ಆರ್‌ಆರ್‌ಆರ್ ಚಿತ್ರದ ಬಾಲಿವುಡ್ ಹಕ್ಕು ಖರೀದಿಸಿದ ಪೆನ್ ಸ್ಟುಡಿಯೋ

ಪೆನ್ ಸ್ಟುಡಿಯೋ ವಿತರಿಸಿರುವ ಚಿತ್ರಗಳು

ಪೆನ್ ಸ್ಟುಡಿಯೋ ಸಂಸ್ಥೆ ಈ ಮುಂಚೆ ಹಲವು ಚಿತ್ರಗಳನ್ನು ವಿತರಣೆ ಮಾಡಿದೆ. ತಮಿಳಿನ ರಜನಿ ಮುರುಗನ್, ಸಿಂಗಂ 3 ಹಿಂದಿ, ಜೀರೋ, ಬದ್ಲಾ, ಗೋಸ್ಟ್, ಲವ್ ಆಜ್ ಕಲ್, ಆಂಗ್ರೆಜಿ ಮೀಡಿಯಂ, ಕೂಲಿ ನಂ 1 ಅಂತಹ ಸಿನಿಮಾ ಬಿಡುಗಡೆ ಮಾಡಿದೆ. ಹಲವು ಸಿನಿಮಾಗಳ ನಿರ್ಮಾಣದಲ್ಲಿ ಪಾಲುದಾರರಾಗಿದ್ದಾರೆ.

ಮೊದಲ ಪ್ಯಾನ್ ಇಂಡಿಯಾ ಚಿತ್ರ

ಹಾಗ್ನೋಡಿದ್ರೆ, ಪೆನ್ ಸ್ಟುಡಿಯೋ ಪಾಲಿಗೆ 'ಆರ್ ಆರ್ ಆರ್' ಮೊದಲ ಪ್ಯಾನ್ ಇಂಡಿಯಾ ಚಿತ್ರ ಆಗಿದೆ. ಈ ಹಿಂದಿನ ಚಿತ್ರಗಳಿಗೆ ಹೋಲಿಸಿಕೊಂಡರೆ ಬಹುದೊಡ್ಡ ಪ್ರಾಜೆಕ್ಟ್ ಇದು. ಬಾಹುಬಲಿ ನಿರ್ದೇಶಕರಿಂದ ತಯಾರಾಗಿರುವ ಚಿತ್ರ ಎಂಬ ಕಾರಣಕ್ಕೆ ಉತ್ತರ ಭಾರತದಲ್ಲೂ ಆರ್ ಆರ್ ಆರ್ ಸಿನಿಮಾಗೆ ಬೇಡಿಕೆ ಹೆಚ್ಚಿದೆ.

ರಾಮ್ ಚರಣ್-ಜೂ ಎನ್‌ಟಿಆರ್

ತೆಲುಗು ನಟ ರಾಮ್ ಚರಣ್ ತೇಜ್ ಮತ್ತು ಜೂನಿಯರ್ ಎನ್ ಟಿ ಆರ್ ಈ ಸಿನಿಮಾಗಳಲ್ಲಿ ನಾಯಕರಾಗಿ ನಟಿಸಿದ್ದಾರೆ. ರಾಮ್ ಚರಣ್ ಅಲ್ಲೂರಿ ಸೀತಾರಾಮ ರಾಜು ಹಾಗೂ ಜೂ ಎನ್‌ಟಿಆರ್ ಕೊಮ್ಮರಂ ಭೀಮ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಅಜಯ್ ದೇವಗನ್, ಆಲಿಯಾ ಭಟ್ ಸಹ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

Recommended Video

ಕೊರೊನಾ ಸೋಂಕಿಗೆ ಒಳಗಾದ ನಟ ಪ್ರಜ್ವಲ್ ದೇವರಾಜ್ ಮತ್ತು ಪತ್ನಿ ರಾಗಿಣಿ | Filmibeat Kannada

400 ಕೋಟಿ ಬಜೆಟ್?

ಆರ್ ಆರ್ ಆರ್ ಚಿತ್ರಕ್ಕೆ ಡಿವಿವಿ ದಾನಯ್ಯ ಬಂಡವಾಳ ಹಾಕಿದ್ದಾರೆ. ತೆಲುಗಿನ ದೊಡ್ಡ ನಿರ್ಮಾಣ ಸಂಸ್ಥೆ ನಿರ್ಮಿಸಿರುವ ಈ ಚಿತ್ರಕ್ಕೆ ಸುಮಾರು 350-400 ಕೋಟಿಗೂ ಅಧಿಕ ಖರ್ಚು ಆಗಿದೆ ಎಂದು ವರದಿಯಾಗಿದೆ. ರಿಲೀಸ್‌ಗೂ ಮುಂಚೆಯೇ ವಿತರಣೆ, ಡಿಜಿಟಲ್, ಸ್ಯಾಟ್‌ಲೈಟ್ ಹಕ್ಕುಗಳಿಂದ ದೊಡ್ಡ ಮೊತ್ತ ಗಳಿಕೆ ಕಂಡಿದೆ ಎಂದು ಹೇಳಲಾಗಿದೆ.