"ಸಲ್ಮಾನ್ ಖಾನ್ ಒಬ್ಬ ಸ್ಯಾಡಿಸ್ಟ್.. ಸಿಗರೇಟ್‌ನಿಂದ ಸುಡುತ್ತಿದ್ದ": ನಟಿ ಸೋಮಿ ಅಲಿ

ಸಿಗರೇಟ್‌ನಿಂದ ಸುಟ್ಟು ಖುಷಿಪಡುತ್ತಿದ್ದ

"ನಾನು ಮುಂಬೈನಲ್ಲಿ ಇದ್ದಾಗ ಸಲ್ಮಾನ್ ಖಾನ್ ನನ್ನನ್ನು ದೈಹಿಕವಾಗಿ ಹಿಂಸಿಸಿದ್ದ. ನಮ್ಮ ಮನೆಯ ಕೆಲಸದಾಕೆ ಕೂಡ ನನ್ನನ್ನು ಹೊಡೆಯದಂತೆ ಸಲ್ಲು ಬಳಿ ಕೇಳಿಕೊಂಡಿದ್ದಳು. ಆತನ ಹೊಡೆತದಿಂದ ಆದ ಗಾಯಗಳನ್ನು ಮೇಕಪ್‌ನಿಂದ ಮುಚ್ಚಿಕೊಳ್ಳುವಂತಾಗಿತ್ತು. ಸಿನಿಮಾ ನಿರ್ಮಾಪಕರು ಕೂಡ ನನ್ನ ಮೈಮೇಲೆ ಆಗಿದ್ದ ಗಾಯಗಳನ್ನು ನೋಡಿದ್ದರು. ಸಿಗರೇಟ್‌ನಿಂದ ಸುಟ್ಟ ಗಾಯಗಳನ್ನು ನೋಡಿ ಸಲ್ಮಾನ್ ಖಾನ್ ಖುಷಿಪಡುತ್ತಿದ್ದ. ಬಹಳ ಗಂಭೀರವಾದ ದೈಹಿಕ, ಲೈಂಗಿಕ ಕಿರುಕುಳಕ್ಕೆ ಗುರಿಯಾಗಿದ್ದೆ."

ನಟಿ ತಬು ನನ್ನ ನೋಡಿ ಅತ್ತಿದ್ದರು

"ತೀವ್ರವಾದ ಬೆನ್ನು ನೋವಿನ ಕಾರಣಕ್ಕೆ ನಾನು ತಿಂಗಳುಗಳ ಕಾಲ ಹಾಸಿಗೆಯಲ್ಲಿ ಕಳೆಯುವಂತಾಯಿತು. ಸಲ್ಮಾನ್ ಖಾನ್ ಒಮ್ಮೆ ಕೂಡ ಒಂದು ವಿಚಾರಿಸಲಿಲ್ಲ. ನಟಿ ತಬು ಕೂಡ ನನ್ನ ಆರೋಗ್ಯ ವಿಚಾರಿಸಲು ಬಂದಿದ್ದರು. ನಾನು ನೋವಿನಿಂದ ಅಳುತ್ತಿದ್ದರೆ ತಾಳಲಾರದೇ ಆಕೆ ಕೂಡ ಕಣ್ಣೀರಾಗಿದ್ದರು. 2018ರಲ್ಲಿ ನನನಗೆ ಬೆನ್ನಿನ ಶಸ್ತ್ರಚಿಕಿತ್ಸೆ ಮಾಡಬೇಕಾಗಿ ಬಂತು. ಆ ಸಮಯದಲ್ಲಿ ವೈದ್ಯರು 'ನೀವು ದೈಹಿಕವಾಗಿ ಕಿರುಕುಳಕ್ಕೆ ಒಳಗಾಗಿದ್ರಾ?' ಎಂದು ಕೇಳಿದ್ದರು"

ನನ್ನ ಮೇಲೆ ಮದ್ಯ ಸುರಿದಿದ್ದ

"ಸಲ್ಮಾನ್ ಖಾನ್ ನನ್ನ ಮೇಲೆ ಮದ್ಯವನ್ನು ಸುರಿದಿದ್ದ ಎಂದು ಸೋಮಿ ಆರೋಪಿಸಿದ್ದಾರೆ. ಸಲ್ಲು ಒಬ್ಬ ವಕೀಲನ ಮೂಲಕ ನನ್ನನ್ನು ಬೆದರಿಸಲು ಪ್ರಯತ್ನಿಸಿದ. ಈಗಲೂ ನನಗೆ ಸಾಕಷ್ಟು ಬೆದಿರಿಕೆ ಮೇಲ್‌ಗಳು ಬರುವ ಸಾಧ್ಯತೆಯಿದೆ. ನನಗೆ ಯಾವುದೇ ಪ್ರಚಾರದ ಅವಶ್ಯಕತೆ ಇಲ್ಲ. ಸತ್ಯ ಜನರಿಗೆ ಗೊತ್ತಾಗಬೇಕು ಎನ್ನುವುದಷ್ಟೆ ನನ್ನ ಆಶಯ" ಎಂದಿದ್ದಾರೆ.

ಸಲ್ಲು ಕ್ಷಮೆ ಕೇಳಬೇಕು

"ನಾನು ಸೇಡು ತೀರಿಸಿಕೊಳ್ಳುತ್ತಿಲ್ಲ. ಆದರೆ ಆತ ಬಹಿರಂಗವಾಗಿ ಕ್ಷಮೆ ಕೇಳಬೇಕು ಎನ್ನುವುದು ನನ್ನ ಮನವಿ. ಸಲ್ಮಾನ್‌ ಖಾನ್‌ನಂತಹ ವ್ಯಕ್ತಿ ಅದೆಲ್ಲಾ ಮಾಡಲ್ಲ ಎಂದು ಗೊತ್ತು. ಆತ ಅಂಹಕಾರಿ, ಸಲ್ಮಾನ್ ಖಾನ್ ಇನ್ನು ಮುಂದೆ ನನ್ನನ್ನು ಭಯಪಡಿಸಲು ಸಾಧ್ಯವಿಲ್ಲ" ಎಂದು ಸೋಮಿ ಇನ್‌ಸ್ಟಾ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ. ಸಲ್ಮಾನ್ ಖಾನ್ ಹಾಗೂ ಸೋಮಿ 'ಬುಲಂದ್' ಎನ್ನುವ ಚಿತ್ರದಲ್ಲಿ ನಟಿಸಿದ್ದರು. ಕಾರಣಾಂತರಗಳಿಂದ ಆ ಸಿನಿಮಾ ಕಂಪ್ಲೀಟ್ ಆಗಲಿಲ್ಲ.