ಶ್ರೀದೇವಿಯ ಅಂತಿಮ ದರ್ಶನದ ವೇಳೆ ಟೀಕೆಗೆ ಗುರಿಯಾದ ನಟಿ ಜಾಕ್ವೆಲಿನ್

ನಗುನಗುತ್ತಾ ಆಗಮಿಸಿದ ನಟಿ

ಅಗಲಿದೆ ಶ್ರೀದೇವಿಯ ಅಂತಿಮ ದರ್ಶನ ಪಡೆಯಲು ಮುಂಬೈನ ಸೆಲೆಬ್ರೆಷನ್ ಸ್ಪೋರ್ಟ್ಸ್ ಕ್ಲಬ್ ಆಗಮಿಸಿದ ನಟಿ ಜಾಕ್ವೆಲಿನ್ ಫೆರ್ನಾಂಡಿಸ್ ಕಾರು ಇಳಿಯುತ್ತಿದ್ದಂತೆ ನಗುಮುಖದಿಂದ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ. ಇದು ಸಹಜವಾಗಿ ಚರ್ಚೆಗೆ ಕಾರಣವಾಗಿದೆ.

ಸಾವಿನ ಮನೆಯಲ್ಲಿ ನಗು ಬೇಕಿತ್ತಾ.?

ಶ್ರೀದೇವಿಯ ಅಂತಿಮಯಾತ್ರೆಯ ಕ್ಷಣಗಳನ್ನ ಟ್ವಿಟ್ಟರ್ ನಲ್ಲಿ ಲೈವ್ ಅಪಡೇಟ್ಸ್ ಪಡೆಯುತ್ತಿದ್ದ ಜನರು ಜಾಕ್ವೆಲಿನ್ ಫೆರ್ನಾಂಡಿಸ್ ಅವರ ಈ ನಡವಳಿಕೆ ಬಗ್ಗೆ ಬೇಸರ ವ್ಯಕ್ತಪಡಿಸಿದ್ದಾರೆ. ಸಾವಿನ ಮನೆಯಲ್ಲಿ ಕಂಬನಿ ಮಿಡಿಯಬೇಕಿದ್ದ ನಟಿ ಸ್ಮೈಲ್ ಮಾಡಿದ್ದು ಟೀಕೆಗೆ ಗುರಿಯಾಗಿದೆ.

ಗೌರವ ನೀಡಬೇಕಾಗಿರುವುದು ನಿನ್ನ ಕರ್ತವ್ಯ

''ಜಾಕ್ವೆಲಿನ್ ಫೆರ್ನಾಂಡಿಸ್....ಶ್ರೀದೇವಿಯ ಅಂತಿಮ ಯಾತ್ರೆಗೆ ಬಂದಿದ್ದು ಅವರ ಆತ್ಮಕ್ಕೆ ಶಾಂತಿ ಸಿಗಲಿ ಎಂಬ ಕಾರಣಕ್ಕೋ ಅಥವಾ ಮಾಧ್ಯಮಗಳ ಮುಂದೆ ಶೋ ನಿಡುವುದಕ್ಕೋ? ಅಲ್ಲಿ ಸ್ಮೈಲ್ ಮಾಡುವ ಅಗತ್ಯವೇನಿತ್ತು? ಶ್ರೀದೇವಿ ಕೇವಲ ನಟಿ ಮಾತ್ರವಲ್ಲ, ಅವರೊಬ್ಬ ಕಲಾಸಂಸ್ಥೆ. ಲೆಜೆಂಡ್. ಗೌರವವಿರಲಿ'' ಎಂದು ಟೀಕಿಸಿದ್ದಾರೆ.

ಭಾವನೆಗಳಿಗೆ ಬೆಂಬಲ ನೀಡಿ

''ಸತ್ತ ವ್ಯಕ್ತಿಯ ಮನೆಗೆ ಬರಬೇಕಾದರೇ ಸತ್ತ ವ್ಯಕ್ತಿಯ ಆತ್ಮಕ್ಕೆ ಶಾಂತಿ ಕೋರಬೇಕು. ಮತ್ತು ಅವರ ಮನೆಯವರ ಭಾವನೆಗೆ ಬೆಂಬಲ ನೀಡಬೇಕು. ಅದನ್ನ ಬಿಟ್ಟು ನಗು ಯಾಕೆ ಬೇಕು. ನಗುವುದಕ್ಕೆ ಏನಿದೆ.?'' ಎಂದು ಪ್ರಶ್ನಿಸಿದ್ದಾರೆ.

ಸಂಗೀತ ಗೌರವ ನೀಡಿದ್ದ ನಟಿ

ಇದಕ್ಕು ಮುಂಚೆ ಶ್ರೀದೇವಿ ನಿಧನರಾಗಿದ್ದಾರೆ ಎಂಬ ವಿಷ್ಯ ತಿಳಿಯುತ್ತಿದ್ದಂತೆ ಸಂಗೀತದ ಮೂಲಕ ನಟಿ ಜಾಕ್ವೆಲಿನ್ ಫೆರ್ನಾಂಡಿಸ್ ಅಗಲಿಗೆ ಅತಿಲೋಕ ಸುಂದರಿಗೆ ಗೌರವ ಸಲ್ಲಿಸಿದ್ದರು. ಆಗ ಎಲ್ಲರಿಂದಲೂ ಮೆಚ್ಚುಗೆ ಗಳಿಸಿಕೊಂಡಿದ್ದರು.

ಶ್ರೀದೇವಿಗೆ ನಮನ ಸಲ್ಲಿಸಿದ ಬಾಲಿವುಡ್

ಶಾರೂಖ್ ಖಾನ್, ಸಲ್ಮಾನ ಖಾನ್, ಅಮಿತಾಬ್ ಬಚ್ಚನ್, ರೇಖಾ, ಹೇಮಾ ಮಾಲಿನಿ, ದೀಪಿಕಾ ಪಡುಕೋಣೆ, ಕತ್ರಿನಾ ಕೈಫ್, ಶಾಹೀದ್ ಕಪೂರ್, ಅಜಯ್ ದೇವಗನ್, ಕಾಜೋಲ್, ಅಕ್ಷಯ್ ಕುಮಾರ್, ಶ್ರದ್ಧಾ ಕಪೂರ್ ಸೇರಿದಂತೆ ಬಾಲಿವುಡ್ ನ ಬಹುತೇಕ ಎಲ್ಲರೂ ಶ್ರೀದೇವಿಯ ಅಂತಿಮಯಾತ್ರೆಯಲ್ಲಿ ಭಾಗವಹಿಸಿದ್ದರು.