ಹಾಲಿವುಡ್ ನ 'ಅವೆಂಜರ್ಸ್: ಇನ್ಫಿನಿಟಿ ವಾರ್' ದಾಖಲೆ ಮುರಿದ ಸುಶಾಂತ್ ಸಿಂಗ್ ಕೊನೆಯ ಸಿನಿಮಾದ ಟ್ರೈಲರ್

ಟ್ರೆಂಡಿಂಗ್ ನಲ್ಲಿ ಟ್ರೈಲರ್

ಟ್ರೈಲರ್ ರಿಲೀಸ್ ಆಗಿ 19 ಗಂಟೆಯಾದರು ಟಾಪ್ ಟ್ರೆಂಡಿಂಗ್ ನಲ್ಲಿದೆ. ಅಭಿಮಾನಿಗಳು ಚಿತ್ರದ ಟ್ರೈಲರ್ ಅನ್ನು ಟ್ರೆಂಡ್ ಮಾಡುತ್ತಿದ್ದಾರೆ. ಇಲ್ಲಿ ಸುಶಾಂತ್ ಸಿಂಗ್ ಗೆ ನಾಯಕಿಯಾಗಿ ಸಂಜನಾ ಸಂಘಿ ಕಾಣಿಸಿಕೊಂಡಿದ್ದಾರೆ. ಸಂಜನಾಗೆ ಇದು ಮೊದಲ ಸಿನಿಮಾ. ಈ ಸಿನಿಮಾ ಮೂಲಕ ಬಾಲಿವುಡ್ ನಲ್ಲಿ ನಾಯಕಿಯಾಗಿ ಎಂಟ್ರಿ ಕೊಡುತ್ತಿದ್ದಾರೆ.

ಹಾಲಿವುಡ್ ಸಿನಿಮಾಗಳ ದಾಖಲೆ ಬ್ರೇಕ್

ದಿಲ್ ಬೆಚಾರ ಟ್ರೈಲರ್ ರಿಲೀಸ್ ಆಗಿ ಇನ್ನೂ 24 ಗಂಟೆಯಾಗಿಲ್ಲ ಆಗಲೆ ಯೂಟ್ಯೂಬ್ ನಲ್ಲಿ 5.5 ಮಿಲಿಯನ್ ಲೈಕ್ಸ್ ಗಿಟ್ಟಿಸಿಕೊಂಡಿದೆ. ಅಲ್ಲದೆ 16ನೇ ಗಂಟೆಯಲ್ಲಿ ಬರೋಬ್ಬರಿ 21 ಮಿಲಿಯನ್ ವೀಕ್ಷಣೆ ಪಡೆದಿದೆ. ವಿಶೇಷ ಅಂದರೆ ಈ ಟ್ರೈಲರ್ ಸಾರ್ವಕಾಲಿಕ ದಾಖಲೆ ಹೊಂದಿದ್ದ ಹಾಲಿವುಡ್ ನ ಬ್ಲಾಕ್ ಬಸ್ಟರ್ ಅವೆಂಜರ್ಸ್: ಇನ್ಫಿನಿಟಿ ವಾರ್ ಮತ್ತು ಅವೆಂಜರ್ಸ್: ಎಂಡ್ ಗೇಮ್ ಸಿನಿಮಾಗಳ ದಾಖಲೆಯನ್ನು ಬ್ರೇಕ್ ಮಾಡಿದೆ.

ಜೀವನದ ಪ್ರೀತಿ ತುಂಬವ ಪಾತ್ರ

ಸಾವಿನಂಚಿನಲ್ಲಿರುವ ಕ್ಯಾನ್ಸರ್ ರೋಗಿಗೆ ಜೀವನ ಪ್ರೀತಿ ತುಂಬುವ ಪಾತ್ರ ಸುಶಾಂತ್ ಸಿಂಗ್‌ನದ್ದು, ಸಾವಿಗೆ ಹತ್ತಿರವಿರುವ ನಾಯಕಿಯನ್ನು ಪ್ರೇಮಿಸುವ ನಾಯಕನ ಪಾತ್ರಕ್ಕೆ ಸುಶಾಂತ್ ಜೀವ ತುಂಬಿದ್ದಾರೆ. ಎಂಥಹಾ ವೈಚಿತ್ರ್ಯ, ಸ್ವತಃ ಸಾವಿನೆಡೆಗೆ ಹೊರಟಿದ್ದ ಸುಶಾಂತ್ ಸಿನಿಮಾದಲ್ಲಿ ಮಾತ್ರ ವೈರುಧ್ಯದ ಪಾತ್ರ ನಿರ್ವಹಿಸಿದ್ದಾರೆ.

ಜುಲೈ 24ಕ್ಕೆ ರಿಲೀಸ್

ದಿಲ್ ಬೆಚಾರ ಹಾಲಿವುಡ್ ನ ಖ್ಯಾತ ಸಿನಿಮಾ ದಿ ಫಾಲ್ಟ್ ಇನ್ ಅವರ್ ಸ್ಟಾರ್ಸ್ ಸಿನಿಮಾದ ರಿಮೇಕ್ ಆಗಿದೆ. ಇದು ಜಾನ್ ಗ್ರೀನ್ ಬರೆದ ಕಾದಂಬರಿಯಾಧಾರಿತ ಸಿನಿಮಾ ಇದಾಗಿದೆ. ಚಿತ್ರದಲ್ಲಿ ಸೈಫ್ ಅಲಿ ಖಾನ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಎ. ಆರ್ ರಹಮಾನ್ ಸಂಗೀತ ಸಂಯೋಜನೆ ಚಿತ್ರಕ್ಕಿದೆ. ಚಿತ್ರ ಇದೆ ತಿಂಗಳು 24ರಂದು ಡಿಸ್ನಿ ಪ್ಲಸ್ ಹಾಟ್ ಸ್ಟಾರ್ ನಲ್ಲಿ ರಿಲೀಸ್ ಆಗುತ್ತಿದೆ.