ಕನ್ನಡ ನಿರ್ಮಾಪಕನ ವರಿಸಲಿರುವ ಮಲ್ಲು ಭಾವನಾ

ಮಲಯಾಳಂ ಬೆಡಗಿ ಭಾವನಾಗೆ ಕಂಕಣಭಾಗ್ಯ ಕೂಡಿಬಂದಿದೆ. ಈ ಹಿಂದೆಯೂ ಭಾವನಾ ಮದುವೆ ಬಗ್ಗೆ ಸಾಕಷ್ಟು ಸುದ್ದಿಗಳು ಹರಿದಾಡಿದ್ದವು. ಆಗೆಲ್ಲಾ ಸ್ವತಃ ಅವರೇ ವಿವರಣೆ ಕೊಡುತ್ತಾ, ಸದ್ಯಕ್ಕೆ ತಮ್ಮ ಮದುವೆ ಇಲ್ಲ ಎಂದಿದ್ದರು.

ಸಂದರ್ಶನವೊಂದರಲ್ಲಿ ಮಾತನಾಡುತ್ತಾ ಭಾವನಾ ಇದೇ ವರ್ಷ ಮದುವೆಯಾಗುವುದಾಗಿ ತಿಳಿಸಿದ್ದಾರೆ. ಆದರೆ ಮದುವೆ ಯಾವಾಗ ಎಂಬ ಬಗ್ಗೆ ಪಕ್ಕಾ ಮಾಹಿತಿ ಇಲ್ಲ. ಕನ್ನಡದ ನಿರ್ಮಾಪಕರೊಬ್ಬರನ್ನು ವರಿಸಲಿದ್ದಾರೆ ಎಂಬ ಸುದ್ದಿ ಇದೆ. [ಈ ತಾರೆಗಳು ನಾಪತ್ತೆ; ದೂರು ಕೊಡೋರೇ ಇಲ್ಲ!]

ಭಾವನಾ

ಸದ್ಯಕ್ಕೆ ಭಾವನಾ ಅವರು ಕನ್ನಡದ 'ಮೈತ್ರಿ' ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಸುದೀಪ್ ಜೊತೆಗಿನ 'ಬಚ್ಚನ್' ಚಿತ್ರದ ಬಳಿಕ ಭಾವನಾ ಅಭಿನಯಿಸುತ್ತಿರುವ ಚಿತ್ರ ಇದು. ಟೋಪಿವಾಲ, ಯಾರೇ ಕೂಗಾಡಲಿ, ರೋಮಿಯೋ, ವಿಷ್ಣುವರ್ಧನ ಹಾಗೂ ಜಾಕಿ ಚಿತ್ರಗಳಲ್ಲಿ ಭಾವನಾ ಅಭಿನಯಿಸಿದ್ದಾರೆ.

ಭಾವನಾ ಅವರ ಮೂಲ ಹೆಸರು ಕಾರ್ತಿಕಾ ಮೆನನ್. ಕೇರಳದ ತ್ರಿಶೂರ್ ನಲ್ಲಿ ಹುಟ್ಟಿದ ಭಾವನಾ ಪ್ರತಿಭಾನ್ವಿತ ತಾರೆ. ತನ್ನ ಒಂದು ದಶಕದ ವೃತ್ತಿಬದುಕಿನಲ್ಲಿ ಅರುವತ್ತಕ್ಕೂ ಹೆಚ್ಚು ಚಿತ್ರಗಳಲ್ಲಿ ಅಭಿನಯಿಸಿ ಎರಡು ಭಾರಿ ಕೇರಳ ರಾಜ್ಯ ಪ್ರಶಸ್ತಿಯನ್ನು ಪಡೆದಿದ್ದಾರೆ.