್- ನೋರಾ ಫತೇಹಿ ಮೆಸೇಜ್‌ ಸೀಕ್ರೆಟ್‌ ಬಯಲು!

ನಟಿ ನೋರಾ ಫತೇಹಿ ಮತ್ತು ಸುಕೇಶ್‌ ಸಂಪರ್ಕದಲ್ಲಿ ಇದ್ದರು. ಇದನ್ನು ನೋರಾ ಇಡಿ ಮುಂದೆ ಹೇಳಿಕೊಂಡಿದ್ದಾರೆ. ಅಷ್ಟೇ ಅಲ್ಲ ಅವರು ನಡೆಸಿದ ಸಂಭಾಷಣೆ ಕೂಡ ರಿವೀಲ್‌ ಆಗಿದೆ. ಮೊಬೈಲ್‌ ಸಂದೇಶದಲ್ಲೇ ಕಾರಿನ ಕುರಿತು ಮಾತನಾಡಲಾಗಿದೆ. ಸುಕೇಶ್‌ ನೋರಾಗೆ ಯಾವ ಕಾರು ಇಷ್ಟ ಎಂದು ಮೆಏಜ್ ಮಾಡಿದ್ದಾನೆ. ನೋರಾ ರೇಂಜ್ ರೋವರ್ ಕಾರಿನ ಬಗ್ಗೆ ಸಂಭಾಷಣೆ ನಡೆಸಿದ್ದಾರೆ. ನೋರಾಗೆ ಗಿಫ್ಟ್‌ ಕೊಡಲು ಕಾರಣ ಏನು ಎನ್ನುವುದನ್ನು ಕೂಡ ಮೆಸೇಜ್‌ನಲ್ಲಿ ಸುಕೇಶ್‌ ಬರೆದಿದ್ದಾನೆ " ಈ ಉಡುಗೊರೆ ನೀಡಲು ಕಾರಣ ಏನು ಎನ್ನುವುದನ್ನು ಸ್ಪಷ್ಟ ಪಡಿಸುತ್ತೇನೆ. ನಮಗೆ ಯಾರಾದರು ವ್ಯಕ್ತಿ ಇಷ್ಟ ಆದರೆ ಅವರಿಗೆ ಉಡುಗೊರೆಗಳನ್ನು ಕೊಡುತ್ತೇವೆ. ಇದು ಹಾಗೆಯೆ" ಎಂದು ಸಂದೇಶ ಕಳುಹಿಸಿದ್ದಾನೆ.

ಪಾರ್ಟಿಯಲ್ಲಿ ನೋರಾಗೆ ಸಿಕ್ಕಿತ್ತು ದುಬಾರಿ ಬ್ಯಾಗ್!

ಇನ್ನು ನೋರಾ ಫತೇಹಿಗೆ ಕೇವಲ ಸುಕೇಶ್ ಮಾತ್ರ ಉಡುಗೊರೆ ನೀಡಿಲ್ಲ. ಆತನ ಪತ್ನಿ ಲೀನಾ ಮರಿಯಾ ಪೌಲ್‌ ಕೂಡ ನೋರಾಗೆ ದುಬಾರಿ ಬೆಲೆಯ ಗೂಚಿ ಬ್ಯಾಗನ್ನು ಉಡುಗೊರೆಯಾಗಿ ಕೊಟ್ಟಿದ್ದಾರಂತೆ. 2020ರ ಡಿಸೆಂಬರ್‌ನಲ್ಲಿ ಚೆನ್ನೈನಲ್ಲಿ ನಡೆದ ಕಾರ್ಯಕ್ರಮಕ್ಕೆ ಲೀನಾ ಮರಿಯಾ ನೋರಾ ಫತೇಹಿ ಅವರನ್ನು ಆಹ್ವಾನಿಸಿದ್ದರಂತೆ. ಆಗ ಪ್ರೀತಿ ವಿಶ್ವಾದ ನೆಪದಲ್ಲಿ ಈ ದುದಾರಿ ಗಿಫ್ಟ್‌ ನೀಡಿದ್ದಾರಂತೆ. ಈ ವಿಚಾರವನ್ನು ನೋರಾ ಅಧಿಕಾರಿಗಳ ಮುಂದೆ ಹೇಳಿ ಕೊಂಡಿದ್ದಾರೆ.