ಆಲಿಯಾ ಭಟ್ ಮೊಬೈಲ್ ವಾಲ್‌ಪೇಪರ್‌ ಮಾಡಿಕೊಂಡಿರುವ ಆ ಚಿತ್ರ ಯಾವುದು?

ಆಲಿಯಾ ಭಟ್ ಮೊಬೈಲ್ ವಾಲ್‌ಪೇಪರ್ ಯಾವುದು?

ಹೌದು, ಆಲಿಯಾ ಭಟ್ ಇತ್ತೀಚೆಗೆ ಏರ್‌ಪೋರ್ಟ್‌ನಲ್ಲಿ ಕ್ಯಾಮೆರಾ ಕಣ್ಣಿಗೆ ಬಿದ್ದಾಗ ಅವರ ಕೈಯಲ್ಲಿ ಮೊಬೈಲ್ ಇತ್ತು, ಆ ಮೊಬೈಲ್‌ನ ವಾಲ್‌ಪೇಪರ್‌ ನಲ್ಲಿ ಇದ್ದುದ್ದು ಆಲಿಯಾ ಮತ್ತು ರಣಬೀರ್ ಕಪೂರ್ ಪರಸ್ಪರ ಚುಂಬಿಸುತ್ತಿರುವ ಚಿತ್ರ.

ಒಟ್ಟಾಗಿ ಸುತ್ತಾಡುತ್ತಿರುವ ರಣಬೀರ್ ಕಪೂರ್-ಆಲಿಯಾ ಭಟ್

ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ಸದ್ಯ ಡೇಟಿಂಗ್ ಮಾಡುತ್ತಿದ್ದು, ಈ ಜೋಡಿ ಶೀಘ್ರದಲ್ಲೇ ಮದುವೆ ಆಗುವ ಆಲೋಚನೆಯಲ್ಲಿದ್ದಾರೆ. ಆಲಿಯಾ ಭಟ್-ರಣಬೀರ್ ಕಪೂರ್ ನೇರವಾಗಿ ಈ ಬಗ್ಗೆ ಹೇಳಿಕೊಂಡಿಲ್ಲವಾದರೂ ಇದಕ್ಕೆ ಪೂರಕವಾದ ಮಾತುಗಳು, ಚಿತ್ರಗಳು ಸಾಕಷ್ಟು ಹರಿದಾಡುತ್ತಿವೆ.

ಆಲಿಯಾ-ರಣ್ಬೀರ್ ನಟಿಸಿರುವ ಚಿತ್ರ ತೆರೆಗೆ

ಆಲಿಯಾ ಭಟ್ ಮತ್ತು ರಣಬೀರ್ ಒಟ್ಟಿಗೆ ನಟಿಸಿರುವ ಬ್ರಹ್ಮಾಸ್ತ್ರ ಚಿತ್ರ ಡಿಸೆಂಬರ್ ನಲ್ಲಿ ತೆರೆಕಾಣಲಿದೆ. ಜೊತೆಗೆ ಆಲಿಯಾ ಅವರ ಗಂಗೂಬಾಯಿ ಕತ್ತಿವಾಡಿ ಸಿನಿಮಾ ಸಹ ಸೆಟ್ಟೇರಿದೆ. ಅದರ ಪೋಸ್ಟರ್ ಕೆಲವು ದಿನಗಳ ಹಿಂದಷ್ಟೆ ಬಿಡುಗಡೆ ಆಗಿದೆ. ಸದಕ್ 2 ಚಿತ್ರದಲ್ಲೂ ಅವರು ನಟಿಸುತ್ತಿದ್ದಾರೆ.

ದಕ್ಷಿಣ ಭಾರತಕ್ಕೆ ಕಾಲಿಟ್ಟ ಆಲಿಯಾ ಭಟ್

ದಕ್ಷಿಣ ಭಾರತಕ್ಕೂ ಆಲಿಯಾ ಭಟ್ ಹೆಜ್ಜೆ ಇಟ್ಟಿದ್ದು, ಬಾಹುಬಾಲಿ ಖ್ಯಾತಿಯ ರಾಜಮೌಳಿ ನಿರ್ದೇಶನದ ಆರ್‌ಆರ್‌ಆರ್‌ ಚಿತ್ರದ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ. ಆದರೆ ಚಿತ್ರದಲ್ಲಿ ಅವರು ಎನ್‌ಟಿಆರ್‌ ಗೆ ನಾಯಕಿಯೋ ಅಥವಾ ರಾಮ್‌ಚರಣ್ ತೇಜಾ ಗೆ ನಾಯಕಿಯೋ ತಿಳಿದು ಬಂದಿಲ್ಲ.