Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಾಡೆಲ್ಗಳ ಸರಣಿ ಸಾವಿಗೆ ಬೆಚ್ಚಿ ಬಿದ್ದ ಕೊಲ್ಕತ್ತ: ಎರಡು ವಾರದಲ್ಲಿ ಮೂವರು ಸಾವು!
ಪಶ್ಚಿಮ ಬಂಗಾಳ ರಾಜ್ಯದಲ್ಲಿ ಮಾಡೆಲ್ಗಳ ಸರಣಿ ಸಾವಾಗುತ್ತಿದೆ. ಕೇವಲ ಎರಡು ವಾರದಲ್ಲಿ ಮೂರು ಮಂದಿ ಮಾಡೆಲ್ಗಳು ಅನುಮಾನ್ಪದವಾಗಿ ಸಾವನ್ನಪ್ಪಿದ್ದಾರೆ.
ಹನ್ನೆರಡು ದಿನದ ಹಿಂದೆ ಬೆಂಗಾಲಿ ಟಿವಿ ಲೋಕದಲ್ಲಿ ಚಿರಪರಿಚಿತ ನಟಿಯಾಗಿದ್ದ ಪಲ್ಲವಿ ಡೇ ಸಾವನ್ನಪ್ಪಿದರು. ಕೊಲ್ಕತ್ತದ ಗರ್ಫಾದಲ್ಲಿರುವ ಅವರ ಅಪಾರ್ಟ್ಮೆಂಟ್ನಲ್ಲಿ ಪಲ್ಲವಿ ಡೇಯ ಮೃತ ದೇಹ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಯಿತು. ನಟಿಯ ಸಾವಿನ ಬಗ್ಗೆ ಬೆಂಗಾಳಿ ಸಿನಿಮಾ ಹಾಗೂ ಟಿವಿ ಲೋಕ ಶೋಕ ವ್ಯಕ್ತಪಡಿಸಿತ್ತು.
ಅದಾದ ಹತ್ತು ದಿನದ ಬಳಿಕ ಜನಪ್ರಿಯ ಮಾಡೆಲ್ ಬಿದಿಶಾ ಡಿ ಮಜುಂಧಾರ್ ಸಾವನ್ನಪ್ಪಿದರು. ಕೊಲ್ಕತ್ತದ ಡಂಡಂ ಬಳಿಯ ನಗೇರ್ ಬಜಾರ್ನಲ್ಲಿದ್ದ ಅವರ ನಿವಾಸದಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಅವರ ಅವರ ಮೃತದೇಹ ಪತ್ತೆಯಾಯಿತು. ಬಿದಿಶಾ ಡಿ ಮಜುಂಧಾರ್ ಶವದ ಬಳಿ ಆತ್ಮಹತ್ಯೆ ಪತ್ರವೊಂದು ಪತ್ತೆಯಾಗಿತ್ತಾದರೂ, ಆ ಪತ್ರ ಗೊಂದಲಮಯವಾಗಿದೆ ಎಂದು ಪೊಲೀಸರು ಹೇಳಿದ್ದರು.
ಇದೀಗ ಬಂಗಾಳದ ಮತ್ತೊಬ್ಬ ಪ್ರಖ್ಯಾತ ಮಾಡೆಲ್ ಮಂಜುಶಾ ನಿಯೋಗಿ ಸಾವನ್ನಪ್ಪಿದ್ದಾರೆ. ಕೋಲ್ಕತ್ತದ ಪುತೌಲಿ ಏರಿಯಾದಲ್ಲಿನ ಅವರ ನಿವಾಸದಲ್ಲಿ ಮಂಜುಶಾ ಶವ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದೆ. ಬಿದಿಶಾ ಡಿ ಮಜುಂಧಾರ್ ಸಾವನ್ನಪ್ಪಿದ ಎರಡೇ ದಿನದ ಅಂತರದಲ್ಲಿ ಮಂಜುಶಾ ನಿಯೋಗಿ ಸಾವನ್ನಪ್ಪಿದ್ದಾರೆ.
ಮಂಜುಶಾ ನಿಯೋಗಿ ಪುತೌಲಿ ಏರಿಯಾದಲ್ಲಿ ತಮ್ಮ ಕುಟುಂಬದೊಟ್ಟಿಗೆ ವಾಸವಾಗಿದ್ದರು. ಎರಡು ದಿನದ ಹಿಂದೆ ಮೃತಪಟ್ಟ ಬಿದಿಶಾ ಡಿ ಮಜುಂಧಾರ್ ಮಂಜುಶಾಳ ಆತ್ಮೀಯ ಗೆಳತಿಯಾಗಿದ್ದಳು. ಮಂಜುಶಾ ತಾಯಿ ಹೇಳಿರುವಂತೆ, ಬಿದಿಶಾ ಸಾವನ್ನಪ್ಪಿದ ಬಳಿಕ ಮಂಜುಶಾ ಬಹಳ ಬೇಸರಗೊಂಡಿದ್ದಳು, ಖಿನ್ನತೆ ಅನುಭವಿಸಿದ್ದಳು. ಬಿದಿಶಾ ಸಾವನ್ನಪ್ಪಿದಾಗಿನಿಂದಲೂ ಮಂಜುಶಾ, ತನ್ನ ತಾಯಿಯ ಬಳಿ ಬಿದಿಶಾ ಬಗ್ಗೆಯೇ ಮಾತನಾಡುತ್ತಿದ್ದಳಂತೆ. ಈಗ ಬಿದಿಶಾ ಹೋದ ಜಾಗಕ್ಕೇ ಮಂಜುಶಾ ಸಹ ಹೋಗಿದ್ದಾರೆ.
ಬೆಂಗಾಲಿ ಗ್ಲಾಮರ್ ಲೋಕದಲ್ಲಿ ಆಗುತ್ತಿರುವ ಈ ಸರಣಿ ಸಾವು ಕುತೂಹಲದ ಜೊತೆಗೆ ಆತಂಕ ಮೂಡಿಸಿವೆ. ಕಳೆದ ಹನ್ನೆರಡು ದಿನದಲ್ಲಿ ಮೂವರು ಮಾಡೆಲ್ಗಳು ಸಾವನ್ನಪ್ಪಿದ್ದು ಪೊಲೀಸರಿಗೂ ಆತಂಕ ತಂದಿದೆ. ಮೂರೂ ಪ್ರಕರಣದ ತನಿಖೆಯನ್ನು ಪೊಲೀಸರು ಮಾಡುತ್ತಿದ್ದಾರೆ.