ಸಲ್ಲು ಸ್ನೇಹಕ್ಕಾಗಿ ಶಾರೂಖ್ ಕೊಟ್ಟ ಗಿಫ್ಟ್ ನೋಡಿ ಬೆರಗಾದ ಬಾಲಿವುಡ್

ಶಾರೂಖ್ ಸೆಟ್ ಗೆ ಬಂದ ಸಲ್ಮಾನ್

ಆನಂದ್ ಎಲ್ ರೈ ನಿರ್ದೇಶನ ಮಾಡುತ್ತಿರುವ ಹೊಸ ಚಿತ್ರದ ಶೂಟಿಂಗ್ ನಲ್ಲಿ ಶಾರೂಖ್ ಖಾನ್ ತೊಡಗಿಸಿಕೊಂಡಿದ್ದಾರೆ. ಈ ಚಿತ್ರದ ಹಾಡೊಂದರಲ್ಲಿ ಸಲ್ಮಾನ್ ಖಾನ್ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಹೀಗಾಗಿ, ಶಾರೂಖ್ ಸೆಟ್ ಗೆ ಸಲ್ಮಾನ್ ಖಾನ್ ಭೇಟಿ ನೀಡಿದ್ದರು.

ಶಾರೂಖ್ ಕೊಟ್ಟ ಸರ್ಪ್ರೈಸ್ ಗಿಫ್ಟ್

ಚಿತ್ರೀಕರಣಕ್ಕಾಗಿ ಶಾರೂಖ್ ಸೆಟ್ ಗೆ ಭೇಟಿ ನೀಡಿದ ಸಲ್ಮಾನ್ ಖಾನ್ ಗೆ ಬಾಲಿವುಡ್ ಬಾದ್ ಶಾ ದುಬಾರಿ ಕಾರನ್ನ ಗಿಫ್ಟ್ ಆಗಿ ಕೊಟ್ಟಿದ್ದಾರೆ.

ಹೊಚ್ಚ ಹೊಸ ಕಾರ್

ಬಾಲಿವುಡ್ ಮಾಧ್ಯಮಗಳು ವರದಿ ಮಾಡಿರುವ ಪ್ರಕಾರ, ಶಾರೂಖ್ ಗಿಫ್ಟ್ ಕೊಟ್ಟಿರುವ ಕಾರು ಹೊಸದಾಗಿ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆಯಂತೆ. ಇನ್ನು ಈ ಕಾರನ್ನ ಯಾರು ಕೂಡ ಖರೀದಿಸಿಲ್ಲವಂತೆ.

ಆಶ್ಚರ್ಯಗೊಂಡ ಸಲ್ಮಾನ್

ಶಾರೂಖ್ ಖಾನ್ ಕೊಟ್ಟ ಗಿಫ್ಡ್ ಕಂಡು ನಟ ಸಲ್ಮಾನ್ ಖಾನ್ ಆಶ್ಚರ್ಯಗೊಂಡಿದ್ದಾರಂತೆ. ಶಾರೂಖ್ ಉಡುಗೊರೆ ನೀಡುತ್ತಾರೆ ಎಂದು ಊಹೆ ಕೂಡ ಮಾಡಿರಲಿಲ್ಲ.

ಪ್ರೀತಿಯ ಉಡುಗೊರೆ

ತಮ್ಮ ಚಿತ್ರಗಳ ಶೂಟಿಂಗ್ ನಲ್ಲಿ ಬ್ಯುಸಿ ಇದ್ದರು, ಶಾರೂಖ್ ಚಿತ್ರಕ್ಕಾಗಿ ಸಲ್ಲು ಬಿಡುವು ಮಾಡಿಕೊಂಡು ಆಗಮಿಸಿದ್ದಕ್ಕೆ ಶಾರೂಖ್ ಸಂತಸಗೊಂಡಿದ್ದಾರೆ. ಹೀಗಾಗಿ, ತಮ್ಮ ಧನ್ಯವಾದವನ್ನ ಈ ರೀತಿಯಾಗಿ ವ್ಯಕ್ತಪಡಿಸಿದ್ದಾರೆ ಎನ್ನಲಾಗಿದೆ. ಹಾಡೊಂದರಲ್ಲಿ ಸಲ್ಲು ಮತ್ತು ಶಾರೂಖ್ ಒಟ್ಟಿಗೆ ಹೆಜ್ಜೆ ಹಾಕುತ್ತಿದ್ದು, 'ರೆಮೋ ಡಿಸೋಜಾ' ಈ ಹಾಡನ್ನ ಕೊರಿಯೋಗ್ರಫಿ ಮಾಡುತ್ತಿದ್ದಾರೆ.