ಕುತೂಹಲಕಾರಿ ತಿರುವು ಪಡೆಯಲಿದೆಯೇ ಸುಶಾಂತ್ ಸಿಂಗ್ ಸಾವು?

ಕೆಲವೇ ದಿನಗಳ ಹಿಂದೆ ಮಾಜಿ ಮ್ಯಾನೇಜರ್ ಆತ್ಮಹತ್ಯೆ

ಸುಶಾಂತ್ ಸಿಂಗ್ ಅವರ ಮಾಜಿ ಮ್ಯಾನೇಜರ್ ದಿಶಾ ಸಾಲಿಯಾನ್ ಐದು ದಿನಗಳ ಹಿಂದಷ್ಟೆ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಮಲಾಡ್‌ನ ಅಪಾರ್ಟ್‌ಮೆಂಟ್ ಮೇಲಿದ್ದು ಬಿದ್ದು ಸಾವನ್ನಪ್ಪಿದ್ದರು. ಈ ಸಾವಿಗೂ ಸುಶಾಂತ್ ಸಾವಿಗೂ ನಂಟಿದೆಯಾ ಎಂಬುದು ಪೊಲೀಸರ ತನಿಖೆಯ ಭಾಗವಾಗಿರಲಿದೆ.

ಸುಶಾಂತ್-ಅಂಕಿತಾ ಲೋಕಂಡೆ

ಸುಶಾಂತ್ ಸಿಂಗ್ ಗೆ ಕೆಲವು ಮಾಜಿ ಪ್ರೇಯಸಿಯರು, ಹಾಲಿ ಪ್ರೇಯಸಿ ಇದ್ದರು. ಟಿವಿ ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾಗ ಅಂಕಿತಾ ಲೋಕಂಡೆ ಜೊತೆ ಸುಶಾಂತ್ ಪ್ರೀತಿಯಲ್ಲಿದ್ದರು, ಇವರ ಪ್ರೀತಿ ಬಹುದಿನಗಳ ವರೆಗೆ ನಡೆಯಿತು. ನಂತರ ಇಬ್ಬರು ಬೇರಾದರು.

ಅಂಕಿತಾ ಲೋಕಂಡೆ ನಿಶ್ಚಿತಾರ್ಥವಾಯಿತು

ಏಪ್ರಿಲ್ ತಿಂಗಳಲ್ಲಿ ಅಂಕಿತಾ ಲೋಕಂಡೆ ಅವರ ನಿಶ್ಚಿತಾರ್ಥ ಆಗಿತ್ತು. ಅವರು ವಿಕ್ಕಿ ಜೈನ್ ಎಂಬುವರ ಜೊತೆ ಎಂಗೇಜ್ ಆದರು. ಮಧ್ಯಮವರ್ಗದ ಕುಟುಂಬದಿಂದ ಬಂದಿದ್ದ ಸುಶಾಂತ್‌ ಗೆ ಪ್ರೇಮವೈಫಲ್ಯ ಸಹಿಸಿಕೊಳ್ಳಲಾಗಲಿಲ್ಲವಾ ಎಂಬ ಅನುಮಾನವೂ ಇದೆ.

ಕೃತಿ ಸೆನನ್ ಜೊತೆಗೂ ಹೆಸರು ತಳುಕುಹಾಕಿಕೊಂಡಿತ್ತು

ಅಂಕಿತಾ ಲೋಕಂಡೆ ಹೊರತುಪಡಿಸಿ ಅವರ ಹೆಸರು ನಾಯಕ ನಟಿ ಕೃತಿ ಸೆನನ್ ಜೊತೆಗೂ ಕೇಳಿಬಂದಿತ್ತು. ಆದರೆ ಕೃತಿ ಸೆನನ್ ಅದನ್ನು ತಳ್ಳಿ ಹಾಕಿದ್ದರು. ಇವರಿಬ್ಬರ ಬಗೆಗಿನ ಗಾಳಿ ಸುದ್ದಿ ಬೇಗನೆ ಅಂತ್ಯವಾಯಿತು.

ರಿಹಾ ಚಕ್ರೊಬರ್ತಿ ಜೊತೆ ಮನಸ್ತಾಪ?

ನಂತರ ಸುಶಾಂತ್ ಸಿಂಗ್ ಹೆಸರು ಗಾಢವಾಗಿ ಕೇಳಿಬಂದಿದ್ದು ರಿಹಾ ಚಕ್ರೊಬರ್ತಿ ಜೊತೆ. ಇವರೂ ಸಹ ನಟಿಯಾಗಿದ್ದು, ತೆಲುಗಿನ ಒಂದು ಹಾಗೂ ಆರು ಹಿಂದಿ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಮಾರ್ಚ್‌ 11 ರಂದು ಇಬ್ಬರೂ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಇವರಿಬ್ಬರ ನಡುವೆ ಏನಾದರೂ ಮನಸ್ತಾಪವಾಯಿತೆ ಎಂಬುದು ತನಿಖೆಯಿಂದಲೇ ಗೊತ್ತಾಗಬೇಕಿದೆ.