'ಪಠಾಣ್' ಚಿತ್ರಕ್ಕೆ ನೀವು ಪಡೆದ ಸಂಭಾವನೆ ಎಷ್ಟು? ಅಭಿಮಾನಿ ಪ್ರಶ್ನೆಗೆ ಶಾರುಕ್ ಉತ್ತರ ಏನು?

'ಆಸ್ಕ್ ಎಸ್‌ಆರ್‌ಕೆ' ಸೆಷನ್

ಶಾರುಕ್ ಖಾನ್ ಇತ್ತೀಚೆಗೆ ಸೋಶಿಯಲ್ ಮೀಡಿಯಾದಲ್ಲಿ ಅಭಿಮಾನಿಗಳ ಜೊತೆ ಮಾತುಕತೆ ನಡೆಸುತ್ತಿರುತ್ತಾರೆ. 'ಆಸ್ಕ್ ಎಸ್‌ಆರ್‌ಕೆ' ಹ್ಯಾಷ್‌ಟ್ಯಾಗ್‌ನಲ್ಲಿ ಅಭಿಮಾನಿಗಳ ಪ್ರಶ್ನೆಗಳಿಗೆ ಉತ್ತರಿಸುತ್ತಿದ್ದಾರೆ. ಕೆಲ ದಿನಗಳ ಹಿಂದೆ ಇದೇ ರೀತಿ ಪ್ರಶ್ನೋತ್ತರ ನಡೆದಿತ್ತು. ಆದ ಅಭಿಮಾನಿಗಳು ಕೇಳಿದ ಪ್ರಶ್ನೆಗಳಿಂಗ ಇಂಟ್ರೆಸ್ಟಿಂಗ್ ಉತ್ತರ ಕೊಟ್ಟಿದ್ದರು. ಕೆಲ ಫನ್ನಿ ಉತ್ತರಗಳು ಸಖತ್ ವೈರಲ್ ಆಗಿತ್ತು.

'ಪಠಾಣ್'ಗೆ ನಿಮ್ಮ ಸಂಭಾವನೆ ಎಷ್ಟು?

ಬಾಲಿವುಡ್ ಕಿಂಗ್ ಖಾನ್ ಮತ್ತೊಮ್ಮೆ 'ಆಸ್ಕ್ ಎಸ್‌ಆರ್‌ಕೆ' ಸೆಷನ್ ನಡೆಸಿದ್ದಾರೆ. ಈ ಬಾರಿ ಕೂಡ ಸಾಕಷ್ಟು ಇಂಟ್ರೆಸ್ಟಿಂಗ್ ಪ್ರಶ್ನೆಗಳು ಎದುರಾಗಿತ್ತು. ಅಭಿಮಾನಿಯೊಬ್ಬ 'ಪಠಾಣ್' ಚಿತ್ರಕ್ಕೆ ನಿಮ್ಮ ಸಂಭಾವನೆ ಎಷ್ಟು ಎಂದು ಕೇಳಿದ್ದಾನೆ. ಇದಕ್ಕೆ ಉತ್ತರಿಸಿರುವ ಶಾರುಕ್ "ಯಾಕೆ ನಿಮ್ಮ ಮುಂದಿನ ಸಿನಿಮಾದಲ್ಲಿ ಸಹಿ ಮಾಡಬೇಕೆ?" ಎಂದು ಫನ್ನಿಯಾಹಿ ಕೌಂಟರ್ ಕೊಟ್ಟಿದ್ದಾರೆ. "ನಿಮ್ಮ ಮೊದಲ ಗರ್ಲ್‌ ಫ್ರೆಂಡ್ ಯಾರು?" ಎನ್ನುವ ಮತ್ತೊಂದು ಪ್ರಶ್ನೆಗೆ "ನನ್ನ ಪತ್ನಿ ಗೌರಿ" ಎಂದು ಉತ್ತರಿಸಿದ್ದಾರೆ.

ಆಕ್ಷನ್ ಥ್ರಿಲ್ಲರ್ 'ಪಠಾಣ್'

'ಜೀರೊ' ಸಿನಿಮಾ ಸೋಲಿನ ನಂತರ ಬಾಲಿವುಡ್ ಕಿಂಗ್ ಖಾನ್ ಸೈಲೆಂಟ್ ಆಗಿಬಿಟ್ಟಿದ್ದರು. ಬರೋಬ್ಬರಿ 4 ವರ್ಷಗಳ ನಂತರ 'ಪಠಾಣ್' ಸಿನಿಮಾ ಮೂಲಕ ಪ್ರೇಕ್ಷಕರ ಮುಂದೆ ಬರ್ತಿದ್ದಾರೆ. ಒಂದ್ಕಾಲದಲ್ಲಿ ಬಾಲಿವುಡ್ ಬಾದ್‌ಶಾ ಆಗಿ ಮೆರೆದ ಶಾರುಕ್ 4 ವರ್ಷ ಸಿನಿಮಾ ಮಾಡದೇ ಇರೋದು ಅಂದರೆ ತಮಾಷೆಯ ಮಾತಲ್ಲ. ಚಿತ್ರದ ಟ್ರೈಲರ್‌ನಲ್ಲಿ ಒಂದು ಡೈಲಾಗ್ ಇದೆ. 'ಪಠಾಣ್' ವನವಾಸ ಮುಗೀತು ಅಂತ. ಆ ಡೈಲಾಗ್‌ ಅನ್ನು ಫ್ಯಾನ್ಸ್ ಶಾರುಕ್‌ಗೆ ಹೋಲಿಸಿ ನೋಡುತ್ತಿದ್ದಾರೆ.

ಕಂಬ್ಯಾಕ್ ಮಾಡ್ತಾರಾ ಶಾರುಕ್?

ಶಾರುಕ್ ಖಾನ್ ಫಿನಿಕ್ಸ್ ರೀತಿ ಎದ್ದು ಬರಬೇಕಿದೆ. ಸೋತು ಸುಣ್ಣವಾಗಿರುವ ಬಾಲಿವುಡ್ 'ಪಠಾಣ್' ಸಿನಿಮಾ ಮೇಲೆ ಭಾರೀ ನಿರೀಕ್ಷೆ ಇಟ್ಟುಕೊಂಡಿದೆ. ಚಿತ್ರದ ಟ್ರೈಲರ್‌ಗೆ ಭರ್ರರಿ ರೆಸ್ಪಾನ್ಸ್ ಸಿಕ್ಕಿದ್ದು, ಸಿನಿಮಾ ಮೇಲಿನ ನಿರೀಕ್ಷೆ ಹೆಚ್ಚಿಸಿದೆ. ಭಾರತದ ಮೇಲೆ ಉಗ್ರದ ದಾಳಿ ತಡೆಯುವ ವೀರ ಸೈನಿಕ 'ಪಠಾಣ್' ಆಗಿ ಶಾರುಕ್ ಖಾನ್ ನಟಿಸಿದ್ದಾರೆ. ಹಾಗಾಗಿ ಸಹಜವಾಗಿಯೇ ಸಿನಿಮಾ ಕುತೂಹಲ ಮೂಡಿಸಿದೆ. ಎಲ್ಲಾ ವಿವಾದಗಳನ್ನು ಮರೆಸುವಂತೆ ಸಿನಿಮಾ ಗೆಲ್ಲುವ ಸುಳಿವು ಸಿಗುತ್ತಿದೆ.