ಪ್ರಶಸ್ತಿಗಳ ಬಗ್ಗೆ ಅಮೀರ್ ಖಾನ್ ಬೇಸರಗೊಳ್ಳಲು ಈ ಘಟನೆಯೇ ಕಾರಣ!

1996ರಲ್ಲಿ ನಡೆದ ಆ ಘಟನೆ

1996ರಲ್ಲಿ ಅಮೀರ್ ಖಾನ್ 'ರಂಗೀಲಾ' ಸಿನಿಮಾದ ನಟನೆಗಾಗಿ ಫಿಲ್ಮ್ ಫೇರ್ ಪ್ರಶಸ್ತಿಗೆ ನಾಮಿನೇಟ್ ಆಗಿದ್ದರು. ತಮ್ಮ ಕೆಲಸಕ್ಕೆ ಪ್ರಶಸ್ತಿ ಬರುತ್ತದೆ ಎನ್ನುವ ನಂಬಿಕೆಯಲ್ಲಿ ಇದ್ದರು. ಆದರೆ, ಆ ವರ್ಷ ಶಾರೂಖ್ ಖಾನ್ ಪ್ರಶಸ್ತಿ ಪಡೆದರು. 'ಡಿ ಡಿ ಎಲ್ ಜೆ' ಸಿನಿಮಾ ದೊಡ್ಡ ಹಿಟ್ ಎಂಬ ಕಾರಣಕ್ಕೆ ಶಾರೂಖ್ ಖಾನ್ ರಿಗೆ ಅವಾರ್ಡ್ ನೀಡಲಾಯಿತು.

ಅಂದಿನಿಂದ ಬೇಸರಗೊಂಡ ಅಮೀರ್

'ರಂಗೀಲಾ' ಸಿನಿಮಾದ ತಮ್ಮ ನಟನೆಗೆ ಪ್ರಶಸ್ತಿ ಬರುತ್ತದೆ ಎನ್ನುವ ನಂಬಿಕೆ ಹೊಂದಿದ್ದ ಅಮೀರ್ ಗೆ ನಿರಾಸೆ ಆಯ್ತು. ಪ್ರಶಸ್ತಿ ಪ್ರಧಾನ ಕಾರ್ಯಕ್ರಮಗಳಲ್ಲಿ ನಡೆಯುವ ಪಕ್ಷಪಾತ ಅವರ ಅರಿವಿಗೆ ಬಂತು. ನಂತರ ಯಾವುದೇ ಪ್ರಶಸ್ತಿ ಪ್ರಧಾನ ಕಾರ್ಯಕ್ರಮಕ್ಕೆ ಹೋಗದಿರಲು ನಿರ್ಧಾರ ಮಾಡಿದರು. ರಾಷ್ಟ್ರ ಪ್ರಶಸ್ತಿ ಹಾಗೂ ಆಸ್ಕರ್ ಪ್ರಶಸ್ತಿ ಬಗ್ಗೆ ಮಾತ್ರ ಭರವಸೆ ಇಟ್ಟುಕೊಂಡರು.

ನಂಬಿಕೆ ಇಲ್ಲ, ಅದಕ್ಕೆ ಹೋಗುವುದಿಲ್ಲ

ಈ ಹಿಂದೆ ಒಂದು ಸಂದರ್ಶನದಲ್ಲಿ ಪ್ರಶಸ್ತಿಗಳ ಬಗ್ಗೆ ಮಾತನಾಡಿದ್ದ ಅಮೀರ್ ಖಾನ್ ''ನಾನು ಪ್ರಶಸ್ತಿ ಕಾರ್ಯಕ್ರಮಗಳನ್ನು ವಿರೋಧ ಮಾಡುವುದಿಲ್ಲ. ಆದರೆ, ನನಗೆ ಪ್ರಶಸ್ತಿ ಕಾರ್ಯಕ್ರಮಗಳ ಮೇಲೆ ನಂಬಿಕೆ ಇಲ್ಲ. ಹೀಗಿರುವಾಗ ಯಾಕೆ ನಾನು ಅಲ್ಲಿಗೆ ಹೋಗಬೇಕು ಎನ್ನುವುದು ಅಷ್ಟೇ ನನ್ನ ಭಾವನೆ''. ಎಂದು ಹೇಳಿದ್ದರು.

ಇದೇ ವಿಷಯ ವಿವಾದಕ್ಕೆ ಕಾರಣ ಆಗಿತ್ತು

ಬಳಿಕ ಪ್ರಶಸ್ತಿಗಳ ಮೇಲಿನ ಇನ್ನಷ್ಟು ಆಸಕ್ತಿಯನ್ನು ಅಮೀರ್ ಖಾನ್ ಕಳೆದುಕೊಂಡರು. 2017 ರಲ್ಲಿ 'ದಂಗಲ್' ಸಿನಿಮಾದ ನಟನೆಗಾಗಿ ಅತ್ಯುತ್ತಮ ನಟ ರಾಷ್ಟ್ರ ಪ್ರಶಸ್ತಿ ಅವರಿಗೆ ಘೋಷಣೆ ಆಯ್ತು. ಆದರೆ, ಅದನ್ನು ನಿರಾಕರಿಸಿದ ಕಾರಣ, ಅಕ್ಷಯ್ ಕುಮಾರ್ ರಿಗೆ 'ರುಸ್ತುಂ' ಸಿನಿಮಾಗಾಗಿ ನೀಡಲಾಯಿತು. ಇದು ದೊಡ್ಡ ವಿವಾದಕ್ಕೆ ಕಾರಣ ಆಗಿತ್ತು.

ಪ್ರೇಕ್ಷಕರ ಪ್ರೀತಿಯೇ ದೊಡ್ಡ ಪ್ರಶಸ್ತಿ

ಅಮೀರ್ ಖಾನ್ ಪ್ರಶಸ್ತಿಗಳು ಬೇಸರ ಹೊಂದಿದ್ದು, ಪ್ರೇಕ್ಷಕರ ಪ್ರೀತಿಯೇ ದೊಡ್ಡ ಪ್ರಶಸ್ತಿ ಎಂದು ಹೇಳುತ್ತಾರೆ. ಒಂದು ಸಿನಿಮಾ, ಒಂದು ಪಾತ್ರಕ್ಕಾಗಿ ಅಮೀರ್ ಎಷ್ಟೊಂದು ಶ್ರಮ ಹಾಕುತ್ತಾರೆ. ಆ ಸಿನಿಮಾ ನೋಡಿ ತಮ್ಮ ಕೆಲಸವನ್ನು ಜನ ಮೆಚ್ಚಿದರೆ, ಅದೇ ದೊಡ್ಡ ಪ್ರಶಸ್ತಿ ಎನ್ನುವುದು ಅಮೀರ್ ಅಭಿಪ್ರಾಯ. ಅದೇ ರೀತಿ ಅವರ ಸಾಕಷ್ಟು ಪಾತ್ರಗಳು ಅಭಿಮಾನಿ ಮನಸ್ಸಿನಲ್ಲಿವೆ.

ಅಮೀರ್ ಪಡೆದ ಪ್ರಶಸ್ತಿಗಳು ಸಂಖ್ಯೆ 65

ಅಮೀರ್ ಪ್ರಶಸ್ತಿಗಳ ಬಗ್ಗೆ ಗಮನ ಹರಿಸದೆ ಇದ್ದರೂ, ಅವರಿಗೆ 65 ವಿವಿಧ ಪ್ರಶಸ್ತಿಗಳು ಬಂದಿವೆ. ಪದ್ಮ ಶ್ರೀ, ಪದ್ಮ ಭೂಷಣ, ನಟನೆ, ನಿರ್ದೇಶನ ನಿರ್ಮಾಣಕ್ಕೆ 5 ರಾಷ್ಟ್ರ ಪ್ರಶಸ್ತಿ, 9 ಫಿಲ್ಮ್ ಫೇರ್, 3 ಐಫಾ ಪ್ರಶಸ್ತಿ ಪಡೆದಿದ್ದಾರೆ. ಪ್ರಶಸ್ತಿ ಕಾರ್ಯಕ್ರಮಕ್ಕೆ ಹೋಗದೆ ಇರುವುದು ಎಷ್ಟೋ ಪ್ರಶಸ್ತಿಗಳು ಅವರ ಕೈ ತಪ್ಪಲು ಕಾರಣ ಆಗಿವೆ.