ನಟ ರಘುವೀರ್‌ ಪತ್ನಿ-ಮಗಳು ಎಲ್ಲಿದ್ದಾರೆ? ಏನ್ ಮಾಡ್ತಿದ್ದಾರೆ?

ರಘುವೀರ್ ಬದುಕಿನಲ್ಲಿ ಗೌರಿ ಪ್ರವೇಶ

'ಶೃಂಗಾರ ಕಾವ್ಯ' ಸಿನಿಮಾ ನಟಿ ಸಿಂಧು ಅವರನ್ನು ಪ್ರೀತಿಸಿ ರಘುವೀರ್ ವಿವಾಹವಾದರು. 1992 ನವೆಂಬರ್ 15 ರಂದು ಈ ಮದುವೆ ನಡೆದಿತ್ತು. ಇವರಿಬ್ಬರಿಗೆ ಒಂದು ಹೆಣ್ಣು ಮಗು ಸಹ ಜನಿಸಿತು. ಆರೋಗ್ಯ ಸಮಸ್ಯೆಗೆ ತುತ್ತಾದ ನಟಿ ನಟಿ ಸಿಂಧು 2003ರಲ್ಲಿ ವಿಧಿವಶರಾದರು. ಅದಾದ ಬಳಿಕ ಒಬ್ಬಂಟಿಯಾಗಿದ್ದ ರಘುವೀರ್ ಬದುಕಿನಲ್ಲಿ ಗೌರಿ ಪ್ರವೇಶ ಆಯಿತು.

ಸೋದರತ್ತೆ ಮಗಳ ಜೊತೆ ರಘುವೀರ್ ಕಲ್ಯಾಣ

ಸಂಬಂಧದಲ್ಲಿ ಸೋದರತ್ತೆ ಮಗಳಾಗಿದ್ದ ಗೌರಿ ಅವರನ್ನು ರಘುವೀರ್ ಅವರು ಎರಡನೇ ವಿವಾಹವಾದರು. ಚಿಕ್ಕ ವಯಸ್ಸಿನಲ್ಲಿಯೇ ಇಬ್ಬರಿಗೂ ಮದುವೆ ಮಾಡಬೇಕೆಂದು ಮನೆಯವರು ಆಸೆ ಪಟ್ಟಿದ್ದರು. ಆದರೆ, ಚಿತ್ರರಂಗ ಪ್ರವೇಶಿಸಿದ್ದ ರಘುವೀರ್ ಬದುಕಿನಲ್ಲಿ 'ಸಿಂಧು' ಆಗಮನವಾಗಿತ್ತು. ಎರಡನೇ ಅವಕಾಶದಲ್ಲಿ ರಘುವೀರ್ ಅವರು ಗೌರಿ ಕೈ ಹಿಡಿದರು. ಗೌರಿ ಮತ್ತು ರಘುವೀರ್ ದಂಪತಿಗೆ ಮೋಕ್ಷಾ ಎಂಬ ಹೆಣ್ಣು ಮಗಳಿದ್ದಾರೆ.

ನಟ ರಘುವೀರ್ ಬಾಳಿಗೆ ಮುಳ್ಳಾದವರು ಯಾರು?

ಬಿಟಿಎಂ ಲೇಔಟ್‌ನಲ್ಲಿ ಗೌರಿ-ಮೋಕ್ಷಾ ರಘುವೀರ್

ರಘುವೀರ್ ಅವರ ಎರಡನೇ ಮಗಳು ಮೋಕ್ಷಾ ಈಗ ತಾಯಿಯ ಜೊತೆ ಬೆಂಗಳೂರಿನ ಬಿಟಿಎಂ ಲೇಔಟ್‌ನಲ್ಲಿ ಇದ್ದಾರೆ. ಮೋಕ್ಷಾ ಈಗ ಎಸ್‌ಎಸ್‌ಎಲ್‌ಸಿ ಪರೀಕ್ಷೆ ಬರೆದಿದ್ದು, ಫಲಿತಾಂಶಕ್ಕಾಗಿ ಕಾಯುತ್ತಿದ್ದಾರೆ. ಇತ್ತೀಚಿಗಷ್ಟೆ ನಿರ್ದೇಶಕ ರಘುರಾಮ್ ಅವರು ಗೌರಿ ರಘುವೀರ್ ಮತ್ತು ಮೋಕ್ಷಾ ಅವರೊಂದಿಗೆ ದೂರವಾಣಿಯಲ್ಲಿ ಮಾತನಾಡಿದ್ದರು. ಆ ಆಡಿಯೋ ಕ್ಲಿಪ್‌ನ್ನು ತಮ್ಮ ಯೂಟ್ಯೂಬ್ ವಾಹಿನಿಯಲ್ಲಿ ಹಂಚಿಕೊಂಡಿದ್ದಾರೆ.

Bigg Boss ಮನೆಯಿಂದ ಬಂದ ತಕ್ಷಣ Shubha Poonja ಮಾಡ್ತಿರೋ ಕೆಲಸ ನೋಡಿ | Filmibeat Kannada

ಸಿಂಧು-ರಘುವೀರ್ ಮಗಳು

ಈ ಮೊದಲೇ ಹೇಳಿದಂತೆ ರಘುವೀರ್ ಮತ್ತು ಸಿಂಧು ದಂಪತಿಗೂ ಒಬ್ಬ ಹೆಣ್ಣು ಮಗಳಿದ್ದರು. ಸದ್ಯದ ಮಾಹಿತಿ ಪ್ರಕಾರ, ಅವರು ಚೆನ್ನೈನಲ್ಲಿ ಸಿಂಧು ಅವರ ತಂದೆ-ತಾಯಿ ಕುಟುಂಬದವರ ಜೊತೆ ಇದ್ದಾರೆ. ಸಿಂಧು-ರಘುವೀರ್ ಮಗಳ ಫೋಟೋವೊಂದು ಲಭ್ಯವಾಗಿದ್ದು, ಹೆಚ್ಚಿನ ಮಾಹಿತಿ ಇಲ್ಲ.