ವಿಕ್ಕಿ ಕೌಶಲ್‌ಗೆ ಷರತ್ತು ವಿಧಿಸಿ ಮದುವೆಯಾಗಿದ್ದ ಕತ್ರಿನಾ ಕೈಫ್! ಏನದು ಷರತ್ತು

ಸಲ್ಮಾನ್, ರಣ್ಬೀರ್ ಜೊತೆ ಡೇಟ್ ಮಾಡಿದ್ದ ಕತ್ರಿನಾ

ರಣ್ಬೀರ್ ಕಪೂರ್‌ ಜೊತೆ ಬ್ರೇಕ್ ಅಪ್ ಮಾಡಿಕೊಂಡ ಬಳಿಕ ಕತ್ರಿನಾ ಬಹು ಸಮಯ ಒಂಟಿಯಾಗಿದ್ದರಂತೆ. ವೃತ್ತಿ, ಕುಟುಂಬದ ಕಡೆಗಷ್ಟೆ ಗಮನ ಹರಿಸಿದ್ದರಂತೆ. ಆದರೆ ಅದೆ ಸಮಯಕ್ಕೆ ವಿಕ್ಕಿ ಕೌಶಲ್‌ಗೆ ಕತ್ರಿನಾ ಮೇಲೆ ಲವ್ ಆಗಿದೆ. ಕೆಲವು ಬಾಲಿವುಡ್‌ ಪಾರ್ಟಿಗಳಲ್ಲಿ ಭೇಟಿಯಾಗಿದ್ದ ಈ ಜೋಡಿಯ ಪರಿಚಯ ಸ್ನೇಹಕ್ಕೆ ತಿರುಗಿದೆ. ಬಳಿಕ ಸ್ನೇಹ ಪ್ರೀತಿಗೆ. ವಿಕ್ಕಿ ಕೌಶಲ್‌ ಅವರೇ ಕತ್ರಿನಾ ಹಿಂದೆ ಬಿದ್ದು 'ಪ್ರೀತ್ಸೆ' ಎಂದು ಕೇಳಿ ಕೊಂಡಿದ್ದರಂತೆ.

ಮೊದಲ ಷರತ್ತು ಏನಾಗಿತ್ತು?

ಪ್ರೀತಿ ಕನ್‌ಫರ್ಮ್‌ ಆದ ಬಳಿಕ ಹೆಚ್ಚು ಸಮಯ ಕಾಯದೆ ಇಬ್ಬರೂ ಮದುವೆಯಾಗಿದ್ದಾರೆ. ಆದರೆ ಮದುವೆಯಾಗುವ ಮುನ್ನ ಕತ್ರಿಕಾ ಕೈಫ್ ಕೆಲವು ಷರತ್ತುಗಳನ್ನು ವಿಕ್ಕಿಗೆ ವಿಧಿಸಿದ್ದರಂತೆ. ವಿವಾಹವಾದ ಮೇಲೆ ನಟಿಸಲು ಅವಕಾಶ ನೀಡುವುದು ಕತ್ರಿನಾ ಕೈಫ್ ಹಾಕಿದ್ದ ಮೊದಲನೇ ಷರತ್ತಾಗಿದ್ದರೆ, ಮತ್ತೊಂದು ಷರತ್ತು ಕುಟುಂಬಕ್ಕೆ ಸಂಬಂಧಸಿದ್ದಾಗಿದೆ.

ಏಳು ಮಂದಿ ಸಹೋದರ-ಸಹೋದರಿಯರು ಕತ್ರಿನಾಗೆ

ಕತ್ರಿನಾ ಕೈಫ್ ಅವರಿಗೆ ಬರೋಬ್ಬರಿ ಆರು ಸಹೋದರಿಯರು ಹಾಗೂ ಒಬ್ಬ ಸಹೋದರ ಇದ್ದಾನೆ. ಎಲ್ಲರಿಗೂ ಕತ್ರಿನಾ ಕೈಫ್ ಹಿರಿಯರು. ಹಾಗಾಗಿ ತಾನು ಮದುವೆಯಾಗುವ ವ್ಯಕ್ತಿ ತಮ್ಮ ಕುಟುಂಬದವರನ್ನು ಅವರ ಕುಟುಂಬದವರೇ ಎಂಬಂತೆ ಕಾಣಬೇಕು, ಗೌರವಿಸಬೇಕು ಎಂಬುದು ಕತ್ರಿನಾರ ಷರತ್ತಾಗಿತ್ತು. ಆ ಷರತ್ತಿಗೆ ವಿಕ್ಕಿ ಕೌಶಲ್ ಒಪ್ಪಿಕೊಂಡ ಬಳಿಕವೇ ಕತ್ರಿನಾ, ವಿಕ್ಕಿ ಜೊತೆಗೆ ಮದುವೆಗೆ ಸೈ ಎಂದರಂತೆ.

ಸ್ಟಂಟ್‌ಮ್ಯಾನ್ ಮಗ ವಿಕ್ಕಿ

ವಿಕ್ಕಿ ಕೌಶಲ್ ಮಧ್ಯಮ ವರ್ಗದ ಕುಟುಂಬದಿಂದ ಬಂದು ಸ್ಟಾರ್ ಆಗಿ ಬೆಳೆದವರು. ವಿಕ್ಕಿ ಅವರ ತಂದೆ ಸ್ಟಂಟ್‌ ಮ್ಯಾನ್ ಆಗಿ ಕೆಲಸ ಮಾಡಿದವರು. ಆ ನಂತರ ಫೈಟ್ ಮಾಸ್ಟರ್, ಸ್ಟಂಟ್ ಕೊರಿಯಾಗ್ರಾಫರ್ ಆಗಿ ಕೆಲಸ ಮಾಡಿದರು. ಅವರ ಪುತ್ರಿ ವಿಕ್ಕಿ ಕೌಶಲ್ ಎಂಜಿನಿಯರಿಂಗ್ ಪದವಿ ಗಳಿಸಿ ಕೊನೆಗೆ ನಟನೆಯತ್ತ ಬಂದರು. ಪ್ರಯೋಗಾತ್ಮಕ ಸಿನಿಮಾಗಳಲ್ಲಿ ಕಾಣಿಸಿಕೊಂಡ ವಿಕ್ಕಿ ಇತ್ತೀಚೆಗೆ ಆಕ್ಷನ್ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.