ಮುಂಬೈನಲ್ಲಿ ಐಶಾರಾಮಿ ಮನೆ ಖರೀದಿಸಲಿರುವ ಸಮಂತಾ: ಬೆಲೆ ಎಷ್ಟು?

ಮುಂಬೈನಲ್ಲಿ ಮನೆ ಖರೀದಿಸಲಿರುವ ಸಮಂತಾ

ಬಾಲಿವುಡ್ ಸಿನಿಮಾ ಅವಕಾಶಗಳು ಇತ್ತೀಚೆಗೆ ಹೆಚ್ಚಾಗಿ ಬರುತ್ತಿರುವ ಕಾರಣ ನಟಿ ಸಮಂತಾ ಮುಂಬೈನಲ್ಲಿ ಮನೆಯೊಂದನ್ನು ಖರೀದಿ ಮಾಡಿದ್ದಾರೆ. ಬಹಳ ದೊಡ್ಡ ಐಶಾರಾಮಿ ಮನೆ ಅಲ್ಲದಿದ್ದರೂ ವಿಮಾನ ನಿಲ್ದಾಣಕ್ಕೆ ಹಾಗೂ ಕೆಲವು ಸ್ಟುಡಿಯೋಗಳಿಗೆ ಹತ್ತಿರವಿರುವ ಏರಿಯಾದಲ್ಲಿ ಮನೆ ಖರೀದಿಸಲು ಮುಂದಾಗಿದ್ದಾರಂತೆ ಸಮಂತಾ.

ಇತರೆ ಕೆಲವು ನಟ-ನಟಿಯರಂತೆ ಸೀ ಫೇಸ್ ಇನ್ನಿತರೆಗಳು ತೀರ ಐಶಾರಾಮಿ ಸೌಕರ್ಯಗಳು ಇಲ್ಲವಾದರೂ, ಜಿಮ್, ಪಾರ್ಕಿಂಗ್, ಕಚೇರಿ ಇನ್ನೂ ಕೆಲವು ಸರಳ ಆದರೆ ಅವಶ್ಯಕವಾದ ಸೌಕರ್ಯಗಳು ಇವೆ.

ಮುರಳಿ ಮೋಹನ್ ಬಳಿ ಮನೆ ಖರೀದಿ

ಇತ್ತೀಚೆಗೆ ಸಮಂತಾ ಒಂದು ಮನೆಯನ್ನು ಬಾರಿ ಮೊತ್ತ ಕೊಟ್ಟು ಖರೀದಿ ಮಾಡಿದ್ದಾರೆ. ಇದು ಸಮಂತಾ ಬದುಕಿಗೆ ತೀರಾ ಹತ್ತಿರವೆನಿಸಿದ ಮನೆ. ನಾಗಚೈತನ್ಯರನ್ನು ವಿವಾಹವಾದ ಬಳಿಕ ಸಮಂತಾ ಅದೇ ಮನೆಯಲ್ಲಿ ವಾಸವಿದ್ದರು. ಅದೇ ಮನೆಯನ್ನು ಈ ಬಾರೀ ಮೊತ್ತ ಕೊಟ್ಟು ಖರೀದಿಸಿದ್ದಾರೆ. ತೆಲುಗು ಚಿತ್ರರಂಗದ ಹಿರಿಯ ನಟ ಮುರಳಿ ಮೋಹನ್ ಈ ಬಗ್ಗೆ ಮಾಹಿತಿ ನೀಡಿದ್ದು, ಅದೇ ವಿಡಿಯೋ ಈಗ ವೈರಲ್ ಆಗಿದೆ.

ನಾಗಚೈತನ್ಯ ನೆನಪಿಗಾಗಿ ಮನೆ ಖರೀದಿ?

ನಾಗಚೈತನ್ಯ ಜೊತೆಗಿದ್ದ ಮನೆಯನ್ನು ಸಮಂತಾ ಒಬ್ಬರೇ 100 ಕೋಟಿ ರೂ. ಕೊಟ್ಟು ಖರೀದಿ ಮಾಡಿದ್ದಾರೆ. ಅಲ್ಲದೆ ಎಕ್ಸ್‌ಟ್ರಾ ಫ್ರಾಫಿಟ್ ಕೊಟ್ಟು ಖರೀದಿಸಿದ್ದಾರೆ ಎಂದು ಹಿರಿಯ ನಟ ಮುರಳಿ ಮೋಹನ್ ರಿವೀಲ್ ಮಾಡಿದ್ದಾರೆ. ಇದೇ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಚರ್ಚೆ ಮಾಡುತ್ತಿದೆ. ಸಮಂತಾ ಅಷ್ಟೊಂದು ಹಣವನ್ನು ಕೊಟ್ಟು ಅದೇ ಮನೆಯನ್ನು ಖರೀದಿ ಮಾಡಿದ್ದು ಯಾಕೆ? ಇದು ನಾಗಚೈತನ್ಯ ನೆನಪಿಗಾಗಿನಾ? ಅಥವಾ ದ್ವೇಷಕ್ಕಾಗಿನಾ? ಗೊತ್ತಿಲ್ಲ.

ಹಿಂದಿ-ಇಂಗ್ಲೀಷ್ ಸಿನಿಮಾದಲ್ಲಿ ನಟಿಸಲಿದ್ದಾರೆ

ನಟಿ ಸಮಂತಾ ಹಲವು ಸಿನಿಮಾಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ತೆಲುಗಿನಲ್ಲಿ 'ಶಾಕುಂತಲಂ' ಸಿನಿಮಾ ತೆರೆಗೆ ಬರಲಿದೆ. ಅದರ ಬಳಿಕ ವಿಜಯ್ ದೇವರಕೊಂಡ ಜೊತೆ ನಟಿಸಿರುವ 'ಖುಷಿ' ಸಿನಿಮಾ ತೆರೆಗೆ ಬರಲಿದೆ. ಈ ನಡುವೆ ಬಾಲಿವುಡ್‌ನ ಹೊಸ ಸಿನಿಮಾದಲ್ಲಿ ಸಮಂತಾ ನಟಿಸುತ್ತಿದ್ದಾರೆ. ಆ ಬಳಿಕ ತಾಪ್ಸಿ ಪನ್ನು ನಿರ್ಮಾಣದ ಮತ್ತೊಂದು ತಮಿಳು ಸಿನಿಮಾದಲ್ಲಿ ನಟಿಸಲಿದ್ದಾರೆ. ಜೊತೆಗೆ 'ದಿ ಅರೇಂಜ್‌ಮೆಂಟ್ಸ್ ಆಫ್ ಲವ್' ಹೆಸರಿನ ಇಂಗ್ಲೀಷ್‌ ಸಿನಿಮಾದಲ್ಲಿ ನಟಿಸಲಿದ್ದಾರೆ.