ಸಿನಿಮಾ ದುಡ್ಡು ಬಾಚ್ಕೊಂಡ ಮೇಲೆ ಸತ್ಯಬಿಚ್ಚಿಟ್ಟ ರಾಜಮೌಳಿ ತಂದೆ

ಬಾಹುಬಲಿ ಚಿತ್ರಕ್ಕೂ ಇವರದ್ದೇ ಕಥೆ

ಭಾರತೀಯ ಚಿತ್ರರಂಗದ ಬಾಕ್ಸಾಫೀಸ್ ಇತಿಹಾಸದಲ್ಲಿ ಹೊಸ ದಾಖಲೆ ಬರೆದ ಬಾಹುಬಲಿ ಚಿತ್ರಕ್ಕೆ ರಾಜಮೌಳಿ ತಂದೆ ವಿ ವಿಜೇಂದ್ರ ಪ್ರಸಾದ್ ಕಥೆ ನೀಡಿದ್ದರು. ಬಾಹುಬಲಿ ಚಿತ್ರದ ಕಥೆ ರಾಜ್ ಅಭಿನಯದ ಮಯೂರ ಚಿತ್ರದಿಂದ ಸ್ಪೂರ್ತಿ ಪಡೆದಿತ್ತೆಂದು ಸುದ್ದಿಯಾಗಿತ್ತು.

ವಿಜೇಂದ್ರ ಪ್ರಸಾದ್ ಸ್ಪಷ್ಟನೆ

ಸಲ್ಮಾನ್ ಖಾನ್ ಅಭಿನಯದ ಭಜರಂಗಿ ಭಾಯ್ ಜಾನ್ ಚಿತ್ರಕ್ಕೂ ಕಥೆ ನೀಡಿದವರು ವಿಜೇಂದ್ರ ಪ್ರಸಾದ್. ತಾನು ಕಥೆ ನೀಡಿದ್ದ ಎರಡೂ ಚಿತ್ರಗಳು ಜನಮನ್ನಣೆ ಗಳಿಸಿತ್ತಿರುವುದಕ್ಕೆ ಪ್ರಸಾದ್ ಸಂತೋಷ ವ್ಯಕ್ತ ಪಡಿಸುವುದರ ಜೊತೆಗೆ ಇನ್ನೊಂದು ವಿಚಾರವನ್ನೂ ಹೇಳಿದ್ದಾರೆ, ಮುಂದಿನ ಸ್ಲೈಡ್ ಕ್ಲಿಕ್ಕಿಸಿ.

ಭಜರಂಗಿ ಭಾಯ್ ಜಾನ್

ರಾಕ್ಲೈನ್ ವೆಂಕಟೇಶ್ ಸಹ ನಿರ್ಮಾಣದ ಭಜರಂಗಿ ಭಾಯ್ ಜಾನ್ ಚಿತ್ರದ ಕಥೆ ಈ ಹಿಂದೆ ಬಿಡುಗಡೆಯಾಗಿದ್ದ ಚಿರಂಜೀವಿ ಅಭಿನಯದ ತೆಲುಗು 'ಪಸಿವಾಡಿ ಪ್ರಾಣಂ' ಚಿತ್ರದಿಂದ ಸ್ಪೂರ್ತಿ ಪಡೆದಿದ್ದು ಎನ್ನುವ ವಿಷಯವನ್ನು ವಿಜೇಂದ್ರ ಪ್ರಸಾದ್ ಹೇಳುವ ಮೂಲಕ ಭಜರಂಗಿ ಭಾಯ್ ಜಾನ್ ಚಿತ್ರದ ಕಥೆಯ ಬಗ್ಗೆ ಇದ್ದ ಗೊಂದಲಕ್ಕೆ ತೆರೆ ಎಳೆದಿದ್ದಾರೆ.

ಪಸಿವಾಡಿ ಪ್ರಾಣಂ

ಈ ಚಿತ್ರ ತೆಲುಗಿನ ಮೆಗಾಸ್ಟಾರ್ ಚಿರಂಜೀವಿ ವೃತ್ತಿ ಜೀವನಕ್ಕೆ ಬಹುದೊಡ್ಡ ಬ್ರೇಕ್ ನೀಡಿದ ಚಿತ್ರ. 1987ರಲ್ಲಿ ಬಿಡುಗಡೆಯಾದ ಚಿತ್ರಕ್ಕೆ ಅಂತಿಮ ರೂಪ ನೀಡಿ, ಜೊತೆಗೆ ಪಾಕಿಸ್ತಾನದ ದಂಪತಿಗಳು ಮಗಳ ಹೃದಯ ಶಸ್ತ್ರಚಿಕಿತ್ಸೆಗೆ ಭಾರತಕ್ಕೆ ಬರುವ ನೈಜ ಕಥೆಯ ಟಚ್ ನೀಡಿ ಭಜರಂಗಿ ಭಾಯ್ ಜಾನ್ ಚಿತ್ರಕ್ಕೆ ಕಥೆ ನೀಡಿದ್ದೇನೆಂದು ವಿಜೇಂದ್ರ ಪ್ರಸಾದ್ ಸ್ಪಷ್ಟನೆ ನೀಡಿದ್ದಾರೆ.

ಮಗನ ಬಗ್ಗೆ

ಬಾಹುಬಲಿ ಚಿತ್ರದ ಯಶಸ್ಸು ಬರೀ ಒಂದು ಭಾಷೆಗೆ ಸೀಮಿತವಾಗಿಲ್ಲ. ಇದೊಂದು ಭಾರತೀಯ ಸಿನಿಮಾರಂಗದ ಐತಿಹಾಸಿಕ ಮೈಲಿಗಲ್ಲು. ರಾಜಮೌಳಿ ಚಿತ್ರಕ್ಕೆ ಬಂದ ಸಕ್ಸಸ್ ಅನ್ನು ಎಲ್ಲಾ ಭಾಷೆಯವರು ಆಚರಿಸಬೇಕೆಂದು ವಿಜೇಂದ್ರ ಪ್ರಸಾದ್ ಹೇಳಿದ್ದಾರೆ.