ಬಾಲಿವುಡ್ ಖ್ಯಾತ ನಟ ನಸಿರುದ್ದೀನ್ ಷಾ ಅನಾರೋಗ್ಯದ ವದಂತಿ: ನಟ ಹೇಳಿದ್ದನು?

ಪುತ್ರ ಹೇಳಿದ್ದೇನು?

ತಂದೆಯ ಅನಾರೋಗ್ಯದ ವದಂತಿ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿರುವ ವಿವಾನ್ ಷಾ "ಎಲ್ಲರೂ ಚೆನ್ನಾಗಿದ್ದಾರೆ. ಬಾಬಾ ಆರೋಗ್ಯವಾಗಿದ್ದಾರೆ. ಅವರ ಆರೋಗ್ಯದ ಬಗ್ಗೆ ಎದ್ದಿರುವ ಸುದ್ದಿ ಸುಳ್ಳು. ಇರ್ಫಾನ್ ಭಾಯ್ ಮತ್ತು ಚಿಂಟು ಜೀಗಾಗಿ ಪ್ರಾರ್ಥನೆ ಮಾಡುತ್ತಿದ್ದಾರೆ. ಅವರ ಕುಟುಂಬಕ್ಕೆ ದುಃಖ ಭರಿಸುವ ಶಕ್ತಿ ಸಿಗಲಿ. ಇದು ನಮ್ಮೆಲ್ಲರಿಗೂ ತುಂಬ ದೊಡ್ಡ ನಷ್ಟ" ಎಂದು ಬರೆದುಕೊಂಡಿದ್ದಾರೆ.

ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ ನಸಿರುದ್ದೀನ್ ಷಾ

ಸ್ವತಃ ನಟ ನಸಿರುದ್ದೀನ್ ಷಾ ಅವರೆ ಫೇಸ್ ಬುಕ್ ನಲ್ಲಿ ಬರೆದುಕೊಂಡಿದ್ದಾರೆ. ಅನಾರೋಗ್ಯದ ಬಗ್ಗೆ ಎದ್ದಿರುವ ಸುದ್ದಿಯನ್ನು ತಳ್ಳಿಹಾಕಿದ್ದಾರೆ. ಅಲ್ಲದೆ ಆರೋಗ್ಯದ ಬಗ್ಗೆ ಕಾಳಜಿ ತೋರಿದ್ದಕ್ಕಾಗಿ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ್ದಾರೆ.

ನಸಿರುದ್ದೀನ್ ಷಾ ಹೇಳಿದ್ದೇನು?

ನನ್ನ ಆರೋಗ್ಯದ ಬಗ್ಗೆ ವಿಚಾರಿಸಿದ ಎಲ್ಲರಿಗೂ ಧನ್ಯವಾದ ಹೇಳುತ್ತೇನೆ. ನಾನು ಚೆನ್ನಾಗಿದ್ದೇನೆ. ನಾನು ಮನೆಯಲ್ಲಿಯೇ ಇದ್ದೀನಿ. ಲಾಕ್ ಡೌನ್ ಅನ್ನು ಗಮನಿಸುತ್ತಿದ್ದೀನಿ. ದಯವಿಟ್ಟು ಯಾವುದೇ ವದಂತಿಗಳನ್ನು ನಂಬಬೇಡಿ" ಎಂದು ಬರೆದುಕೊಂಡಿದ್ದಾರೆ.

ಲಾಕ್ ಡೌನ್ ನಲ್ಲಿ ಏನ್ಮಾಡ್ತಿದ್ದಾರೆ ನಸಿರುದ್ದೀನ್?

ಖ್ಯಾತ ನಟ ನಸಿರುದ್ದೀನ್ ಷಾ ಲಾಕ್ ಡೌನಲ್ಲಿ ವಿಲಿಯಂ ಷೇಕ್ಸ್ ಪಿಯರ್ ಅವರ ನಾಟಗಳನ್ನು ಓದುತ್ತಿದ್ದಾರಂತೆ. ಮೂರು ಬಾರಿ ರಾಷ್ಟ್ರ ಪ್ರಶಸ್ತಿ ಪಡೆದಿರುವ ನಸಿರುದ್ದೀನ್ ಷಾ ಅವರಿಗೆ ಇಬ್ಬರು ವಿವಾನ್ ಮತ್ತು ಇಮಾದ್ ಇಬ್ಬರು ಗಂಡು ಮಕ್ಕಳಿದ್ದಾರೆ. ಇಬ್ಬರೂ ಸಹ 2017ರಲ್ಲಿ ಬೊರ್ನಾಲಿ ಚಟರ್ಜಿ ನಿರ್ದೇಶನದ ದಿ ಹಂಗ್ರಿ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ.