ಡ್ರಗ್ಸ್ ಪ್ರಕರಣ: ಇಬ್ಬರು ಸ್ಟಾರ್ ನಟಿಯರಿಗೆ ಶೀಘ್ರ ಎನ್‌ಸಿಬಿ ನೊಟೀಸ್

ಇಬ್ಬರು ಖ್ಯಾತ ನಟಿಯರ ಹೆಸರು ಬಹಿರಂಗ

ಎನ್‌ಸಿಬಿ ವಿಚಾರಣೆಯಲ್ಲಿ ಖ್ಯಾತ ನಟಿ ರಾಕುಲ್ ಪ್ರೀತ್ ಸಿಂಗ್ ಹಾಗೂ ಸೈಫ್ ಅಲಿ ಖಾನ್ ಪುತ್ರಿಯೂ ಆಗಿರುವ ನಟಿ ಸಾರಾ ಅಲಿ ಖಾನ್ ಹೆಸರನ್ನು ಹೇಳಿದ್ದಾರೆ ಸುಶಾಂತ್ ಪ್ರೇಯಸಿ ರಿಯಾ ಚಕ್ರವರ್ತಿ. ಈ ಇಬ್ಬರೂ ನಟಿಯರಿಗೆ ಈಗ ಪೀಕಲಾಟ ಪ್ರಾರಂಭವಾಗಿದೆ.

ಮೂವರು ಹೆಸರು ಹೇಳಿರುವ ರಿಯಾ ಚಕ್ರವರ್ತಿ

ಎನ್‌ಸಿಬಿ ಅಧಿಕಾರಿಗಳು ರಾಕುಲ್ ಪ್ರೀತ್ ಸಿಂಗ್, ಸಾರಾ ಅಲಿ ಖಾನ್ ಹಾಗೂ ಖ್ಯಾತ ಸೆಲೆಬ್ರಿಟಿ ಫ್ಯಾಷನ್ ಡಿಸೈನರ್ ಸಿಮೋನ್ ಕಂಬಾಟ ಅವರಿಗೆ ಸಮನ್ಸ್ ಜಾರಿ ಮಾಡಲಿದೆ. ಮಂಗಳವಾರ ಅಥವಾ ಬುಧವಾರ ಇವರಿಗೆ ಸಮನ್ಸ್ ನೀಡುವುದು ಪಕ್ಕಾ ಎಂದು ಅಧಿಕಾರಿಗಳು ಹೇಳಿರುವುದಾಗಿ ಕೆಲವು ಆಂಗ್ಲ ಮಾಧ್ಯಮಗಳು ವರದಿ ಮಾಡಿವೆ.

ಎನ್‌ಸಿಬಿ ಉಪನಿರ್ದೇಶಕ ಹೇಳಿಕೆ

'ಫಿಲ್ಮೀಬೀಟ್‌' ಜೊತೆಗೆ ಮಾತನಾಡಿರುವ ಎನ್‌ಸಿಬಿಯ ಉಪನಿರ್ದೇಶಕ ಕೆಪಿಎಸ್ ಮಲ್ಹೋತ್ರಾ, ರಿಯಾ ಸಿಂಗ್, ರಾಕುಲ್ ಪ್ರೀತ್ ಹಾಗೂ ಸಾರಾ ಅಲಿ ಖಾನ್ ಹೆಸರು ಹೇಳಿರುವುದು ನಿಜವೆಂದು ಹೇಳಿದ್ದಾರೆ. ಆದರೆ ಈ ಇಬ್ಬರೂ ನಟಿಯರಿಗೆ ಸಮನ್ಸ್‌ ನೀಡುವ ಬಗ್ಗೆ ನಿರ್ಧಾರ ತೆಗೆದುಕೊಳ್ಳಬೇಕಿದೆ ಎಂದಿದ್ದಾರೆ ಮಲ್ಹೋತ್ರಾ.

ಸುಶಾಂತ್ ಮಾಜಿ ಪ್ರೇಯಸಿ ಸಾರಾ ಅಲಿ ಖಾನ್

ಸಾರಾ ಅಲಿ ಖಾನ್, ಸುಶಾಂತ್‌ ಸಿಂಗ್‌ ನ ಮಾಜಿ ಪ್ರೇಯಸಿ ಆಗಿದ್ದರು. ಇಬ್ಬರೂ ಮಲೇಷ್ಯಾ ಸೇರಿದಂತೆ ಹಲವು ಕಡೆಗಳಿಗೆ ಪ್ರವಾಸ ಸಹ ಹೋಗಿದ್ದರು. ಈ ಪ್ರವಾಸಗಳ ಮುಖ್ಯ ಉದ್ದೇಶವೇ ಡ್ರಗ್ಸ್ ಆಗಿರುತ್ತಿತ್ತು ಎನ್ನಲಾಗುತ್ತಿದೆ.

Recommended Video

ನಮಗೆ ತುಳಸಿಗಿಡ ಬರೀ ತುಳಸಿಗಿಡ ಮಾತ್ರ | Filmibeat Kannada

ತೆಲುಗು ಸಿನಿರಂಗಕ್ಕೆ ಆತಂಕ?

ಇನ್ನು ನಟಿ ರಾಕುಲ್ ಪ್ರೀತ್ ಸಿಂಗ್ ರ ವಿಚಾರಣೆ ನಡೆದರೆ, ಅವರು ಸಾಕಷ್ಟು ಸಕ್ರಿಯರಾಗಿರುವ ತೆಲುಗು ಸಿನಿಮಾ ರಂಗದ ಡ್ರಗ್ಸ್ ಕರ್ಮಕಾಂಡವೂ ಹೊರಗೆ ಬರಲಿದೆ ಎನ್ನಲಾಗುತ್ತಿದೆ. ಈಗಲಾಗೇ ಕೆಲವರು ರಾಕುಲ್ ಬಗ್ಗೆ ಆರೋಪಗಳನ್ನು ಮಾಡುತ್ತಿದ್ದಾರೆ.