ಹೊಸವರ್ಷಕ್ಕೆ ಕೃತಿಗೆ ಪ್ರಭಾಸ್ ಪ್ರಪೋಸ್? ರೊಮ್ಯಾಂಟಿಕ್ ಪ್ಲೇಸ್‌ನಲ್ಲಿ ಜೋಡಿ ನ್ಯೂ ಇಯರ್ ಸೆಲೆಬ್ರೇಷನ್!

ಹೊಸ ವರ್ಷಕ್ಕೆ ಪ್ರಭಾಸ್ ಪ್ರಪೋಸ್

2022ಕ್ಕೆ ಬೈ ಬೈ ಹೇಳಿ ಹೊಸ ವರ್ಷವನ್ನು ಸ್ವಾಗತಿಸಲು ಇಡೀ ಜಗತ್ತು ಸಿದ್ಧವಾಗಿದೆ. ಹೊಸವರ್ಷದ ಸಂಭ್ರಮದಲ್ಲೇ ಪ್ರಭಾಸ್ ನಟಿ ಕೃತಿ ಸನೂನ್‌ಗೆ ಪ್ರಪೋಸ್ ಮಾಡ್ತಾರೆ ಎಂದು ಉಮೈರ್ ಸಂಧು ಟ್ವೀಟ್ ಮಾಡಿದ್ದಾರೆ. ಓವರ್‌ಸೀಸ್ ಸೆನ್ಸಾರ್ ಬೋರ್ಡ್ ಸದಸ್ಯ ಎಂದು ಹೇಳಿಕೊಳ್ಳುವ ಉಮೈರ್ ಸಂಧು ಮಾಡಿರುವ ಈ ಟ್ವೀಟ್ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಪ್ರಭಾಸ್ ಅಭಿಮಾನಿಗಳ ಆಕ್ರೋಶಕ್ಕೂ ಕಾರಣವಾಗಿದೆ. ಇದೆಲ್ಲಾ ಬರೀ ಗಾಸಿಪ್, ಯಾರು ನಂಬಬೇಡಿ ಎನ್ನುತ್ತಿದ್ದಾರೆ.

ಮಾಲ್ಡೀವ್ಸ್‌ನಲ್ಲಿ ಹೊಸ ವರ್ಷಾಚರಣೆ

ಬರೀ ಪ್ರಭಾಸ್ ಪ್ರಪೋಸ್ ಮಾಡ್ತಾರೆ ಅಂತ ಅಷ್ಟೇ ಉಮೈರ್ ಸಂಧು ಟ್ವೀಟ್ ಮಾಡಿಲ್ಲ. ಜೋಡಿ ಮಾಲ್ಡೀವ್ಸ್‌ನಲ್ಲಿ ಹೊಸ ವರ್ಷವನ್ನು ಸ್ವಾಗತಿಸಲಿದ್ದಾರೆ ಎಂದು ಮತ್ತೊಂದು ಟ್ವೀಟ್ ಮಾಡಿದ್ದಾರೆ. ರೊಮ್ಯಾಂಟಿಕ್‌ ಪ್ಲೇಸ್‌ನಲ್ಲಿ ಕೃತಿಗೆ ಪ್ರಪೋಸ್ ಮಾಡಿ ಜೋಡಿ ಹೊಸ ವರ್ಷವನ್ನು ಅಲ್ಲೇ ಸ್ವಾಗತಿಸಲಿದೆ ಎಂದು ಬರೆದುಕೊಂಡಿದ್ದಾರೆ. ಈ ಎರಡು ಟ್ವೀಟ್‌ಗಳು ಈಗ ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ. ಯಾವುದೇ ದೊಡ್ಡ ಸಿನಿಮಾ ರಿಲೀಸ್‌ಗೂ ಮುನ್ನ ಫಸ್ಟ್ ರಿವ್ಯೂ ಎಂದು ಹೇಳಿ ಉಮೈರ್ ಸಂಧು ಟ್ವೀಟ್ ಮಾಡುತ್ತಿರುತ್ತಾರೆ. ಆದರೆ ಇದನ್ನು ಕೆಲವರು ಗಂಭೀರವಾಗಿ ಪರಿಗಣಿಸುವುದಿಲ್ಲ.

ಮದುವೆ ಬಗ್ಗೆ ಪ್ರಭಾಸ್ ಮಾತು

ವಯಸ್ಸು 40 ದಾಟಿದ್ರು ಪ್ರಭಾಸ್ ಮದುವೆ ಬಗ್ಗೆ ಆಲೋಚಿಸಿದಂತೆ ಕಾಣಿಸುತ್ತಿಲ್ಲ. ಅಭಿಮಾನಿಗಳು ಕೂಡ ಈ ಪ್ರಶ್ನೆ ಕೇಳಿ ಕೇಳಿ ಸುಸ್ತಾಗಿದ್ದಾರೆ. ಯಾವುದೇ ಸಂದರ್ಶನ ಆದರೂ ಡಾರ್ಲಿಂಗ್‌ಗೆ ಈ ಪ್ರಶ್ನೆ ಎದುರಾಗುತ್ತದೆ. ಇತ್ತೀಚೆಗೆ 'ಅನ್‌ಸ್ಟಾಪಬಲ್- 2' ಶೋನಲ್ಲಿ ಪ್ರಭಾಸ್ ಭಾಗವಹಿಸಿದ್ದರು. ನಟ ಬಾಲಕೃಷ್ಣ ನಡೆಸಿಕೊಡುವ ಓಟಿಟಿ ಶೋ ಸಿಕ್ಕಾಪಟ್ಟೆ ಜನಪ್ರಿಯವಾಗಿದೆ. ಈ ಕಾರ್ಯಕ್ರಮದಲ್ಲೂ ಬಾಲಯ್ಯ ಮದುವೆ ಪ್ರಶ್ನೆಯನ್ನು ಪ್ರಭಾಸ್ ಮುಂದೆ ಇಟ್ಟಿದ್ದರು. "ಸಲ್ಮಾನ್ ಖಾನ್ ಮದುವೆ ಆದಮೇಲೆ ನನ್ನ ಮದುವೆ" ಎಂದು ಹೇಳಿ ಮೋಸ್ಟ್ ಎಲಿಜಬಲ್ ಬ್ಯಾಚುಲರ್ ಜಾರಿಕೊಂಡಿದ್ದರು.

4 ಸಿನಿಮಾಗಳಲ್ಲಿ ಪ್ರಭಾಸ್ ನಟನೆ

ಇನ್ನು ಸಿನಿಮಾಗಳ ವಿಚಾರಕ್ಕೆ ಬಂದರೆ ಪ್ರಭಾಸ್ 4 ಸಿನಿಮಾಗಳಲ್ಲಿ ಬ್ಯುಸಿ ಆಗಿದ್ದಾರೆ. 'ಆದಿಪುರುಷ್' ಸಿನಿಮಾ ರೀವರ್ಕ್ ನಡೀತಿದೆ. 'ಸಲಾರ್' ಶೂಟಿಂಗ್ 85% ಕಂಪ್ಲೀಟ್ ಆಗಿದೆ. ಬಹುಕೋಟಿ ವೆಚ್ಚದ 'ಪ್ರಾಜೆಕ್ಟ್- K' ಚಿತ್ರೀಕರಣ ಭರದಿಂದ ಸಾಗುತ್ತಿದೆ. ಸದ್ದಿಲ್ಲದೇ ಮಾರುತಿ ನಿರ್ದೇಶನದ ಸಿನಿಮಾದ 2ನೇ ಶೆಡ್ಯೂಲ್ ನಡೀತಿದೆ. ಬಾಹುಬಲಿ ಸರಣಿ ನಂತರ ಪ್ರಭಾಸ್ ಹೆಚ್ಚು ಪ್ಯಾನ್ ಇಂಡಿಯಾ ಸಿನಿಮಾಗಳಲ್ಲಿ ನಟಿಸ್ತಿದ್ದಾರೆ.