ಪತ್ನಿ ಅನುಷ್ಕಾ ಅವರ 'ಪರಿ' ಸಿನಿಮಾ ನೋಡಿದ ವಿರಾಟ್ ಕೊಹ್ಲಿ

ಅನುಷ್ಕಾ ಶೆಟ್ಟಿ ನಟನೆಯ 'ಪರಿ' ಸಿನಿಮಾ ಇಂದು ಬಿಡುಗಡೆಯಾಗಿದೆ. ಅನುಷ್ಕಾ ಅಭಿಮಾನಿಗಳು ಈ ಸಿನಿಮಾವನ್ನು ನೋಡಿ ಮೆಚ್ಚಿಕೊಂಡಿದ್ದಾರೆ. 'ಪರಿ' ಒಂದು ಹಾರರ್ ಸಿನಿಮಾವಾಗಿದ್ದು, ಪ್ರೇಕ್ಷಕರನ್ನು ಭಯ ಪಡಿಸುವಲ್ಲಿ ಅನುಷ್ಕಾ ಯಶಸ್ವಿಯಾಗಿದ್ದಾರೆ.

ಅನುಷ್ಕಾ ಶೆಟ್ಟಿ ಪತಿ, ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಸಹ 'ಪರಿ' ಸಿನಿಮಾವನ್ನು ವೀಕ್ಷಿಸಿದ್ದಾರೆ. ವಿಶೇಷ ಅಂದರೆ ವಿರಾಟ್ ಮತ್ತು ಅನುಷ್ಕಾ ವಿವಾಹದ ನಂತರ ರಿಲೀಸ್ ಆಗುತ್ತಿರುವ ಮೊದಲ ಸಿನಿಮಾ ಇದಾಗಿದೆ. ಸಿನಿಮಾವನ್ನು ನೋಡಿರುವ ವಿರಾಟ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಚಿತ್ರದ ಬಗ್ಗೆ ಬರೆದುಕೊಂಡಿದ್ದಾರೆ.

''ಪರಿ' ಸಿನಿಮಾವನ್ನು ನಿನ್ನೆ ನೋಡಿದೆ. ಇದುವರೆಗೆ ನಟಿಸಿದ ಸಿನಿಮಾಗಳ ಪೈಕಿ ನನ್ನ ಪತ್ನಿಯ ಬೆಸ್ಟ್ ಸಿನಿಮಾ ಇದು. ಇತ್ತೀಚಿಗೆ ನಾನು ನೋಡಿದ ಬೆಸ್ಟ್ ಸಿನಿಮಾ ಪರಿ. ಸಿನಿಮಾ ನೋಡಿ ಸ್ವಲ್ಪ ಭಯ ಆಯ್ತು. ವೆರಿ ಪ್ರೌಡ್ ಆಫ್ ಅನುಷ್ಕಾ ಶರ್ಮಾ'' ಎಂದು ಹೊಗಳಿದ್ದಾರೆ.