ಕಣ್ಸನ್ನೆ ಸುಂದರಿ ಪ್ರಿಯಾ ಪ್ರಕಾಶ್ ವಾರಿಯರ್ ಬಗ್ಗೆ ಹಬ್ಬಿರುವ ಹೊಸ ಸುದ್ದಿ ನಿಜವೇ.?

ಬಾಲಿವುಡ್ ನಲ್ಲಿ ಕೇಳಿಬರುತ್ತಿರುವ ಹೊಸ ಗುಲ್ಲು

ಶೀಘ್ರದಲ್ಲೇ ನಟಿ ಪ್ರಿಯಾ ಪ್ರಕಾಶ್ ವಾರಿಯರ್ ಬಾಲಿವುಡ್ ಗೆ ಪದಾರ್ಪಣೆ ಮಾಡಲಿದ್ದಾರೆ. ಬಾಲಿವುಡ್ ಹೀರೋ ರಣ್ವೀರ್ ಸಿಂಗ್ ಚಿತ್ರದಲ್ಲಿ ಪ್ರಿಯಾ ಪ್ರಕಾಶ್ ವಾರಿಯರ್ ನಟಿಸಲಿದ್ದಾರೆ ಅಂತ ಬಾಲಿವುಡ್ ಅಂಗಳಲ್ಲಿ ಗುಲ್ಲೋ ಗುಲ್ಲು.

ಯಾವ ಸಿನಿಮಾದಲ್ಲಿ.?

ರಣ್ವೀರ್ ಸಿಂಗ್ ಅಭಿನಯಿಸಲು ಒಪ್ಪಿಕೊಂಡಿರುವ 'ಸಿಂಬಾ' ಚಿತ್ರದಲ್ಲಿ ನಟಿಸಲು ಪ್ರಿಯಾ ಪ್ರಕಾಶ್ ವಾರಿಯರ್ ಗೆ ಬುಲಾವ್ ಬಂದಿದ್ಯಂತೆ. ರೋಹಿತ್ ಶೆಟ್ಟಿ ನಿರ್ದೇಶನದ ಕರಣ್ ಜೋಹರ್ ನಿರ್ಮಾಣದ 'ಸಿಂಬಾ'ದಲ್ಲಿ ಆಕ್ಟ್ ಮಾಡುವ ಚಾನ್ಸ್ ಪ್ರಿಯಾ ಪ್ರಕಾಶ್ ವಾರಿಯರ್ ಗೆ ಸಿಕ್ಕಿದ್ಯಂತೆ.

ಹೀರೋಯಿನ್ ಆಗಿ ಅಲ್ಲ.!

'ಸಿಂಬಾ' ಸಿನಿಮಾದಲ್ಲಿ ಪ್ರಿಯಾ ಪ್ರಕಾಶ್ ವಾರಿಯರ್ ಗೆ ನಾಯಕಿಯ ಪಾತ್ರ ಆಫರ್ ಮಾಡಿಲ್ಲ. ಬದಲಾಗಿ ಒಂದು ಸಣ್ಣ ಪಾತ್ರಕ್ಕೆ ಮಾತ್ರ ಬಣ್ಣ ಹಚ್ಚುವಂತೆ ಚಿತ್ರತಂಡ ಕೇಳಿಕೊಂಡಿದೆ ಎಂಬ ಗಾಸಿಪ್ ಬಿಟೌನ್ ಗಲ್ಲಿಗಳಲ್ಲಿ ಗಿರಕಿ ಹೊಡೆಯುತ್ತಿವೆ.

ಇದು ನಿಜವೇ.?

ಬಾಲಿವುಡ್ ನಿಂದ ಕರೆ ಬಂದಿರುವ ಬಗ್ಗೆ ಪ್ರಿಯಾ ಪ್ರಕಾಶ್ ವಾರಿಯರ್ ತುಟಿ ಎರಡು ಮಾಡಿಲ್ಲ. ಇನ್ನೂ, 'ಸಿಂಬಾ' ಸಿನಿಮಾದಲ್ಲಿ ಪ್ರಿಯಾ ನಟಿಸುತ್ತಿರುವ ಬಗ್ಗೆ ಚಿತ್ರತಂಡ ಕೂಡ ಅನೌನ್ಸ್ ಮಾಡಿಲ್ಲ. ಆದರೂ, ಸೋಷಿಯಲ್ ಮೀಡಿಯಾದಲ್ಲಿ ಈ ಗುಸು ಗುಸು ಕೇಳಿಬರುತ್ತಿದೆ.