ಕಂಗನಾ ನಿರ್ದೇಶನದ 'ಮಣಿಕರ್ಣಿಕಾ' ಸಿನಿಮಾದಿಂದ ಹೊರಬಂದ ಕಾರಣ ಬಹಿರಂಗ ಪಡಿಸಿದ ಸೋನು ಸೂದ್

ಕಂಗನಾ ಭಾವನೆಯನ್ನು ನೋವಿಸಲು ಇಷ್ಟವಿಲ್ಲ

ನಿರ್ದೇಶಕ ಕ್ರಿಶ್ ಮೊದಲು ಮಣಿಕರ್ಣಿಕಾ ಸಿನಿಮಾದ ಸಾರಥ್ಯ ವಹಿಸಿಕೊಂಡಿದ್ದರು. ಆದರೆ ಸಿನಿಮಾದ ಬಹುತೇಕ ಚಿತ್ರೀಕರಣ ಮುಗಿಸಿದ್ದ ಕ್ರಿಶ್ ಸಿನಿಮಾದಿಂದನೇ ಹೊರನಡೆದರು. ಬಳಿಕ ಸೋನು ಸೂದ್ ಸಹ ನಟಿಸಲು ಹಿಂದೇಟು ಹಾಕಿದರು. ಈ ಬಗ್ಗೆ ಮಾತನಾಡಿರುವ ಸೋನು ಸೂದ್, " ಕಂಗನಾ ಅನೇಕ ವರ್ಷಗಳಿಂದ ನನಗೆ ಸ್ನೇಹಿತೆ, ನಾನು ಅವರ ಭಾವನೆಯನ್ನು ನೋವಿಸಲು ಬಯಸುವುದಿಲ್ಲ" ಎಂದಿದ್ದಾರೆ.

ನಿರ್ದೇಶಕರು ಬದಲಾದ ಮೇಲೆ ಸಿನಿಮಾಗೆ ಬೆಂಬಲಿಸುವಂತೆ ಹೇಳಿದರು

"ಮಣಿಕರ್ಣಿಕಾ ಸಿನಿಮಾದ ಬಹುತೇಕ ಭಾಗ ಚಿತ್ರೀಕರಣ ಮಾಡಲಾಗಿತ್ತು. ಬಳಿಕ ಮತ್ತೆ ಚಿತ್ರೀಕರಣ ಪ್ರಾರಂಭಿಸುವ ಸಮಯದಲ್ಲಿ ನಿರ್ದೇಶಕರನ್ನು ಕೇಳಿದಾಗ ಅವರು ಈ ಸಿನಿಮಾದಿಂದ ಹೊರಹೋಗಿರುವುದಾಗಿ ಹೇಳಿದರು. ಬಳಿಕ ಕಂಗನಾ ಅವರೇ ನಿರ್ದೇಶನ ಮಾಡಲು ಮುಂದಾದರು. ನಿಮ್ಮ ಬೆಂಬಲ ಬೇಕು ಎಂದು ಕೇಳಿದರು. ನಾನು ಸರಿ ಎಂದು ಹೇಳಿದೆ."

80ರಷ್ಟು ದೃಶ್ಯಗಳಿಗೆ ಕತ್ತರಿ ಹಾಕಲಾಗಿತ್ತು

"ನಾನು ಕಂಗನಾ ಬಳಿ ನಿರ್ದೇಶಕರನ್ನು ಮತ್ತೆ ಸೆಟ್ ಗೆ ಕರೆಸಿಕೊಳ್ಳಬೇಕು, ಅವರು ಈ ಸಿನಿಮಾಗಾಗಿ ತುಂಬಾ ಶ್ರಮಿಸಿದ್ದಾರೆ ಎಂದು ಹೇಳಿದೆ. ಆದರೆ ಕಂಗನಾ ಇದನ್ನು ನಿರಾಕರಿಸಿ, ಅವರೇ ನಿರ್ದೇಶನ ಮಾಡಲು ಮುಂದಾದರು. ಬಳಿಕ ಅವರಿಂದ ಒಂದಿಷ್ಟು ರಶ್ ಗಳನ್ನು ಕಳುಹಿಸಲು ಹೇಳಿದೆ. ಅದರಲ್ಲಿ ನನ್ನ 80ರಷ್ಟು ದೃಶ್ಯಗಳಿಗೆ ಕತ್ತರಿ ಹಾಕಲಾಗಿತ್ತು. ಈ ಬಗ್ಗೆ ಕಂಗನಾ ಜೊತೆ ಮಾತನಾಡಿದೆ. ಇದನ್ನು ಕಂಗನಾ ಒಪ್ಪಿಕೊಂಡರು ಮತ್ತು ಬೇರೆ ರೀತಿ ಚಿತ್ರೀಕರಿಸಲು ಬಯಸಿದ್ದರು."

ನನಗೆ ತುಂಬಾ ದುಃಖವಾಗಿದೆ

"ಆದರೆ ಕಂಗನಾ ಹೇಳಿದ ರೀತಿ ಚಿತ್ರೀಕರಿಸಲು ನನಗೆ ಇಷ್ಟವಿರಲಿಲ್ಲ. ನಾನು ಹಳೆಯ ಕಥೆಯನ್ನು ಒಪ್ಪಿಕೊಂಡು ಸಿನಿಮಾಗೆ ಸಹಿ ಮಾಡಿದ್ದೆ, ಆದರೆ ಈಗ ನಾನು ಈ ಯೋಜನೆಯಿಂದ ಹೊರನಡೆಯಲು ಬಯಸುತ್ತೇನೆ ಎಂದು ಹೇಳಿದೆ. ಈ ಬಗ್ಗೆ ನಾನು ಮಾತನಾಡಲ್ಲ. ಆದರೆ ಈ ಚಿತ್ರಕ್ಕಾಗಿ ನಾಲ್ಕು ತಿಂಗಳು ಸಮಯ ನೀಡಿದ್ದೆ, ಮತ್ತು ಈ ಸಿನಿಮಾಗಾಗಿ ಬೇರೆ ಕೆಲವು ಸಿನಿಮಾಗಳನ್ನು ಬಿಟ್ಟಿದ್ದೇನೆ. ಇದು ನನಗೆ ತುಂಬಾ ದುಃಖವಾಯಿತು." ಎಂದು ಸೋನು ಸೂದ್ ಹೇಳಿದ್ದಾರೆ.

Recommended Video

RCB ಅಭಿಮಾನಿಗಳ ಕ್ರೇಜ್ ಹೆಚ್ಚಿಸಿದ Duniya Vijay | Filmibeat Kannada

ಕಂಗನಾ ಆರೋಪ ತಳ್ಳಿ ಹಾಕಿದ ಸೋನು ಸೂದ್

ಆದರೆ ಕಂಗನಾ ಈ ಹಿಂದೆ, ಮಹಿಳಾ ನಿರ್ದೇಶಕರ ಅಡಿಯಲ್ಲಿ ಕೆಲಸ ಮಾಡಲು ಸಿದ್ಧರಿಲ್ಲ ಎನ್ನುವ ಆರೋಪ ಮಾಡಿದ್ದರು. ಇದಕ್ಕೆ ಪ್ರತಿಕ್ರಿಯೆ ನೀಡಿದ ಸೋನು, " ಅದು ನನ್ನ ಹೇಳಿಕೆಯಲ್ಲ. ಹಾಗೆ ನಾನು ಎಲ್ಲಿಯೂ ಹೇಳಲಿಲ್ಲ. ಏಕೆಂದರೆ ಈಗಾಗಲೇ ಮಹಿಳಾ ನಿರ್ದೇಶಕರ ಜೊತೆ ಕೆಲಸ ಮಾಡಿದ್ದೀನಿ. ಆದರೆ ಒಂದು ಸೆಟ್ ನಲ್ಲಿ ಇಬ್ಬರ ನಿರ್ದೇಶಕರ ಜೊತೆ ಕೆಲಸ ಮಾಡಲು ಸಾಧ್ಯವಿಲ್ಲ ಎಂದು ಮಾತ್ರ ಹೇಳಿದ್ದೀನಿ. ಹಾಗಾಗಿ ಆ ನಿಲುವನ್ನು ಯಾವಾಗಲು ಕಾಪಾಡಿಕೊಳ್ಳುತ್ತೇನೆ." ಎಂದು ಸೋನು ಸೂದ್ ಮಣಿಕರ್ಣಿಕಾ ವಿವಾದದ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದಾರೆ.