For Quick Alerts
    ALLOW NOTIFICATIONS  
    For Daily Alerts

    ಕೇಸರಿ ಬಿಕಿನಿ ವಿವಾದ: ಅಕ್ಷಯ್ ಮಾಡಿದರೆ ತಪ್ಪಿಲ್ಲ, ಶಾರುಖ್ ಮಾಡಿದರೆ ತಪ್ಪು

    |

    ಬಾಲಿವುಡ್‌ನ ಮತ್ತೊಂದು ದೊಡ್ಡ ಸಿನಿಮಾ ಅದರಲ್ಲಿಯೂ ಕಿಂಗ್ ಖಾನ್ ಸಿನಿಮಾ ತೆರೆಗೆ ಬರಲು ಸಜ್ಜಾಗಿದೆ. ಇದೇ ಸಮಯಕ್ಕೆ ಕಾದು ಕೂತಿದ್ದ 'ಬಾಯ್‌ಕಾಟ್ ಗ್ಯಾಂಗ್' ಸಹ ಬಿಲದಿಂದ ಹೊರಬಂದಿವೆ.

    ಶಾರುಖ್ ಖಾನ್ ನಟನೆಯ 'ಪಠಾಣ್' ಸಿನಿಮಾದ ಹಾಡೊಂದು ಇತ್ತೀಚೆಗೆ ಬಿಡುಗಡೆ ಆಗಿದೆ. ಇತರೆ ಹಲವು ಬಾಲಿವುಡ್‌ ಹಾಡುಗಳ ಮಾದರಿಯಲ್ಲಿಯೇ ಹಾಡು ತುಸು ಹೆಚ್ಚೇ ಗ್ಲಾಮರಸ್ ಆಗಿದೆ. ದೀಪಿಕಾ ಪಡುಕೋಣೆ, ಬಿಕಿನಿ ತೊಟ್ಟು ಹಾಟ್ ಆಗಿ ಹಾಡಿಗೆ ನರ್ತಿಸಿದ್ದಾರೆ.

    ಆದರೆ ಹಾಡಿನಲ್ಲಿ ದೀಪಿಕಾ ಪಡುಕೋಣೆ ಕೇಸರಿ ಬಣ್ಣದ ಉಡುಗೆ ತೊಟ್ಟು ನರ್ತಿಸಿರುವುದನ್ನು ವಿರೋಧಿಸಿ ಕೆಲವರು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್‌ಗಳನ್ನು ಹಾಕುತ್ತಿದ್ದು, 'ಪಠಾಣ್' ಸಿನಿಮಾವನ್ನು ಬಾಯ್‌ಕಾಟ್ ಮಾಡಿ ಎಂದು ಕರೆ ನೀಡುತ್ತಿದ್ದಾರೆ.

    ಪಠಾಣ್‌ ಬಾಯ್‌ಕಾಟ್‌ಗೆ ಒತ್ತಾಯ

    ಪಠಾಣ್‌ ಬಾಯ್‌ಕಾಟ್‌ಗೆ ಒತ್ತಾಯ

    ಹಾಡಿನಲ್ಲಿ ಬಹುತೇಕ ಬಿಕಿನಿ ಅಥವಾ ಬಿಕಿನಿಯನ್ನೇ ಹೋಲುವ ಉಡುಗೆಗಳನ್ನು ತೊಟ್ಟು ದೀಪಿಕಾ ಪಡುಕೋಣೆ ನರ್ತಿಸಿದ್ದಾರೆ. ಹಾಡಿನ ಮಧ್ಯಭಾಗದಲ್ಲಿ ಕೇಸರಿ ಬಣ್ಣದ ಬಿಕಿನಿಯನ್ನೇ ಹೋಲುವ ಉಡುಗೆಯನ್ನು ತೊಟ್ಟು ಡ್ಯಾನ್ಸ್ ಮಾಡುತ್ತಾರೆ. ಆ ದೃಶ್ಯದಲ್ಲಿ ಶಾರುಖ್ ಖಾನ್ ಸಹ ದೀಪಿಕಾ ಜೊತೆ ಸೇರಿಕೊಳ್ಳುತ್ತಾರೆ. ಇಬ್ಬರೂ ತುಸು ರೊಮ್ಯಾಂಟಿಕ್ ಆಗಿ ಡ್ಯಾನ್ಸ್ ಮಾಡುತ್ತಾರೆ. ಇದು ಕೆಲವರ ವಿಶೇಷವಾಗಿ ಉಗ್ರ ಹಿಂದುತ್ವವಾದಿಗಳ, ಬಾಯ್‌ಕಾಟ್‌ ಗ್ಯಾಂಗ್‌ನ ಕೆಂಗಣ್ಣಿಗೆ ಕಾರಣವಾಗಿದೆ.

    ಬೇಷರಮ್ ಹಾಡಿನ ಬಗ್ಗೆ ವಿವಾದ

    ಬೇಷರಮ್ ಹಾಡಿನ ಬಗ್ಗೆ ವಿವಾದ

    ಕೇಸರಿ ಬಣ್ಣದ ಉಡುಪು ತೊಟ್ಟು ಗ್ಲಾಮರಸ್ ಆಗಿ ದೀಪಿಕಾ ಕಾಣಿಸಿಕೊಂಡಿದ್ದಾರೆ ಹಾಗಾಗಿ 'ಪಠಾಣ್' ಸಿನಿಮಾವನ್ನು ಬ್ಯಾನ್ ಮಾಡಬೇಕು ಎಂದು ಕೆಲವರು ಸಾಮಾಜಿಕ ಜಾಲತಾಣದಲ್ಲಿ ಒತ್ತಾಯಿಸಿದ್ದಾರೆ. ಮಧ್ಯ ಪ್ರದೇಶದ ಸಚಿವ ನರೋತ್ತಮ್ ಮಿಶ್ರಾ ಸೇರಿದಂತೆ ಹಲವು ಬಿಜೆಪಿ ಬೆಂಬಲಿಗರು, ಹಿಂದುಪರ ಸಂಘಟನೆಗಳವರು 'ಪಠಾಣ್' ಸಿನಿಮಾದ ಬೇಷರಮ್ ಹಾಡನ್ನು ವಿರೋಧಿಸಿದ್ದು, ಸಿನಿಮಾವನ್ನು ಬ್ಯಾನ್ ಮಾಡುವಂತೆ ಒತ್ತಾಯಿಸಿದ್ದಾರೆ.

    ಅಕ್ಷಯ್ ಕುಮಾರ್ ಮಾಡಿದರೆ ತಪ್ಪಲ್ಲ, ಶಾರುಖ್ ಮಾಡಿದರೆ ತಪ್ಪೆ?

    ಅಕ್ಷಯ್ ಕುಮಾರ್ ಮಾಡಿದರೆ ತಪ್ಪಲ್ಲ, ಶಾರುಖ್ ಮಾಡಿದರೆ ತಪ್ಪೆ?

    ಬ್ಯಾನ್‌ಗಾಗಿ ಒತ್ತಾಯ ಮಾಡುತ್ತಿರುವವರಿಗೆ ವಿರುದ್ಧವಾಗಿ ಕೆಲವರು ಶಾರುಖ್ ಖಾನ್ ಹಾಗೂ 'ಪಠಾಣ್' ಸಿನಿಮಾದ ಬೆಂಬಲಕ್ಕೆ ನಿಂತಿದ್ದಾರೆ. ದೀಪಿಕಾ ಪಡುಕೋಣೆ ಕೇಸರಿ ಬಣ್ಣದ ಬಟ್ಟೆ ಹಾಕಿ ಗ್ಲಾಮರಸ್ ಆಗಿ ನರ್ತಿಸಿರುವುದಕ್ಕೆ ವಿರೋಧಿಸುತ್ತಿರುವವರಿಗೆ, ಅಕ್ಷಯ್ ಕುಮಾರ್‌ ನಟನೆಯ ಒಂದು ಹಾಡು ತೋರಿಸಿ ಇದು ತಪ್ಪಲ್ಲವೇ? ಎಂದು ಪ್ರಶ್ನಿಸಿದ್ದಾರೆ. ಅಕ್ಷಯ್ ಕುಮಾರ್ ಹಾಗೂ ಕತ್ರಿನಾ ಕೈಫ್ ನಟಿಸಿರುವ ಒಂದು ಹಾಟ್ ಹಾಡಿನಲ್ಲಿ ಕತ್ರಿನಾ ಸಹ ಗ್ಲಾಮರಸ್ ಆಗಿರುವ ಕೇಸರಿ ಬಣ್ಣದ ಉಡುಗೆ ತೊಟ್ಟಿದ್ದಾರೆ. ಹಾಡಿನಲ್ಲಿ ಅಕ್ಷಯ್ ಕುಮಾರ್, ಕತ್ರಿನಾರನ್ನು ರೊಮ್ಯಾಂಟಿಕ್ ಆಗಿ ಮುದ್ದಿಸುತ್ತಿದ್ದಾರೆ. ಅಕ್ಷಯ್ ಮಾಡಿದರೆ ತಪ್ಪಲ್ಲ, ಶಾರುಖ್ ಖಾನ್ ಮಾಡಿದರೆ ತಪ್ಪೆ? ಎಂದು ನೆಟ್ಟಿಗರು ಪ್ರಶ್ನಿಸಿದ್ದಾರೆ.

    ಪ್ರಕಾಶ್ ರೈ ಟ್ವೀಟ್ ತಿರುಗೇಟು

    ಪ್ರಕಾಶ್ ರೈ ಟ್ವೀಟ್ ತಿರುಗೇಟು

    ಕೇಸರಿ ಬಣ್ಣದ ಬಿಕಿನಿ ಎಂಬ ಕಾರಣಕ್ಕೆ ಸಿನಿಮಾವನ್ನು ಬ್ಯಾನ್ ಮಾಡಲು ಒತ್ತಾಯಿಸುತ್ತಿರುವುದನ್ನು ಹಲವರು ವಿರೋಧಿಸಿದ್ದು ನಟ ಪ್ರಕಾಶ್ ರೈ ಸಹ ಈ ಬಗ್ಗೆ ಟ್ವೀಟ್ ಒಂದನ್ನು ಮಾಡಿದ್ದು, ''ಕೇಸರಿ ಬಣ್ಣದ ಬಟ್ಟೆ ಹಾಕಿ ಸಣ್ಣ ಮಕ್ಕಳನ್ನು ರೇಪ್ ಮಾಡುತ್ತಿರುವ ಸ್ವಾಮೀಜಿಗಳಿಗೆ ಏನೂ ಅನ್ನದವರಿಗೆ, ಕೇಸರಿ ಶಾಲು ಹೊದ್ದು ರೌಡಿಸಂ ಮಾಡುವವರು, ಕೇಸರಿ ಟೋಪಿ ಹಾಕಿ ಎಂಎಲ್‌ಎ ಖರೀದಿಸುವವರಿಗೆ ಏನೂ ಇಲ್ಲ, ಆದರೆ ಸಿನಿಮಾದಲ್ಲಿ ಕೇಸರಿ ಬಟ್ಟೆ ಹಾಕಿದ್ದಕ್ಕೆ ವಿರೋಧವೇ? ಇನ್ನೂ ಎಷ್ಟು ದಿನ ಇದನ್ನೆಲ್ಲ ಸಹಿಸಿಕೊಳ್ಳಬೇಕು ಎಂದಿದ್ದಾರೆ ನಟ ಪ್ರಕಾಶ್ ರೈ.

    English summary
    Safron color bikini in Pathaan movie. Some people protesting against the movie and some people supporting the movie.
    Thursday, December 15, 2022, 17:22
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X