ರಾಖಿ ಸಾವಂತ್ ಗೆ ಬೆದರಿಕೆ ಕರೆಗಳು ಬರ್ತಿವ್ಯಂತೆ.! ಯಾರು ಕಾರಣ.?

ಪೊಲೀಸ್ ಮೊರೆ ಹೋದ ರಾಖಿ

ಪದೇ ಪದೇ ಬೆದರಿಕೆ ಕರೆಗಳು ಬರುತ್ತಿರುವ ಕಾರಣ ನಟಿ ರಾಖಿ ಸಾವಂತ್ ಪೊಲೀಸರ ಮೊರೆ ಹೋಗಿದ್ದಾರೆ. ತನುಶ್ರೀ ದತ್ತಾ ಪರವಾಗಿ ಇರುವ ಅನಾಮಧ್ಯೇಯ ವ್ಯಕ್ತಿ ಕರೆ ಮಾಡಿ ನಿಂದಿಸಿದರಿಂದ Oshiwara ಪೊಲೀಸ್ ಸ್ಟೇಷನ್ ನಲ್ಲಿ ರಾಖಿ ಸಾವಂತ್ ದೂರು ದಾಖಲಿಸಿದ್ದಾರೆ.

ಇನ್ಸ್ಟಾಗ್ರಾಮ್ ನಲ್ಲಿ ಬರೆದುಕೊಂಡಿರುವ ರಾಖಿ

''Oshiwara ಪೊಲೀಸ್ ಠಾಣೆಯಲ್ಲಿ ಇಂದು ನಾನು ದೂರು ದಾಖಲಿಸಿರುವೆ. ಕೆಲವು ದಿನಗಳಿಂದ ನನಗೆ ಅನಾಮಿಕ ವ್ಯಕ್ತಿಯಿಂದ ಫೋನ್ ಕರೆಗಳು ಬರುತ್ತಿವೆ. ತನುಶ್ರೀ ದತ್ತಾ ವಿರುದ್ಧವಾಗಿ ಮಾತನಾಡಿದ್ದಕ್ಕೆ ನನ್ನನ್ನು ನಿಂದಿಸುತ್ತಿದ್ದಾರೆ'' ಎಂದು ಇನ್ಸ್ಟಾಗ್ರಾಮ್ ನಲ್ಲಿ ರಾಖಿ ಸಾವಂತ್ ಬರೆದುಕೊಂಡಿದ್ದಾರೆ.

ನಾನಾ ಪಾಟೇಕರ್ ಗೆ ಸಪೋರ್ಟ್ ಮಾಡಿದ್ದ ರಾಖಿ

''ಸಾಂಗ್ ಶೂಟಿಂಗ್ ನಲ್ಲಿ ಪಾಲ್ಗೊಳ್ಳದೇ, ಡ್ರಗ್ಸ್ ತೆಗೆದುಕೊಂಡು ತನುಶ್ರೀ ದತ್ತಾ ಮೂರ್ಛೆ ಹೋಗಿದ್ದರು. ಹೀಗಾಗಿ ತನುಶ್ರೀ ದತ್ತಾ ಬದಲು ಹಾಡಿಗೆ ನಾನು ಹೆಜ್ಜೆ ಹಾಕಿದೆ'' ಎಂದು ಇತ್ತೀಚೆಗಷ್ಟೇ ಪ್ರೆಸ್ ಮೀಟ್ ನಲ್ಲಿ ರಾಖಿ ಸಾವಂತ್ ಹೇಳಿದ್ದರು.

ತನುಶ್ರೀ ಬಿಟ್ಟು ಹೋದ ಜಾಗಕ್ಕೆ ಬಂದ ರಾಖಿ

ಹಾರ್ನ್ ಓಕೆ ಪ್ಲೀಸ್' ಚಿತ್ರದ ಸೆಟ್ ನಲ್ಲಿ ನಾನಾ ಪಾಟೇಕರ್ ಅಸಭ್ಯವಾಗಿ ವರ್ತಿಸಿದ ಮೇಲೆ ಚಿತ್ರೀಕರಣವನ್ನ ಅರ್ಧಕ್ಕೆ ಬಿಟ್ಟು ತನುಶ್ರೀ ದತ್ತಾ ಹೊರಟು ಹೋದರು. ಆಗ, ತನುಶ್ರೀ ದತ್ತಾ ಬದಲು ಹಾಡಿಗೆ ಡ್ಯಾನ್ಸ್ ಮಾಡಿದವರು ರಾಖಿ ಸಾವಂತ್.