'ದೊಡ್ಮನೆ ಹುಡ್ಗ' ಚಿತ್ರದ ಬಗ್ಗೆ ಕೇಳಿಬಂದಿರುವ ಹೊಸ ಗಾಸಿಪ್ ಇದೇ...

ಏನು ಆ ಗಾಸಿಪ್?

ಕನ್ನಡದ 'ದೊಡ್ಮನೆ ಹುಡ್ಗ' ಚಿತ್ರ ತೆಲುಗು ಭಾಷೆಗೆ ರೀಮೇಕ್ ಆಗಲಿದ್ಯಂತೆ. ಗಾಂಧಿನಗರದ ಅಂಗಳದಲ್ಲಿ ಸದ್ಯ ಹರಿದಾಡುತ್ತಿರುವ ಸುದ್ದಿ ಇದೇ.! ['ದೊಡ್ಮನೆ ಹುಡ್ಗ' ಯಾವಾಗ ತೆರೆಗೆ ಬರುತ್ತೆ ಗೊತ್ತಾಯ್ತಾ?]

ಸಿನಿಮಾ ರಿಲೀಸ್ ಗೂ ಮುನ್ನವೇ ರೀಮೇಕ್.!

ಅಚ್ಚರಿ ಅಂದ್ರೆ ಇದೇ ನೋಡಿ, 'ದೊಡ್ಮನೆ ಹುಡ್ಗ' ಚಿತ್ರ ಇನ್ನೂ ಬಿಡುಗಡೆ ಆಗಿಲ್ಲ. ಚಿತ್ರಕ್ಕೆ ರೆಸ್ಪಾನ್ಸ್ ಹೇಗಿದೆ ಅಂತ ತಿಳಿದುಕೊಳ್ಳುವ ಮೊದಲೇ ತೆಲುಗಿನ ಕೆಲ ನಿರ್ಮಾಪಕರು 'ದೊಡ್ಮನೆ ಹುಡ್ಗ' ರೀಮೇಕ್ ರೈಟ್ಸ್ ಪಡೆಯಲು ಕ್ಯೂ ನಿಂತಿದ್ದಾರಂತೆ.

ರೀಮೇಕ್ ಆದ್ರೆ ಅಲ್ಲಿ ಹೀರೋ ಯಾರು?

ಸದ್ಯ ಕೇಳಿ ಬರುತ್ತಿರುವ ಮಾತುಗಳ ಪ್ರಕಾರ, ತೆಲುಗು ಭಾಷೆಗೆ 'ದೊಡ್ಮನೆ ಹುಡ್ಗ' ರೀಮೇಕ್ ಆದರೆ, ಇಲ್ಲಿ ಪುನೀತ್ ರಾಜ್ ಕುಮಾರ್ ನಿರ್ವಹಿಸಿರುವ ಪಾತ್ರವನ್ನ ಅಲ್ಲಿ ಅಲ್ಲು ಅರ್ಜುನ್ ನಿಭಾಯಿಸಲಿದ್ದಾರಂತೆ.

ಅಂಬರೀಶ್ ಪಾತ್ರಕ್ಕೆ?

ಅಲ್ಲು ಅರ್ಜುನ್ ತಂದೆ ಪಾತ್ರಕ್ಕೆ ಮೆಗಾ ಸ್ಟಾರ್ ಚಿರಂಜೀವಿ ಕರೆತಂದ್ರೆ ಹೇಗೆ ಎಂಬ ಐಡಿಯಾ ಕೆಲ ನಿರ್ಮಾಪಕರಿಗೆ ಹೊಳೆದಿದೆ.

ಅಫೀಶಿಯಲ್ ಕನ್ ಫರ್ಮೇಷನ್ ಇಲ್ಲ!

'ದೊಡ್ಮನೆ ಹುಡ್ಗ' ರೀಮೇಕ್ ಬಗ್ಗೆ ಸದ್ಯ ಸುದ್ದಿಗಳು ಹರಿದಾಡುತ್ತಿದ್ದರೂ ನಿರ್ದೇಶಕ ಸೂರಿ ಮಾತ್ರ ಈ ಬಗ್ಗೆ ತುಟಿ ಎರಡು ಮಾಡಿಲ್ಲ.