800 ಕೋಟಿ ಮೌಲ್ಯದ ವೈಭವೊಪೇತ ಅರಮನೆ ಹೊಂದಿರುವ ಸೈಫ್ ಅಲಿ ಖಾನ್

ಹೋಟೆಲ್ ಒಂದಕ್ಕೆ ಅರಮನೆಯನ್ನು ಲೀಸ್ ನೀಡಿದ್ದರು

ಸೈಫ್ ಅವರ ತಂದೆ ಮನ್ಸೂರ್ ಅಲಿ ಖಾನ್ ಪಟೌಡಿ ನಿಧನವಾದಾಗ ಈ ಅರಮನೆಯನ್ನು ಪ್ರಸಿದ್ಧ ಹೋಟೆಲ್ ಒಂದಕ್ಕೆ ಲೀಸ್‌ ಗೆ ನೀಡಲಾಗಿತ್ತು. ಮೂರು ವರ್ಷಗಳ ಕಾಲ ಹೋಟೆಲ್ ಒಂದು ಅರಮನೆಯನ್ನು ವ್ಯಾಪಾರಕ್ಕೆ ಬಳಸಿಕೊಂಡಿತು, 2014 ರಲ್ಲಿ ಸೈಫ್ ಅಲಿ ಖಾನ್ ಅದನ್ನು ವಾಪಸ್ ಕೊಂಡುಕೊಳ್ಳಬೇಕಾಯಿತು.

ದೊಡ್ಡ ಮೊತ್ತದ ಹಣ ಪಾವತಿಸಿದ ಸೈಫ್

ತಮ್ಮ ಕುಟುಂಬದ ಹಲವು ನೆನಪುಗಳಿದ್ದ ಅರಮನೆಯನ್ನು ವಾಪಸ್ ಪಡೆದುಕೊಳ್ಳಲು ಮುಂದಾದಾಗ, ಹೋಟೆಲ್ ನವರು ಹಣಕ್ಕಾಗಿ ಬೇಡಿಕೆ ಇಟ್ಟರು, ಅವರು ಸಾಕಷ್ಟು ದೊಡ್ಡ ಮೊತ್ತದ ಹಣವನ್ನೇ ನನ್ನಿಂದ ನಿರೀಕ್ಷಿಸಿದರು, ಸಿನಿಮಾದಿಂದ ಸಂಪಾದಿಸಿದ ಹಣ ಕೊಟ್ಟು ಅರಮನೆಯನ್ನು ಮರಳಿ ಪಡೆದುಕೊಂಡೆ ಎಂದು ಹೇಳಿದ್ದಾರೆ ಸೈಫ್.

ಅರಮನೆಯಲ್ಲಿ 150 ಕೋಣೆಗಳಿವೆ

ಹರಿಯಾಣದ ಗುರುಗಾವ್ ನಲ್ಲಿರುವ ಈ ಅರಮನೆ 10 ಎಕರೆ ವಿಸ್ತೀರ್ಣದಲ್ಲಿ ನಿರ್ಮಿಸಲಾಗಿದೆ. ಅರಮನೆಯಲ್ಲಿ ಒಟ್ಟು 150 ಕೋಣೆಗಳಿವೆ. ಏಳು ಬಿಲಿಯರ್ಡ್ ರೂಮ್, ಡ್ರೆಸ್ಸಿಂಗ್ ರೂಮ್, ವಿಶಾಲವಾದ ಹಾಲ್‌ಗಳು, ವೈಭವೋಪೇತ ಪೀಠೋಪಕರಣಗಳು ಅರಮನೆಯಲ್ಲಿವೆ.

ಬಾಲಿವುಡ್ ಸಿನಿಮಾಗಳ ಚಿತ್ರೀಕರಣ ನಡೆದಿದೆ

ಈ ವೈಭವೊಪೇತ ಅರಮನೆಯಲ್ಲಿ ಹಲವು ಬಾಲಿವುಡ್ ಸಿನಿಮಾಗಳ ಚಿತ್ರೀಕರಣ ನಡೆದಿದೆ. ಮಂಗಲ್ ಪಾಂಡೆ, ಗಾಂಧಿ ಮೈ ಫಾದರ್, ವೀರ್-ಜಾರಾ, ಈಟ್ ಪ್ರೇ ಲವ್ ಸಿನಿಮಾಗಳನ್ನು ಇದೇ ಅರಮನೆಯಲ್ಲಿ ಚಿತ್ರೀಕರಿಸಲಾಗಿದೆ.