ಪೆರೋಲ್ ಅಂತ್ಯ: ಮತ್ತೆ ಮಾವನ ಮನೆಗೆ ಸಂಜು

ಒಂಥರಾ ಈ ಜೈಲು ಅನ್ನೋದು ನಟ ಸಂಜಯ್ ದತ್ ಅವರ ಪಾಲಿಗೆ ಮಾವನ ಮನೆಯಂತಾಗಿದೆ. ಯಾವಾಗ ಬೇಕಾದರೂ ಹೋಗಬಹುದು ಯಾವಾಗ ಬೇಕಾದರೂ ಬರಬಹುದು. ಇದೀಗ ಅವರ ಪೆರೋಲ್ ಗಡುವು ಮುಗಿದಿದ್ದು (ಮಾರ್ಚ್ 21) ಮತ್ತೆ ಯರವಾಡ ಜೈಲಿಗೆ ಹೋಗುತ್ತಿದ್ದಾರೆ.

ಪುಣೆಯ ಯರವಾಡ ಜೈಲಿನಿಂದ ಸಂಜಯ್ ದತ್ ಅವರು ಒಂದು ತಿಂಗಳು ಪೆರೋಲ್ ಮೇಲೆ ಹೊರಬಂದಿದ್ದರು. ತಮ್ಮ ಪತ್ನಿ ಮಾನ್ಯತಾ ಅವರ ಆರೋಗ್ಯ ಸರಿಯಿಲ್ಲ ಎಂದು ನೆಪ ಹೇಳಿ ಅವರು ಕಳೆದ ವರ್ಷ ಡಿಸೆಂಬರ್ 21ರಂದು ಪೆರೋಲ್ ಮೇಲೆ ಹೊರಬಂದಿದ್ದರು. [ಜೈಲಿನಲ್ಲಿ ಸಂಜಯ್ ದತ್ ಲುಂಗಿ ಡಾನ್ಸ್]

ಮೂಲಗಳ ಪ್ರಕಾರ ಸಂಜು ಪತ್ನಿ ಮಾನ್ಯತಾ ಅವರ ಪಿತ್ತಜನಕಾಂಗದಲ್ಲಿ ಗಂತಿಯಾಗಿದೆಯಂತೆ. ಈ ಬೆಳವಣಿಗೆಗಳ ಹಿನ್ನೆಲೆಯಲ್ಲಿ ಅವರು ಪೆರೋಲ್ ಮೇಲೆ ಹೊರಬಂದಿದ್ದರು. 1993ರ ಮುಂಬೈ ಬಾಂಬ್ ಸ್ಫೋಟಕ್ಕೆ ಸಂಬಂಧಿಸಿದಂತೆ ಅಕ್ರಮ ಶಸ್ತ್ರಾಸ್ತ್ರ ಹೊಂದಿದ್ದ ಪ್ರಕರಣದಲ್ಲಿ ಅವರಿಗೆ ಜೈಲು ಶಿಕ್ಷೆಯಾಗಿತ್ತು. ಸಂಜು (53) ಇನ್ನೂ 42ತಿಂಗಳ ಜೈಲು ಶಿಕ್ಷೆ ಅನುಭವಿಸಬೇಕಾಗಿದೆ. (ಪಿಟಿಐ ಇನ್ ಪುಟ್ಸ್)