ಕಾರ್ತಿಕ್, ಅರ್ಚನಾ ಗುಪ್ತಾ ನಡುವೆ ಸಮ್‌ಥಿಂಗ್ ಸಮ್‌ಥಿಂಗ್!?

ಸಿನಿಮಾ ಜಗತ್ತಲ್ಲಿ ಪ್ರೀತಿ ಪ್ರೇಮ ಪ್ರಣಯ ವಿಸ್ಮಯಗಳು ಮಾಮೂಲಿ. ದೊಡ್ಡ ಸ್ಟಾರ್ ಒಬ್ಬರ ಮಗನ ಜೊತೆ ಬೆಂಗಾಲಿ ಬೆಡಗಿಯೊಬ್ಬಳು ಮೆರವಣಿಗೆ ಹೊರಟಿದ್ದು ಈಗ ಹಳೇ ಸುದ್ದಿ. ಇಬ್ಬರು ದೊಡ್ಡ ಸ್ಟಾರ್-ಸ್ಟಾರಿಣಿ ಜಸ್ಟ್ ಜಗಳ ಜಗಳ ಯಾಕೆ ಆಡಿಕೊಂಡರು ಎನ್ನುವುದಕ್ಕೆ ಹೆಚ್ಚಿನವರಿಗೆ ಉತ್ತರ ಗೊತ್ತಿದೆ. ನಟಿಸುವಾಗ ಸೆಳೆತ ಮಿಡಿತಗಳು ಮಾಮೂಲಿ.

ಅದೇ ರೀತಿ ಸೆಳೆತಕ್ಕೆ ಒಳಗಾದವರಲ್ಲಿ ಕಾರ್ತಿಕ್ ಮತ್ತು ಅರ್ಚನಾ ಗುಪ್ತಾ ಕೂಡ ಸೇರಿದ್ದಾರೆ ಎನ್ನುವುದು ಸದ್ಯದ ಗಾಸಿಪ್ ಸುದ್ದಿ. ಗಾಂಧಿನಗರದ ಗಲ್ಲಿಯ ಮೂಲೆಯೊಂದರಿಂದ ಈ ಸುದ್ದಿ ಬಂದಿದೆ. ಇದೇ ವಾರ ತೆರೆ ಕಂಡಿರುವ 'ಕಾರ್ತಿಕ್' ಎಂಬ ಚಿತ್ರದ ನಾಯಕನ ಅಸಲೀ ಹೆಸರೇ ಕಾರ್ತಿಕ್. ಈ ಕಾರ್ತಿಕ್ ಶೂಟಿಂಗ್ ಟೈಮಿನಲ್ಲಿ ಅದೇ ಚಿತ್ರದ ನಾಯಕಿ ಅರ್ಚನಾ ಮತ್ತು ಕಾರ್ತಿಕ್ ಮಧ್ಯೆ ಸಮ್‌ಥಿಂಗ್ ಸಮ್‌ಥಿಂಗ್ ಎದ್ದಿದೆಯಂತೇ ಎನ್ನುವುದು ಸದ್ಯದ ಸುರು ಸುರು ಸುದ್ದಿ!

ಅಂದಹಾಗೇ ಪರಭಾಷಾ ನಟಿ ಅರ್ಚನಾ ಅವರನ್ನು ಕನ್ನಡಕ್ಕೆ ಕರೆತಂದು ಬಿಟ್ಟಿದ್ದು ದಯಾಳ್ ಪದ್ಮನಾಭನ್. 'ಸರ್ಕಸ್' ಸಿನಿಮಾ ಮೂಲಕ. ಅದಾದ ನಂತರ ಜಗ್ಗೇಶ್ ಜೊತೆ 'ಲಿಫ್ಟ್ ಕೊಡ್ಲಾ' ಸಿನಿಮಾದಲ್ಲಿ ನಟಿಸಿದ ಅರ್ಚನಾ ಮತ್ತು ಕಾರ್ತಿಕ್ ಬಗ್ಗೆ ಹಬ್ಬಿರುವ ಸುದ್ದಿ ನಿಜವೋ ಸುಳ್ಳೋ ಗೊತ್ತಿಲ್ಲ. ಆದರೆ ಗುಸು ಗುಸು ಅಂತೂ ನಿಜ!