ಕನ್ನಡ ನಟರಲ್ಲಿ ಯಾರಿಗೆ ಹೆಚ್ಚು ಅಭಿಮಾನಿಗಳು?ನಿಮ್ಮ ಆಯ್ಕೆ?

| Updated: Monday, February 25, 2013, 15:56 [IST]

ಅಭಿಮಾನಿಗಳು ದೇವರು, ನಿರ್ಮಾಪಕರು ಅನ್ನದಾತರು ಎನ್ನುತ್ತಿದ್ದರು ಡಾ. ರಾಜಕುಮಾರ್. ಒಂದು ರೀತಿಯಲ್ಲಿ ಸಿನಿಮಾ ಜಗತ್ತಿನವರಿಗೆ ಅಭಿಮಾನಿಗಳೇ ಎಲ್ಲಾ, ಅಭಿಮಾನದ ಹೊಳೆ ಹರಿದರೆನೇ ಅವರಿಗೂ ಎಲ್ಲಾ..

ತಮ್ಮ ನೆಚ್ಚಿನ ನಟರ ಸಿನಿಮಾಗಳು ತೆರೆಕಂಡಾಗ ಅಭಿಮಾನಿಗಳು ತೋರಿಸುವ ಪ್ರೀತಿ, ಅದು ಕಟೌಟ್‌ಗಳಿಗೆ ಹಾರ ಹಾಕುವುದು ಇರಬಹುದು ಅಥವಾ ಹಾಲಿನ ಅಭಿಷೇಕ ಮಾಡುವುದು ಇರಬಹುದು.ಒಟ್ಟಿನಲ್ಲಿ ಇವರು ತೋರಿಸುವ ಅಭಿಮಾನದ ಪರಾಕಾಷ್ಟೆಗೆ ಬೆಲೆಕಟ್ಟಲಾಗದು.

ಈ ರೀತಿ ಸೆಲೆಬ್ರಿಟಿಗಳ ಮೇಲೆ ಅಭಿಮಾನಿಗಳ ಅಗತ್ಯಕ್ಕಿಂತೆ ಹೆಚ್ಚಿನ ಅಭಿಮಾನ ದಕ್ಷಿಣಭಾರತದಲ್ಲಿ ಮಾತ್ರ ಹೆಚ್ಚಾಗಿ ಕಂಡುಬರುತ್ತವೆ. ಇಲ್ಲಿ ಸಿನಿಮಾದವರ ಹೆಸರಿನಲ್ಲಿ ದೇವಾಲಯಗಳೂ ಹುಟ್ಟುತ್ತವೆ. ರಾಜಕೀಯ ನಾಯಕರು, ಸಮಾಜ ಸೇವೆಯಲ್ಲಿ ತೊಡಗಿದವರು ಮಾಡಲಾಗದ ಕೆಲಸವನ್ನು ಸಿನಿಮಾದವರಿಂದ ಸಾಧ್ಯ ಎನ್ನುವುದಕ್ಕೆ ಕೊಡಬಹುದಾದ ಉದಾಹರಣೆಯೆಂದರೆ ಗೋಕಾಕ್ ಚಳುವಳಿಯಲ್ಲಿ ರಾಜಕುಮಾರ್ ಧುಮುಕಿದ ನಂತರ ಸಿಕ್ಕ ಭಾರೀ ಜನಬೆಂಬಲ.

ಇದಕ್ಕೆ ವ್ಯತಿರಿಕ್ತವಾಗಿ ಅಭಿಮಾನಿಗಳ ಅತಿರೇಕದ ವರ್ತನೆಗೂ ಬಹಳಷ್ಟು ಉದಾಹರಣೆ ಸಿಗುತ್ತದೆ. ಅದಕ್ಕೂ ಕೊಡಬಹುದಾದ ಉದಾಹರಣೆಯೆಂದರೆ ರಾಜ್ ಅಂತ್ಯಸಂಸ್ಕಾರದ ವೇಳೆ ನಡೆದ ಹಿಂಸಾಚಾರ, ವಿಷ್ಣು ಅಂತ್ಯಸಂಸ್ಕಾರದ ವೇಳೆ ನಡೆದ ದೊಂಬಿ, ಕಲ್ಲುತೂರಾಟ.

ನೊಂದಣಿಯಾಗಿರುವ ಮತ್ತು ನೊಂದಣಿಯಾಗದ ಬಹಳಷ್ಟು ಅಭಿಮಾನಿ ಸಂಘಗಳು ಹುಟ್ಟತ್ತಲೇ ಇರುತ್ತವೆ. ಅದರಲ್ಲಿ ಕೆಲವು ಕಾರ್ಯಪ್ರವೃತ್ತವಾಗಿರುತ್ತವೆ ಕೆಲವೊಂದು ಬರೀ ಒಂದು ಚಿತ್ರಕ್ಕಷ್ಟೇ ಸೀಮತವಾಗಿರುತ್ತದೆ.

ನಾವು ನೋಡಿದ ನಟರಲ್ಲಿ ಅತಿ ಹೆಚ್ಚು ಅಭಿಮಾನಿಗಳನ್ನು ಹೊಂದಿರುವವರಾರು? ಕೆಲವೊಂದು ಮಾಹಿತಿಗಳನ್ನು ಸಂಗ್ರಹಿಸಿ ಈ ಲೇಖನ ಬರೆಯಲಾಗಿದೆ. ಎಲ್ಲಾ ಮಾಹಿತಿಗಳನ್ನು ಕಲೆ ಹಾಕುವುದು ನಮಗೂ ತ್ರಾಸದ ಕೆಲಸ. ಹಾಗಾಗಿ ಸ್ಲೈಡಿನಲ್ಲಿರುವ ತೋರಿಸಿದ ಕ್ರಮಕ್ಕೆ ನಿಮ್ಮ ಸಹಮತವಿದೆಯಾ?