ತುಳು ಚಿತ್ರರಂಗದ 'ದೇವದಾಸ್ ಕಾಪಿಕಾಡ್' ಕನ್ನಡದಲ್ಲೂ ಫೇಮಸ್!

ಜನರ ಮನರಂಜಿಸುತ್ತಿರುವ ನಟ

ಇವರು 'ವೆಂಕಟ ಇನ್ ಸಂಕಟ', 'ನಾವೆಲ್ರೂ ಹಾಫ್ ಬಾಯ್ಲ್ಡ್' ಎಂಬ ಕನ್ನಡ ಸಿನಿಮಾದಲ್ಲಿಯೂ ನಟನೆ ಮಾಡಿದ್ದಾರೆ. ಇವರಿಗೆ ಸಿನಿಮಾದಲ್ಲಿ ಹಲವಾರು ಪ್ರಶಸ್ತಿಗಳು ಬಂದಿದೆ. ಅತ್ಯುತ್ತಮ ನಟ ಪ್ರಶಸ್ತಿ, ಬೆಸ್ಟ್ ಡೈಲಾಗ್, ಮಂಗಳೂರು ವಿಶ್ವದ್ಯಾಲಯದಿಂದ ಗೌರವ ಡಾಕ್ಟರೇಟ್ ದೊರೆತಿದೆ. ದೇವದಾಸ್ ಕಾಪಿಕಾಡ್ ಅನೇಕ ಕಲಾವಿದರ ಗುರು ಕೂಡ ಹೌದು.

ನಾಟಕರಂಗದಲ್ಲಿ ಸಕ್ರಿಯರಾದ ನಟ

ದೇವದಾಸ್ ಚಿಕ್ಕ ವಯಸ್ಸಿನಲ್ಲಿಯೇ ಸಿನಿಮಾ ನಟನಾಗಬೇಕು ಎಂಬ ಕನಸನ್ನು ಕಂಡಿದ್ದರು. ಅದಕ್ಕಾಗಿ ಸಾಕಷ್ಟು ಕಷ್ಟಪಡುತ್ತಿದ್ದರು. ಮೈಸೂರಿನಲ್ಲಿ ದೊಡ್ಡ ಕೆಲಸಕ್ಕೆ ಸೇರಿದ್ದರು ಆದರೆ ಒಳ ಮನಸ್ಸು ನುಡಿಯುತ್ತಿತ್ತು. ನೀನು ಏನಾದರೂ ಸಾಧನೆ ಮಾಡು ಎಂದು ಆ ಕೆಲಸವನ್ನು ಬಿಟ್ಟು ನಾಟಕ ತಂಡವನ್ನು ಕಟ್ಟಿದ್ದೇನೆ ಎಂದು ದೇವದಾಸ್ ಕಾಪಿಕಾಡ್ ಹೇಳುತ್ತಾರೆ.

ಸಿನಿಮಾದ ಜೊತೆಗೆ ನಾಟಕದಲ್ಲಿ ಆಸಕ್ತಿ!

ದೇವದಾಸ್ ಅವರು ರಂಗಭೂಮಿಯನ್ನು ಸೇರಿ ಸುಮಾರು 34 ವರುಷಗಳೇ ಸಂದಿದೆ. ದೇವದಾಸ್ ಕಾಪಿಕಾಡ್ ತಾವೇ ಸ್ವತಃ ನಾಟಕಗಳನ್ನು ರಚಿಸುತ್ತಿದ್ದರು. ಹಾಗೆಯೇ ಸಿನಿಮಾಗಳ ಸ್ಕ್ರಿಪ್ಟ್‌ಗಳನ್ನು ಬರೆಯುತ್ತಿದ್ದರು ಇವರ ತಂಡ ಇವರಿಗೆ ಸಪೋರ್ಟ್ ಮಾಡುತ್ತಿದ್ದರು. ಇದರಿಂದ ದಾವದಾಸ್ ಕಾಪಿಕಾಡ್ ಅವರು ಉತ್ತುಂಗಕ್ಕೆ ಏರಲು ಸಾಧ್ಯವಾಯಿತು.

ನಟನೆ ಜೊತೆಗೆ ನಿರ್ದೇಶನಕ್ಕೂ ಸೈ!

ಕಲಾವಿದ ಆದವನು ತನ್ನನ್ನು ತಾನು ತಿದ್ದಿಕೊಂಡಿರಬೇಕು. ಎಲ್ಲಾ ಕಲಾವಿದರನು ನೋಡಿ ಕಲಿಯಬೇಕು ಎಂದು ದೇವದಾಸ್ ಹೇಳುತ್ತಾರೆ. 'ಬಲೆ ಚಾ ಪರ್ಕ' ನಾಟಕ ತಂಡವನ್ನು ಕಟ್ಟಿಕೊಂಡಿದ್ದಾರೆ. ದೇವದಾಸ್ ಅವರ ಮಗನಾದ ಅರ್ಜುನ್ ಕಾಪಿಕಾಡ್ ಕೂಡ ಕೋಸ್ಟಲ್‌ವುಡ್‌ಗೆ ಪರಿಚಯ ಮಾಡಿಕೊಟ್ಟಿದ್ದಾರೆ.