ರಣ್ಬೀರ್ ಯಾರನ್ನೇ ಮದುವೆಯಾದರೂ ನಮಗೇನೂ ಅಭ್ಯಂತರ ಇಲ್ಲ ಎಂದ ರಿಶಿ ಕಪೂರ್.!

ಆದಷ್ಟು ಬೇಗ ಮದುವೆ ಆದರೆ ಸಾಕು

''ಆದಷ್ಟು ಬೇಗ ರಣ್ಬೀರ್ ಕಪೂರ್ ಮದುವೆ ಆಗಬೇಕು. ನಾನು ಮದುವೆಯಾದಾಗ ನನಗೆ 27 ವರ್ಷ. ಆದ್ರೀಗ, ರಣ್ಬೀರ್ ವಯಸ್ಸು 35 ದಾಟಿದೆ. ಹೀಗಾಗಿ, ಆತ ಮದುವೆ ಬಗ್ಗೆ ಬೇಗ ನಿರ್ಧಾರ ಮಾಡಬೇಕು. ರಣ್ಬೀರ್ ತನ್ನ ಇಷ್ಟದ ಹುಡುಗಿಯನ್ನೇ ಮದುವೆ ಆಗಲಿ, ನಮಗೇನೂ ಅಭ್ಯಂತರ ಇಲ್ಲ. ನಾನು ಇಹಲೋಕ ತ್ಯಜಿಸುವ ಮುನ್ನ ಮೊಮ್ಮಕ್ಕಳ ಜೊತೆ ಕಾಲ ಕಳೆಯಬೇಕು ಅನ್ನೋದು ನನ್ನ ಆಸೆ'' ಅಂತ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ ರಿಶಿ ಕಪೂರ್.

ಮಾತು ಮರೆಸುವ ರಣ್ಬೀರ್

''ರಣ್ಬೀರ್ ಮುಂದೆ ನನ್ನ ಪತ್ನಿ ಮದುವೆ ಮಾತುಕತೆ ಮಾಡುತ್ತಲೇ ಇರುತ್ತಾಳೆ. ಆದ್ರೆ, ಮದುವೆ ಬಗ್ಗೆ ಮಾತು ಶುರು ಮಾಡಿದ ತಕ್ಷಣ ರಣ್ಬೀರ್ ಮಾತು ಮರೆಸುತ್ತಾನೆ. ಮದುವೆಗೆ ಆತ ಸಿದ್ಧನಾದರೆ ನಮಗೆ ಖುಷಿ. ಎಷ್ಟೇ ಆಗಲಿ, ಅವನು (ರಣ್ಬೀರ್) ಖುಷಿಯಾಗಿದ್ದರೆ, ನಾವೂ ಖುಷಿ ಆಗಿರುತ್ತೇವೆ'' ಅಂತಾರೆ ರಿಶಿ ಕಪೂರ್

ಬುದ್ಧಿವಂತಿಕೆಯ ಉತ್ತರ ಕೊಟ್ಟ ರಿಶಿ

''ರಣ್ಬೀರ್ ಡೇಟ್ ಮಾಡುತ್ತಿರುವುದು ಆಲಿಯಾ ಭಟ್ ರನ್ನೇ ಅಲ್ಲವೇ.?'' ಎಂದು ಪ್ರಶ್ನಿಸಿದ್ದಕ್ಕೆ, ''ಯಾರಿದ್ದಾರೋ, ಅವರೇ ಇದ್ದಾರೆ. ಅದು ಎಲ್ಲರಿಗೂ ಗೊತ್ತಿದೆ. ಈ ಬಗ್ಗೆ ನಾನು ಹೆಚ್ಚೇನೂ ಹೇಳುವುದಿಲ್ಲ'' ಎಂದು ಬುದ್ಧಿವಂತಿಕೆಯ ಉತ್ತರ ಕೊಟ್ಟರು ರಿಶಿ ಕಪೂರ್.

ರಣ್ಬೀರ್-ಆಲಿಯಾ 'ಬ್ರಹ್ಮಾಸ್ತ್ರ'

ಸದ್ಯ ರಣ್ಬೀರ್ ಕಪೂರ್ ಹಾಗೂ ಆಲಿಯಾ ಭಟ್ 'ಬ್ರಹ್ಮಾಸ್ತ್ರ' ಚಿತ್ರದ ಚಿತ್ರೀಕರಣಕ್ಕಾಗಿ ಬಲ್ಗೇರಿಯಾಗೆ ತೆರಳಿದ್ದಾರೆ. 'ಬ್ರಹ್ಮಾಸ್ತ್ರ' ಚಿತ್ರದಲ್ಲಿ ನಾಗಾರ್ಜುನ, ಅಮಿತಾಬ್ ಬಚ್ಚನ್ ರಂತಹ ದಿಗ್ಗಜರೂ ಅಭಿನಯಿಸುತ್ತಿದ್ದಾರೆ. 'ಸಂಜು' ಸಕ್ಸಸ್ ಬಳಿಕ ವೃತ್ತಿ ಜೀವನದ ಬಗ್ಗೆ ಹೆಚ್ಚು ಗಮನ ಹರಿಸುತ್ತಿರುವ ರಣ್ಬೀರ್ ಕಪೂರ್ ಮದುವೆಗೆ ಯಾವಾಗ ಗ್ರೀನ್ ಸಿಗ್ನಲ್ ಕೊಡ್ತಾರೋ.?!