ಆಸ್ಪತ್ರೆಯಲ್ಲಿ ವಿರಾಟ್ ಕೊಹ್ಲಿ ಜೊತೆ ಅನುಷ್ಕಾ ಶರ್ಮಾ

ಬಾಲಿವುಡ್ ನಲ್ಲಿ ಈ ಜೋಡಿಯ ಬಗ್ಗೆ ಈಗಾಗಲೆ ಸಾಕಷ್ಟು ಸುದ್ದಿಗಳು ಹರಿದಾಡುತ್ತಿವೆ. ಇಬ್ಬರೂ ಈಗಾಗಲೆ ನಿಶ್ಚಿತಾರ್ಥಕ್ಕೆ ರೆಡಿಯಾಗಿದ್ದಾರೆ ಎಂಬ ಸುದ್ದಿಯೂ ಚಾಲ್ತಿಯಲ್ಲಿದೆ. ತಮ್ಮ ಮದುವೆ ಬಗ್ಗೆ ಪ್ರಸ್ತಾಪಿಸಲು ಪೋಷಕರನ್ನು ಶೀಘ್ರದಲ್ಲೇ ಭೇಟಿಯಾಗಲಿದ್ದಾರೆ ಎಂಬುದು ಇನ್ನೊಂದು ಕಥೆ.

ಈ ರೀತಿಯ ಸುದ್ದಿಗಳ ನಡುವೆಯೇ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಂಡು ಇನ್ನೊಂದಿಷ್ಟು ಸುದ್ದಿಗೆ ಆಹಾರವಾಗಿದ್ದಾರೆ. ಮುಂಬೈನ ಅಂಧೇರಿಯ ಕೋಕಿಲಾ ಧೀರೂಭಾಯ್ ಅಂಬಾನಿ ಆಸ್ಪತ್ರೆಯಲ್ಲಿ ಇಬ್ಬರೂ ಜೊತೆಜೊತೆಯಾಗಿ ಪ್ರತ್ಯಕ್ಷವಾಗಿದ್ದಾರೆ. [ಅನುಷ್ಕಾ-ಕೊಹ್ಲಿ ಲವ್ ಸ್ಟೋರಿಯಲ್ಲಿ ಹೊಸ ಟ್ವಿಸ್ಟ್]

ಇಷ್ಟಕ್ಕೂ ಇಬ್ಬರೂ ಯಾಕೆ ಆಸ್ಪತ್ರೆಗೆ ಹೋಗಿದ್ದರು ಎಂಬುದು ಮಾತ್ರ ಗುಟ್ಟಾಗಿ ಉಳಿದಿದೆ. ಅಯ್ಯೋ ಬಿಡ್ರಿ ಇವರಿಬ್ಬರೂ ಒಟ್ಟಿಗೆ ಮನೆಯಲ್ಲೇ ಈ ಹಿಂದೆ ಪ್ರತ್ಯಕ್ಷವಾಗಿದ್ದರು. ಈಗ ಆಸ್ಪತ್ರೆಯಲ್ಲಿ ಕಾಣಿಸಿಕೊಂಡಿರುವುದರಲ್ಲಿ ವಿಶೇಷ ಏನು ಎನ್ನುತ್ತಿದ್ದಾರೆ.