ಸ್ಟಾರ್ ನಟಿಯ ವಾಟ್ಸಾಪ್ ಬ್ಲಾಕ್ ಮಾಡಿದ ರಿಷಬ್ ಪಂತ್: ಅಷ್ಟಕ್ಕೂ ಆ ನಟಿ ಮಾಡಿದ್ದೇನು?

ಊರ್ವಶಿ ನಂಬರ್ ಬ್ಲಾಕ್!

ಕನ್ನಡದಲ್ಲಿ ನಟ ದರ್ಶನ್ ಜೊತೆ ಐರಾವತ ಸಿನಿಮಾ ಮಾಡಿದ್ದ ಊರ್ವಶಿ ರೌಟೇಲ, ನಂತರ ಬಾಲಿವುಡ್ನಲ್ಲೇ ಯಶಸ್ಸು ಕಂಡರು. ಈ ಮೊದಲು ಕ್ರಿಕೆಟರ್ ಹಾರ್ದಿಕ್ ಪಾಂಡ್ಯ ಜೊತೆ ಊರ್ವಶಿ ಹೆಸರು ತಳುಕು ಹಾಕಿಕೊಂಡಿತ್ತು. ಇದೀಗ, ರಿಷಬ್ ಪಂತ್ ಜೊತೆ ರೌಟೇಲ ಹೆಸರು ಸದ್ದು ಮಾಡುತ್ತಿದೆ. ಇತ್ತೀಚಿಗಷ್ಟೆ ಇಬ್ಬರು ಡಿನ್ನರ್ ಪಾರ್ಟಿಗೆ ಹೋಗಿದ್ದರು. ಈಗ ಊರ್ವಶಿ ವಾಟ್ಸಾಪ್ ನಂಬರ್ ಬ್ಲಾಕ್ ಮಾಡಿದ್ದಾರಂತೆ ರಿಷಬ್ ಪಂತ್.

ರಿಷಬ್ ನಂಬರ್ ಕೂಡ ಬ್ಲಾಕ್!

ಊರ್ವಶಿ ನಂಬರ್ ರಿಷಬ್ ಬ್ಲಾಕ್ ಮಾಡಿದ್ರೆ, ಆ ಕಡೆ ರಿಷಬ್ ಪಂತ್ ನಂಬರ್ನ್ನು ಊರ್ವಶಿ ಬ್ಲಾಕ್ ಮಾಡಿದ್ದಾರಂತೆ. ಏನಿದು ಪರಸ್ಪರ ಇಬ್ಬರು ತಮ್ಮ ವಾಟ್ಸಾಪ್ ನಂಬರ್ ಬ್ಲಾಕ್ ಮಾಡಿಕೊಂಡಿದ್ದಾರೆ ಎಂದು ಕುತೂಹಲ ಮೂಡಿಸಿದೆ. ಊರ್ವಶಿ ಅವರ ವಕ್ತಾರ ಈ ಬಗ್ಗೆ ಬಾಲಿವುಡ್ ಮಾಧ್ಯಮಕ್ಕೆ ಪ್ರತಿಕ್ರಿಯೆ ನೀಡಿದ್ದು, ''ಪರಸ್ಪರ ಇಬ್ಬರು ವಾಟ್ಸಾಪ್ ನಂಬರ್ ಬ್ಲಾಕ್ ಮಾಡಿದ್ದಾರೆ'' ಎಂದಷ್ಟೇ ಹೇಳಿದ್ದಾರೆ ಎಂದು ವರದಿಯಾಗಿದೆ.

ಗರ್ಲ್ ಫ್ರೆಂಡ್ ಪರಿಚಯಿಸಿದ್ದ ರಿಷಬ್

ಊರ್ವಶಿ ಮತ್ತು ರಿಷಬ್ ಇಬ್ಬರು ಒಟ್ಟಿಗೆ ಡಿನ್ನರ್ ಪಾರ್ಟಿಯಲ್ಲಿ ಕಾಣಿಸಿಕೊಂಡಿದ್ದು ನೋಡಿ, ಬಹುಶಃ ಇಬ್ಬರು ಡೇಟ್ ಮಾಡ್ತಿರಬಹುದು ಎಂದು ಊಹಿಸಲಾಗಿತ್ತು. ಇರಬಹುದು ಎಂದು ನಂಬುವಷ್ಟರಲ್ಲಿ ರಿಷಬ್ ಪಂತ್ ಸ್ವತಃ ತಮ್ಮ ಗರ್ಲ್ ಫ್ರೆಂಡ್ ಪರಿಚಯ ಮಾಡಿದ್ದರು.

ಪ್ರೀತಿ ಖಚಿತ ಪಡಿಸಿದ್ದ ಜೋಡಿ

ರಿಷಬ್ ಪಂತ್ ಮತ್ತು ಇಶಾ ನೇಗಿ ಇಬ್ಬರು ತಮ್ಮ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಇಬ್ಬರು ಒಟ್ಟಿಗೆ ಕಾಣಿಸಿಕೊಂಡಿರುವ ಫೋಟೋ ಶೇರ್ ಮಾಡಿದ್ದರು. ''ನನ್ನ ಹುಡುಗ'' ಎಂದು ಇಶಾ ನೇಗಿ ಸ್ಟೇಟಸ್ ಹಾಕಿದ್ದರು. ರಿಷಬ್ ಪಂತ್ ಕೂಡ ''ನನ್ನ ಖುಷಿಯ ಹಿಂದೆ ಇರುವುದು ಈಕೆಯೇ'' ಎಂದು ಹೇಳಿಕೊಂಡಿದ್ದರು.

ಊರ್ವಶಿ ವಾಟ್ಸಾಪ್ ಬ್ಲಾಕ್ ಮಾಡಲು ಕಾರಣವೇನು?

ಅಧಿಕೃತವಾಗಿ ತಮ್ಮ ಗೆಳತಿಯನ್ನು ಪರಿಚಯ ಮಾಡಿರುವ ರಿಷಬ್ ಪಂತ್, ತಮ್ಮ ಹಿಂದಿನ ಸಂಬಂಧಗಳು, ವದಂತಿಗಳಿಂದ ದೂರವಿರಲು ನಿರ್ಧರಿಸಿದ್ದಾರೆ. ಆ ಕಾರಣದಿಂದಲೇ ಊರ್ವಶಿ ಜೊತೆಗಿನ ಸ್ನೇಹವನ್ನು ಮುರಿದುಕೊಂಡಿದ್ದಾರೆ ಎನ್ನಲಾಗುತ್ತಿದೆ.

ಊರ್ವಶಿ ಲವ್ಸ್ ಕ್ರಿಕೆಟರ್ಸ್?

ಊರ್ವಶಿ ರೌಟೇಲಾಗೆ ಕ್ರಿಕೆಟರ್ಸ್ ಅಂದ್ರೆ ಒಂಥರಾ ಇಷ್ಟ. ಈ ಹಿಂದೆ ಹಾರ್ದಿಕ್ ಪಾಂಡ್ಯ ಜೊತೆ ಗಾಸಿಪ್ ಹರಿದಾಡಿತ್ತು. ರಿಷಬ್ ಪಂತ್ ಜೊತೆಯೂ ಊರ್ವಶಿ ಹೆಸರು ಕೇಳಿಬಂದಿತ್ತು. ಮುಂದೆ ಮತ್ಯಾವ ಕ್ರಿಕೆಟರ್ ಜೊತೆ ಐರಾವತ ನಾಯಕಿಯ ಹೆಸರು ಸದ್ದು ಮಾಡುತ್ತೋ?