ಹಸಿಬಿಸಿ ಚುಂಬನ ದೃಶ್ಯದಲ್ಲಿ ಸಿಕ್ಕಿಬಿದ್ದ ಅನಿರುದ್ಧ್

| Updated: Thursday, August 23, 2012, 14:22 [IST]

ಸ್ವಲ್ಪ ಕಾಲದ ಹಿಂದೆ ದೇಶಾದ್ಯಂತ ಮನೆಮಾತಾಗಿದ್ದ 'ಕೊಲವೆರಿ ಡಿ...' ಹಾಡಿನ ಸಂಗೀತ ನಿರ್ದೇಶಕ ಅನಿರುದ್ಧ್ ರವಿಚಂದರ್ ಈಗ ಮತ್ತೊಮ್ಮೆ ಸುದ್ದಿಯಾಗಿದ್ದಾರೆ. ಬಹುಶಃ ಅದಕ್ಕಿಂತ ಚೆನ್ನಾಗಿರುವ ಇನ್ನೊಂದು ಹಾಡು ಮಾಡಿರಬೇಕು ಎಂದು ನೀವಂದುಕೊಂಡಿದ್ದರೆ ನಿಮ್ಮ ಎಣಿಕೆ ತಪ್ಪು. ಅವರೀಗ ಸುದ್ದಿಯಾಗಿದ್ದು 'ಹಾಟ್ ಕಿಸ್ ಫೋಟೋ ಲೀಕ್' ಆಗಿದ್ದರಿಂದ. ಆಂಡ್ರಿಯಾ ಹಾಗೂ ಅನಿರುದ್ಧ್ ಖಾಸಗಿ ಕ್ಷಣದ ಚುಂಬನದ ಫೋಟೋವೀಗ ಅಂತರ್ಜಾಲದಲ್ಲಿ ಹರಿದಾಡುತ್ತಿದೆ.

ನಟಿ ಹಾಗೂ ಗಾಯಕಿ ಆಂಡ್ರಿಯಾ ಜೆರೆಮಿಯಾ ಹಾಗೂ ಅನಿರುದ್ಧ ರವಿಚಂದರ್ ಮಧ್ಯೆ ಲವ್ ಶುರುವಾಗಿದೆ. ಆದರೆ ಅದನ್ನು ಇಬ್ಬರೂ ಒಪ್ಪಿಕೊಳ್ಳಲು ತಯಾರಿಲ್ಲ. ಬದಲಿಗೆ ತಮ್ಮ ನಡುವಿನ ಸಂಬಂಧವನ್ನು ಮಾಧ್ಯಮದೆದುರು ಈ ಇಬ್ಬರೂ ಅಲ್ಲಗಳೆದಿದ್ದರು. ಆದರೀಗ ಅವರಿಬ್ಬರೂ ಖಾಸಗಿ ಕ್ಷಣದಲಲ್ಲಿದ್ದ 'ಲಿಪ್ ಲಾಕ್' ಫೋಟೋ ಅಂತರ್ಜಾಲದ ತುಂಬಾ ಹರಿದಾಡಿ ಅಲ್ಲೋಲಕಲ್ಲೋಲ ಸೃಷ್ಟಿಸಿದೆ. ಖಾಸಗಿ ಕ್ಷಣದಲ್ಲಿ ಮೈಮರೆತಿದ್ದು ಸಾರ್ವಜನಿಕ ಸುದ್ದಿಯಾಗಿದೆ.

ಆಂಡ್ರಿಯಾ ಜೆರೆಮಿಯಾ

ಯಾರೋ ಕಿಡಿಗೇಡಿಗಳು ಕ್ಲಿಕ್ಕಿಸಿದ ಲಿಪ್ ಲಾಕ್ ಫೋಟೋ ಅವರಿಬ್ಬರ ರಹಸ್ಯ ಸಂಬಂಧಕ್ಕೆ ಸಾಕ್ಷಿಯಾಗಿ ಹರಿದಾಡುತ್ತಿದೆ. ಈ ಫೋಟೋಗಳೀಗ ಇಂಟರ್ನೆಟ್ ನಲ್ಲಿ ಯಾವ ಪರಿ ಓಡಾಡುತ್ತಿದೆ ಎಂದರೆ ಅನಿರುದ್ಧರ ಕೊಲವೆರಿ ಹಾಡಿಗಿಂತ ಈ ಫೋಟೋಗಳೇ ಹೆಚ್ಚು ಕ್ಲಿಕ್ಕಾಗುವ ವಾತಾವರಣ ನಿರ್ಮಾಣವಾಗಿದೆ. 'ಏನಿಲ್ಲ ಏನಿಲ್ಲ... ನಮ್ಮ ನಡುವೆ ಏನಿಲ್ಲ..." ಎಂದು ಈ ಮೊದಲು ಹೇಳುತ್ತಿದ್ದ ಈ ಇಬ್ಬರೂ ಈಗ ಅದೇನು ಹೇಳುತ್ತಾರೋ?

ಅದೇನೇ ಇರಲಿ, ಸಂಗೀತ ನಿರ್ದೇಶಕ ಅನಿರುದ್ಧ ಮತ್ತು ಆಂಡ್ರಿಯಾ ಜೊತೆಯಾಗಿ ಕೆಲಸ ಮಾಡಿರುವ ಕಮಲಹಾಸನ್ ನಾಯಕತ್ವದ 'ವಿಶ್ವರೂಪಂ' ಚಿತ್ರ ಬಿಡುಗಡೆಗೆ ಸಿದ್ಧವಾಗಿದೆ. ಇದೇ ವೇಳೆ ಈ ಜೋಡಿಯ ಖಾಸಗಿ ಕ್ಷಣ ಅಂತರ್ಜಾಲದಲ್ಲಿ ಕಿಡಿಗೇಡಿಗಳ ಕೈಗೆ ಸಿಕ್ಕು ಪ್ರಪಂಚ ಪರ್ಯಟನೆ ಕೈಗೊಂಡಿದೆ. ಈ ಮೊದಲು ನಯನತಾರಾ ಹಾಗೂ ಸಿಂಬು ನಡುವಿನ 'ಗುಪ್ತ್ ಸಂಬಂಧ' ಇದೇ ರೀತಿ ಸಾಮಾಜಿಕ ತಾಣಗಳಲ್ಲಿ ಹರಾಜಾಗಿತ್ತು. ಈಗ ಅನಿರುದ್ಧ್ ಹಾಗೂ ಆಂಡ್ರಿಯಾ ಸರದಿ. (ಏಜೆನ್ಸೀಸ್)