ಡೇಟಿಂಗ್ ಬಗ್ಗೆ ಕೇಳಿದಕ್ಕೆ 'ಸಗಣಿಯ ರಾಶಿ' ಎಂದ ರವಿ ಶಾಸ್ತ್ರಿ.!

ಕಾಡ್ಗಿಚ್ಚಿನಂತೆ ಹಬ್ಬಿದ ಸುದ್ದಿ

ಟೀಮ್ ಇಂಡಿಯಾದ ಕೋಚ್ ರವಿ ಶಾಸ್ತ್ರಿ ಹಾಗೂ ನಿಮ್ರತ್ ಕೌರ್ ನಡುವೆ ಎರಡು ವರ್ಷಗಳಿಂದ ಅಫೇರ್ ಇದೆ ಎಂಬ ಸುದ್ದಿ ನಿನ್ನೆ ಇದ್ದಕ್ಕಿದ್ದಂತೆ ಕಾಡ್ಗಿಚ್ಚಿನಂತೆ ಹಬ್ಬಿತ್ತು. ಕೆಲ ಪತ್ರಿಕೆಗಳು ಇದೇ ವಿಚಾರದ ಕುರಿತು ವರದಿ ಪ್ರಕಟ ಮಾಡಿದವು. ಇಷ್ಟೆಲ್ಲಾ ಆದ್ಮೇಲೆ ರವಿ ಶಾಸ್ತ್ರಿ ಸ್ಪಷ್ಟನೆ ಕೊಟ್ಟಿದ್ದಾರೆ.

ರವಿ ಶಾಸ್ತ್ರಿ ಕೊಟ್ಟಿರುವ ಸ್ಪಷ್ಟನೆ ಏನು.?

''ಇದೊಂದು ಸಗಣಿಯ ರಾಶಿ ಅಷ್ಟೇ. ಇದರ ಬಗ್ಗೆ ಹೇಳುವುದಕ್ಕೆ ಹೆಚ್ಚೇನೂ ಇಲ್ಲ'' ಎಂದು ಪತ್ರಕರ್ತರೊಬ್ಬರು ಪ್ರಶ್ನಿಸಿದ್ದಾಗ ರವಿ ಶಾಸ್ತ್ರಿ ಸ್ಪಷ್ಟನೆ ಕೊಟ್ಟಿದ್ದಾರೆ. ಅಲ್ಲಿಗೆ, ಇದು ಕೇವಲ ವದಂತಿ ಅಷ್ಟೇ ಅನ್ನೋದು ರವಿ ಶಾಸ್ತ್ರಿ ಮಾತುಗಳಿಂದ ಸ್ಪಷ್ಟವಾಗಿದೆ.

ನಿಮ್ರತ್ ಕೌರ್ ಏನಂತಾರೆ.?

''ನನಗೆ ರೂಟ್ ಕೆನಾಲ್ ಬೇಕಾಗಬಹುದು ಎಂಬುದಷ್ಟೇ ಸದ್ಯದ ವಾಸ್ತವ. ಅದನ್ನ ಬಿಟ್ಟು ನನ್ನ ಬಗ್ಗೆ ಕೇಳಿಬರುತ್ತಿರುವ ಸುದ್ದಿಯೆಲ್ಲಾ ಸುಳ್ಳು. ಈ ಸುಳ್ಳು ಸುದ್ದಿಗಳು ಮನಸ್ಸಿಗೆ ತುಂಬಾ ಬೇಸರ ಉಂಟು ಮಾಡುತ್ತೆ'' ಎಂದು ನಟಿ ನಿಮ್ರತ್ ಕೌರ್ ಕೂಡ ಇದೇ ವಿಷಯದ ಕುರಿತು ಟ್ವೀಟ್ ಮಾಡಿ ಕ್ಲಾರಿಟಿ ಕೊಟ್ಟಿದ್ದಾರೆ.

ಪತ್ನಿಯಿಂದ ರವಿ ಶಾಸ್ತ್ರಿ ದೂರ

1990 ರಲ್ಲಿ ರಿತು ಸಿಂಗ್ ರನ್ನ ರವಿ ಶಾಸ್ತ್ರಿ ಮದುವೆ ಆದರು. ಆದ್ರೆ, ಈ ಮದುವೆ ಹೆಚ್ಚು ದಿನ ಉಳಿಯಲಿಲ್ಲ. ರಿತು ಸಿಂಗ್ ರನ್ನ ವಿವಾಹ ಆಗುವ ಮುನ್ನ ಸೈಫ್ ಅಲಿ ಖಾನ್ ಮಾಜಿ ಪತ್ನಿ ಅಮೃತಾ ಸಿಂಗ್ ರನ್ನ ರವಿ ಶಾಸ್ತ್ರಿ ಪ್ರೀತಿಸುತ್ತಿದ್ದರು. ನಿಶ್ಚಿತಾರ್ಥ ಕೂಡ ಮಾಡಿಕೊಂಡರು. ಆದ್ರೆ, ಈ ಸಂಬಂಧ ಕೂಡ ಮುರಿದು ಬಿದ್ದಿತ್ತು.