ಸಲ್ಮಾನ್ ಖಾನ್ ಗೆ ಮತ್ತೆ ಯಶಸ್ಸು ತಂದು ಕೊಡುವುದೇ 'ರಂಜಾನ್'.?

ರೆಕಾರ್ಡ್ ಬ್ರೇಕ್ ಮಾಡುತ್ತಾ 'ರೇಸ್-3'

2016 ರಲ್ಲಿ ಈದ್ ಸಂದರ್ಭದಂದು ಸಲ್ಮಾನ್ ಖಾನ್ ಅಭಿನಯದ 'ಸುಲ್ತಾನ್' ಚಿತ್ರ ತೆರೆಗೆ ಬಂದಿತ್ತು. ಬಿಡುಗಡೆ ಆದ ದಿನವೇ 'ಸುಲ್ತಾನ್' ಚಿತ್ರ 36 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿತ್ತು. ಈ ರೆಕಾರ್ಡ್ ನ 'ರೇಸ್-3' ಸಿನಿಮಾ ಬ್ರೇಕ್ ಮಾಡುತ್ತಾ ಅನ್ನೋದೇ ಸದ್ಯದ ಕುತೂಹಲ.

ಸ್ಪರ್ಧೆ ಇಲ್ಲವೇ ಇಲ್ಲ.!

ರಂಜಾನ್ ಹಬ್ಬದಂದು 'ರೇಸ್-3' ಚಿತ್ರದ ಜೊತೆಗೆ ಯಾವುದೇ ಬಹು ನಿರೀಕ್ಷಿತ ಸಿನಿಮಾಗಳು ತೆರೆಗೆ ಬರುತ್ತಿಲ್ಲ. 'ರೇಸ್-3' ಚಿತ್ರಕ್ಕೆ ಸ್ಪರ್ಧೆ ಒಡ್ಡುವ ಯಾವುದೇ ಚಿತ್ರಗಳು ಇಲ್ಲದ ಕಾರಣ, ಈ ಸಿನಿಮಾ ಈ ಬಾರಿ ದಾಖಲೆ ಬರೆದರೂ ಅಚ್ಚರಿ ಇಲ್ಲ.

ಸಲ್ಮಾನ್ ಗೆ ಮರುಜೀವ ನೀಡಿದ್ದು ರಂಜಾನ್

ಒಂದ್ಕಾಲದಲ್ಲಿ ಬಾಲಿವುಡ್ ನಲ್ಲಿ ಸೋತು ಸಣ್ಣವಾಗಿದ್ದ ಸಲ್ಮಾನ್ ಖಾನ್ ಗೆ ಮರುಜೀವ ನೀಡಿದ್ದು ಇದೇ ರಂಜಾನ್. 2009 ರಿಂದ ಈದ್ ಸಂದರ್ಭದಲ್ಲಿ ಬಿಡುಗಡೆ ಆದ ಸಲ್ಮಾನ್ ಖಾನ್ ಅಭಿನಯದ ಎಲ್ಲ ಚಿತ್ರಗಳು ಹಿಟ್ ಆಗಿವೆ.

'ರೇಸ್-3' ಕುರಿತು...

ಸಲ್ಮಾನ್ ಖಾನ್, ಜಾಕ್ವೆಲಿನ್ ಫರ್ನಾಂಡಿಸ್, ಅನಿಲ್ ಕಪೂರ್, ಬಾಬಿ ಡಿಯೋಲ್ ಅಭಿನಯದ ಚಿತ್ರ 'ರೇಸ್-3'. ಈ ಚಿತ್ರಕ್ಕೆ ರೆಮೋ ಡಿಸೋಜಾ ಆಕ್ಷನ್ ಕಟ್ ಹೇಳಿದ್ದಾರೆ. 'ರೇಸ್' ಸರಣಿಯ ಮೊದಲೆರಡು ಅವತರಣಿಕೆಗಳು ಯಶಸ್ವಿ ಆಗಿತ್ತು. ಈಗ 'ರೇಸ್-3' ಮೇಲೆ ಎಲ್ಲರ ಕಣ್ಣಿದೆ.