ಪ್ರೇಮ ವಿವಾಹಕ್ಕೆ ಗ್ರೀನ್ ಸಿಗ್ನಲ್ ಕೊಟ್ಟ ಪ್ರಿಯಾಮಣಿ

ನಟಿ ಪ್ರಿಯಾಮಣಿಗೆ ಕಂಕಣಬಲ ಕೂಡಿಬಂದಿದೆ. ಈ ಹಿಂದೆ ಅವರು 'ಕನ್ನಡದ ಕೋಟ್ಯಾಧಿಪತಿ' ಕಾರ್ಯಕ್ರಮದಲ್ಲಿ ಸೆಲೆಬ್ರಿಟಿ ಗೆಸ್ಟ್ ಆಗಿ ಪುನೀತ್ ಜೊತೆ ಹಾಟ್ ಸೀಟ್ ಲ್ಲಿ ಕೂತಿದ್ದರು. ಆಗ ತಾನು ಮದುವೆಯಾಗುವ ಗಂಡಿನ ಡೀಟೇಲ್ಸ್ ಕೊಟ್ಟಿದ್ದರು. ಇದೀಗ ಅವರಿಗೆ ಸೂಕ್ತ ವರ ಸಿಕ್ಕಿದ್ದಾನೆ ಅನ್ನಿಸುತ್ತದೆ.

ತಾನು ಮದುವೆಯಾಗುವ ಹುಡುಗ ಅಭಿಷೇಕ್ ಬಚ್ಚನ್ ಹಾಗೆ ಉದ್ದವಿರಬೇಕು. ತಮಿಳು ನಟ ಸೂರ್ಯನ ಹಾಗೆ ಮೈಕಟ್ಟು ಹೊಂದಿರಬೇಕು, ತೆಲುಗು ನಟ ನಾಗಾರ್ಜುನ ಹಾಗೆ ವಾಕಿಂಗ್ ಸ್ಟೈಲ್ ಇರಬೇಕು ಮತ್ತು ನಮ್ಮ ಪುನೀತ್ ರಾಜಕುಮಾರ್ ಹಾಗೆ ಒಳ್ಳೆ ಮನಸ್ಸು ಹೊಂದಿರಬೇಕು ಎಂದಿದ್ದರು.

ಪ್ರಿಯಾಮಣಿ

ಮುಂದುವರಿದ ಪ್ರಿಯಾಮಣಿ, "ಮದುವೆ ಎಂಬುದು ಜೀವನದಲ್ಲಿ ಮಹತ್ವದ ಘಟ್ಟ. ಅಷ್ಟು ಸುಲಭವಾಗಿ ತೆಗೆದುಕೊಳ್ಳುವ ನಿರ್ಧಾರ ಅದಲ್ಲ. ಸೂಕ್ತವಾದ ವ್ಯಕ್ತಿಯನ್ನು ಆಯ್ಕೆ ಮಾಡಿಕೊಳ್ಳದಿದ್ದರೆ ಜೀವನ ಪರ್ಯಂತ ಬಾಧೆ ಪಡಬೇಕಾಗುತ್ತದೆ" ಎಂದು ಪ್ರಿಯಾಮಣಿ ಪ್ರಿಯವಾಗಿ ಹೇಳಿದ್ದಾರೆ.

ಸದ್ಯಕ್ಕೆ 'ಅಂಬರೀಶ' ಚಿತ್ರಕ್ಕೆ ಅಂಕಿತ ಹಾಕಿರುವ ಪ್ರಿಯಾಮಣಿ ಹೃದಯದಲ್ಲಿ ಈಗಾಗಲೆ ತನ್ನ ಕೈಹಿಡಿಯುವ ಹುಡುಗನಿಗೆ ಜಾಗ ಕೊಟ್ಟಿದ್ದಾರಾ ಅಥವಾ ಅದು ಇನ್ನೂ ಖಾಲಿಯಾಗಿದೆಯೇ ಎಂಬುದನ್ನು ಮಾತ್ರ ಅವರು ಹೇಳಿಲ್ಲ. ಶೀಘ್ರಮೇವ ಕಲ್ಯಾಣ ಪ್ರಾಪ್ತಿ ರಸ್ತು. (ಏಜೆನ್ಸೀಸ್)