Don't Miss!
- Finance Zero Shadow Day: ಬೆಂಗಳೂರಿನಲ್ಲಿ ಇಂದು ಪ್ರಕೃತಿಯ ಅಚ್ಚರಿ
- News ರಾಜ್ಯದ ವಿವಿಧೆಡೆ ವರುಣದೇವನ ಆರ್ಭಟ; ಕರ್ನಾಟಕದ ಪ್ರಮುಖ ಡ್ಯಾಂಗಳ ನೀರಿನ ಮಟ್ಟ ಎಷ್ಟು ?
- Technology ಇಂದು ವಿವೋ T3x 5G ಸ್ಮಾರ್ಟ್ಫೋನ್ ಫಸ್ಟ್ ಸೇಲ್; ಬೆಲೆ 13,499ರೂ.!
- Automobiles Triber: 7 ಜನ ಹೋಗಬಹುದಾದ ರೆನಾಲ್ಟ್ ಟ್ರೈಬರ್ ಖರೀದಿಸಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Lifestyle ಹೋಟೆಲ್ ರುಚಿಯ ಪನೀರ್ ಪೆಪ್ಪರ್ ಫ್ರೈ ಮನೆಯಲ್ಲೇ ಮಾಡಿ..! 10 ನಿಮಿಷದಲ್ಲಿ ರೆಡಿ..!
- Sports CSK vs LSG IPL 2024: ಐಪಿಎಲ್ನಲ್ಲಿ ಈ ದಾಖಲೆ ಮಾಡಿದ ಮೊದಲ ಸಿಎಸ್ಕೆ ನಾಯಕ ರುತುರಾಜ್ ಗಾಯಕ್ವಾಡ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸಲ್ಮಾನ್ ಖಾನ್ ಚಿತ್ರಗಳಿಗೆ ರೆಹಮಾನ್ ಏಕೆ ಸಂಗೀತ ನೀಡುವುದಿಲ್ಲ?: ಕಾರಣ ಬಹಿರಂಗ
ಅನೇಕ ಖ್ಯಾತನಾಮರ ಸಿನಿಮಾಗಳಿಗೆ ಸಂಗೀತ ದಿಗ್ಗಜ ಎ.ಆರ್. ರೆಹಮಾನ್ ಸಂಗೀತ ನೀಡಿದ್ದಾರೆ. ಅವರ ಸಂಗೀತದ ಬಹುತೇಕ ಹಾಡುಗಳು ಹಿಟ್ ಆಗಿವೆ. ಈ ನಡುವೆ ರೆಹಮಾನ್ ಬಾಲಿವುಡ್ ಕುರಿತು ಮಾತನಾಡಿದ್ದಾಗಲೀ, ವಿವಾದಗಳಿಗೆ ಸಿಲುಕಿದ್ದಾಗಲೀ ಇರಲಿಲ್ಲ. ಆದರೆ ಈಗ ಅವರು ಬಾಲಿವುಡ್ ವಿರುದ್ಧ ದನಿ ಎತ್ತಿದ್ದಾರೆ.
Recommended Video
ತಮ್ಮ ವಿರುದ್ಧ ಗುಂಪೊಂದು ಬಾಲಿವುಡ್ನಲ್ಲಿ ತಮ್ಮ ಕುರಿತು ಇಲ್ಲ ಸಲ್ಲದ ರೂಮರ್ಗಳನ್ನು ಹರಡಿಸುತ್ತಿದೆ. ಇದರಿಂದಾಗಿ ತಮಗೆ ಇತ್ತೀಚಿನ ದಿನಗಳಲ್ಲಿ ಬಾಲಿವುಡ್ನಲ್ಲಿ ಅಷ್ಟೇನೂ ಒಳ್ಳೆಯ ಅವಕಾಶಗಳು ಬರುತ್ತಿಲ್ಲ ಎಂದು ಬಹಿರಂಗಪಡಿಸಿದ್ದಾರೆ.
ಬಾಲಿವುಡ್ನಲ್ಲಿ ತಮ್ಮ ವಿರುದ್ಧ ಒಂದು ಗ್ಯಾಂಗ್ ಇದೆ: ಎ.ಆರ್. ರೆಹಮಾನ್ ಹೇಳಿದ ಸ್ಫೋಟಕ ಸಂಗತಿ
ರೆಹಮಾನ್ ಈ ಹೇಳಿಕೆ ಸಂಚಲನ ಮೂಡಿಸಿದೆ. ರೆಹಮಾನ್ರಂತಹ ಸಂಗೀತ ನಿರ್ದೇಶಕರನ್ನು ಬಳಸಿಕೊಳ್ಳುವ ಅರ್ಹತೆಯೇ ಬಾಲಿವುಡ್ಗೆ ಇಲ್ಲ ಎಂದು ಕೆಲವರು ಹೇಳಿದ್ದರೆ, ಬಾಲಿವುಡ್ ಅವರೊಂದಿಗೆ ನಡೆದುಕೊಂಡ ರೀತಿ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಮುಂದೆ ಓದಿ.
ಹಳೆಯ ವಿಡಿಯೋ ವೈರಲ್
ಬಹುತೇಕರಿಗೆ ತಿಳಿದಿರುವ ಸಂಗತಿಯೆಂದರೆ ಬಾಲಿವುಡ್ನ ಪ್ರಭಾವಿ ನಟ ಸಲ್ಮಾನ್ ಖಾನ್, ಎ.ಆರ್. ರೆಹಮಾನ್ ಬಗ್ಗೆ ಅಷ್ಟೇನೂ ಒಲವು ಹೊಂದಿಲ್ಲ. ಅನೇಕ ನಟರ ಚಿತ್ರಗಳಿಗೆ ಸಂಗೀತ ನೀಡಿರುವ ರೆಹಮಾನ್, ಇದುವರೆಗೂ ಸಲ್ಮಾನ್ ಖಾನ್ ಚಿತ್ರಕ್ಕೆ ಸಂಗೀತ ನೀಡಿಲ್ಲ. ಅಭಿಮಾನಿಗಳು ಈ ಇಬ್ಬರ ನಡುವಿನ ಮಾತುಕತೆಯ ಹಳೆಯ ವಿಡಿಯೋವೊಂದನ್ನು ಹುಡುಕಿ ತೆಗೆದಿದ್ದಾರೆ. ಸಲ್ಮಾನ್ ಖಾನ್ ಚಿತ್ರಕ್ಕೆ ರೆಹಮಾನ್ ಇದುವರೆಗೂ ಏಕೆ ಸಂಗೀತ ನೀಡಿಲ್ಲ ಎನ್ನುವುದು ಇದರಲ್ಲಿ ಬಹಿರಂಗವಾಗಿದೆ.
ಜೈ ಹೋ ಚಿತ್ರದ ವಿವಾದ
2014ರಲ್ಲಿ 'ಜೈಹೋ' ಚಿತ್ರ ಬಿಡುಗಡೆಯಾದ ಸಂದರ್ಭದಲ್ಲಿ ಎ.ಆರ್. ರೆಹಮಾನ್ ಮತ್ತು ಸಲ್ಮಾನ್ ಖಾನ್ ಹಕ್ಕು ಸ್ವಾಮ್ಯದ ವಿವಾದವೊಂದರಲ್ಲಿ ಮುಖಾಮುಖಿಯಾಗಿದ್ದರು. 2008ರಲ್ಲಿ ತಮಗೆ ಆಸ್ಕರ್ ತಂದುಕೊಟ್ಟ 'ಸ್ಲಂ ಡಾಗ್ ಮಿಲಿಯನೇರ್' ಚಿತ್ರಕ್ಕೆ 'ಜೈ ಹೋ' ಹಾಡನ್ನು ಸಂಯೋಜಿಸಿದ್ದ ರೆಹಮಾನ್ ಅವರ ಬಳಿ ಶೀರ್ಷಿಕೆ ಇದ್ದಿದ್ದರಿಂದ 'ಜೈ ಹೋ' ಚಿತ್ರ ಕೃತಿಚೌರ್ಯ ಮಾಡಿದೆ ಎಂದು ಆರೋಪಿಸಲಾಗಿತ್ತು.
ವೇದಿಕೆಯಲ್ಲಿ ಸಲ್ಮಾನ್-ರೆಹಮಾನ್
ಎಆರ್ ರೆಹಮಾನ್ ಮತ್ತು ಸಲ್ಮಾನ್ ಖಾನ್ ಅವರು ಕೆಲವು ವರ್ಷಗಳ ಹಿಂದೆ ಕಾರ್ಯಕ್ರಮವೊಂದರಲ್ಲಿ ಮಾತನಾಡುವ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಇದರಲ್ಲಿ ಇಬ್ಬರೂ ಒಟ್ಟಿಗೆ ವೇದಿಕೆ ಮೇಲೆ ನಿಂತಿದ್ದಾಗ ರೆಹಮಾನ್ ಸಾಧಾರಣ ಸಂಗೀತ ನಿರ್ದೇಶಕ ಎಂದಿದ್ದರು.
ನನಗೂ ಆ ಅನುಭವ ಆಗಿದೆ: ನೋವಿನ ಸಂಗತಿ ಹಂಚಿಕೊಂಡ ರಘು ದೀಕ್ಷಿತ್
ಸಲ್ಮಾನ್ಗೆ 'ಕೈ' ಕೊಡದ ರೆಹಮಾನ್
ಸಲ್ಮಾನ್ ಖಾನ್ ಹೀಗೆ ಹೇಳಿದಾಗ ವೇದಿಕೆಯಲ್ಲಿದ್ದ ಎಲ್ಲರೂ ಜೋರಾಗಿ ನಗುತ್ತಾರೆ. ರೆಹಮಾನ್ ಕೂಡ ನಕ್ಕಂತೆ ಮಾಡುತ್ತಾರೆ. ಸಲ್ಮಾನ್ ಅವರ ಕೈ ಹಿಡಿದು ಇದು ತಮಾಷೆಗೆ ಎಂದು ತೋರಿಸಲು ಪ್ರಯತ್ನಿಸಿದರೂ ಅತ್ತ ಗಮನ ಕೊಡದ ರೆಹಮಾನ್, ತಮ್ಮ ಕೈಗಳನ್ನು ಕೋಟ್ ಜೇಬಿನೊಳಗೆ ಗಟ್ಟಿಯಾಗಿ ಇರಿಸಿಕೊಂಡಿರುವುದು ವಿಡಿಯೋದಲ್ಲಿ ಕಾಣಿಸಿದೆ. ಇದಕ್ಕೆ ಮತ್ತೊಂದು ವಿಡಿಯೋವನ್ನು ಜೋಡಿಸಲಾಗಿದ್ದು, ಅದರಲ್ಲಿ ರೆಹಮಾನ್ ಕಾರ್ಯಕ್ರಮದ ಬಳಿಕ ಮಾಧ್ಯಮದೊಂದಿಗೆ ಮಾತನಾಡಿದ್ದಾರೆ.
ಇಷ್ಟಪಡುವ ಸಿನಿಮಾ ಮಾಡಲಿ
ಸಲ್ಮಾನ್ ಖಾನ್ ಜತೆ ಮತ್ತೆ ಒಂದುಗೂಡಿ ಯಾವಾಗ ಸಿನಿಮಾ ಮಾಡುತ್ತೀರಿ? ಎಂದು ಪತ್ರಕರ್ತರೊಬ್ಬರ ಪ್ರಶ್ನೆಗೆ, 'ನಾನು ಇಷ್ಟಪಡುವಂತಹ ಸಿನಿಮಾವನ್ನು ಅವರು ಮಾಡಲಿ' ಎಂದು ತೀಕ್ಷ್ಣವಾಗಿ ಉತ್ತರಿಸಿದ್ದರು. ಸಲ್ಮಾನ್ ಖಾನ್ ಅವರಂತೆಯೇ ತಾವು ಕೂಡ ತಮಾಷೆ ಮಾಡಿದ್ದು, ಆದರೆ ಅಭಿಮಾನಿಗಳು ಗಂಭೀರವಾಗಿ ತೆಗೆದುಕೊಂಡಿದ್ದರು ಎಂದು ರೆಹಮಾನ್ ನಂತರ ಸ್ಪಷ್ಟೀಕರಣ ನೀಡಿದ್ದರು.
ಬಾಲಿವುಡ್ ನಲ್ಲಿ ಯಾರು ನನಗೆ ಅವಕಾಶ ನೀಡಿಲ್ಲ: ಸತ್ಯ ಬಹಿರಂಗ ಪಡಿಸಿದ ಆಸ್ಕರ್ ವಿಜೇತ