'ಬಾಹುಬಲಿ'ಯನ್ನ ಹಿಂದಿಕ್ಕಿದ ಸಲ್ಮಾನ್ ಖಾನ್ 'ಟೈಗರ್'.!

ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಹಾಗೂ ಕತ್ರಿನಾ ಕೈಪ್ ಅಭಿನಯದ 'ಟೈಗರ್ ಜಿಂದಾ ಹೈ' ಚಿತ್ರ ಟ್ರೈಲರ್ ಬಿಡುಗಡೆಯಾಗಿದ್ದು, ಯೂಟ್ಯೂಬ್ ನಲ್ಲಿ ಸಿಕ್ಕಾಪಟ್ಟೆ ಸೌಂಡ್ ಮಾಡ್ತಿದೆ.

ನವೆಂಬರ್ 7 ರಂದು ರಿಲೀಸ್ ಆಗಿರುವ ರಿಲೀಸ್ 'ಟೈಗರ್ ಜಿಂದಾ ಹೈ' ಟ್ರೈಲರ್ ಈ ಹಿಂದಿನ ಎಲ್ಲ ದಾಖಲೆಗಳನ್ನ ಬ್ರೇಕ್ ಮಾಡಿದೆ. ಇದುವರೆಗೂ ರೆಕಾರ್ಡ್ ಆಗಿದ್ದ 'ಬಾಹುಬಲಿ'ಯನ್ನ ಕೂಡ ಟೈಗರ್ ಟ್ರೈಲರ್ ಹಿಂದಿಕ್ಕಿ ಇತಿಹಾಸ ನಿರ್ಮಿಸಿದೆ.

ಹೌದು, 'ಬಾಹುಬಲಿ 2-ಚಿತ್ರದ ಹಿಂದಿ ಟ್ರೈಲರ್ ಗೆ 5.4 ಲಕ್ಷ ಲೈಕ್ಸ್ ಬಂದಿದೆ. ಆದ್ರೆ, 'ಟೈಗರ್ ಜಿಂದಾ ಹೈ' ಟ್ರೈಲರ್ ಕಡಿಮೆ ಅವಧಿಯಲ್ಲಿ 8 ಲಕ್ಷ ಲೈಕ್ಸ್ ಸಂಪಾದಿಸುವ ಮೂಲಕ ಟ್ರೆಂಡ್ ಸೃಷ್ಟಿಸಿದೆ.

ಅಂದ್ಹಾಗೆ, 'ಟೈಗರ್ ಜಿಂದಾ ಹೈ' ಇದೇ ಡಿಸೆಂಬರ್ 22 ರಂದು ಬಿಡುಗಡೆಯಾಗುತ್ತಿದೆ. ಅಲಿ ಅಬ್ಬಾಸ್ ಜಾಫರ್ ನಿರ್ದೇಶನ ಮಾಡಿರುವ ಈ ಚಿತ್ರವನ್ನ ಆದಿತ್ಯ ಚೋಪ್ರಾ ನಿರ್ಮಾಣ ಮಾಡಿದ್ದಾರೆ. ಸಲ್ಮಾನ್ ಖಾನ್, ಕತ್ರಿನಾ ಕೈಫ್, ಅಂಗಡ್ ಬೇಡಿ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ.