ವರುಣ್ ತೇಜ್, ಲಾವಣ್ಯ ತ್ರಿಪಾಠಿ ಮದುವೆ: ಕೊನೆಗೂ ಸತ್ಯ ಹೇಳಿದ ನಟಿ!

ಲಾವಣ್ಯ ತ್ರಿಪಾಠಿ ಮದುವೆ ಸುದ್ದಿ!

ವರುಣ್ ತೇಜ್ ಹೇಳಿ ಕೇಳಿ ಮೇಘಾ ಕುಟುಂಬದ ಹೀರೊ. ಹಾಗಾಗಿ ವರುಣ್ ಮದುವೆ ಆಗ್ತಿದ್ದಾರೆ ಅಂದರೆ ಕುತೂಹಲ ಸಹಜವಾಗಿಯೇ ಮೂಡುತ್ತವೆ. ವರುಣ್ ತೇಜ್ ಲಾವಣ್ಯಾರನ್ನೇ ಮದುವೆ ಆಗ್ತಾರೆ ಎನ್ನುವು ಸುದ್ದಿ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿತ್ತು. ಈ ಜೋಡಿಗೆ ಸಿನಿಮಾ ಕೂಡ ಮಾಡಿದ್ದಾರೆ. ಜೊತೆಗೆ ಲಾವಣ್ಯ, ವರುಣ್ ಕುಟುಂಬಕ್ಕೆ ಹತ್ತಿರವಾಗಿದ್ದಾರೆ ಎನ್ನುವ ಕಾರಣಕ್ಕೆ ಸುದ್ದಿ ಹಬ್ಬಿರ ಬಹುದು.

ಹುಡುಗಿಗಾಗಿ ಉಂಗುರ ಖರೀದಿಸಿದ್ದ ವರುಣ್!

ನಟ ವರುಣ್ ತೇಜ್ ತಾನು ಮದುವೆ ಆಗುವ ಹುಡುಗಿಗಾಗಿ ಉಂಗುವರವನ್ನು ಖರೀದಿ ಮಾಡಿದ್ದಾರೆ ಎನ್ನಲಾಗಿತ್ತು. ಜೊತೆಗೆ ಸದ್ಯದಲ್ಲಿಯೇ ಆಕೆಗೆ ಉಂಗುರ ತೊಡಿಸಲಿದ್ದಾರೆ ಎನ್ನುವ ವಿಚಾರ, ಸುದ್ದಿಯ ರೂಪದಲ್ಲಿ ಹರಿದಾಡಿದೆ. ಆ ಹುಡುಗಿ ಲಾವಣ್ಯ ತ್ರಿಪಾಠಿ ಅವ್ರೇ ಎನ್ನಲಾಗಿತ್ತು. ಜೊತೆಗೆ ಈ ಜೋಡಿ ಹಲವು ದಿನಗಳಿಂದ ಲಿವ್ ಇನ್ ರಿಲೇಷನ್‌ಶಿಪ್‌ನಲ್ಲಿ ಇದ್ದರು ಎನ್ನುವ ಬಗ್ಗೆ ಕೂಡ ವರದಿ ಆಗಿತ್ತು. ಈಗ ಇದಕ್ಕೆಲ್ಲಾ ಸ್ಪಷ್ಟನೆ ಕೊಟ್ಟಿದ್ದಾರೆ ಲಾವಣ್ಯ ತ್ರಿಪಾಠಿ.

ಗಾಸಿಪ್‌ಗೆ ಲಾವಣ್ಯ ಬ್ರೇಕ್!

ಲಾವಣ್ಯ ತ್ರಿಪಾಠಿ ಕೂಡ ಈ ವಿಚಾರದ ಬಗ್ಗೆ ಮಾತನಾಡುವ ಗೋಜಿಗೆ ಹೋಗಿರಲಿಲ್ಲ. ಇಷ್ಟು ದಿನ ವರುಣ್ ಜೊತೆಗೆ ತಮ್ಮ ಹೆಸರು ಕೇಳಿ ಬಂದಿದ್ದರ ಬಗ್ಗೆಯೂ ಮಾತನಾಡಿರಲಿಲ್ಲ. ಇತ್ತೀಚೆಗೆ ಮಾಧ್ಯಮ ಸಂದರ್ಶನದಲ್ಲಿ ಲಾವಣ್ಯಾಗೆ ಈ ಪ್ರಶ್ನೆ ಎದುರಾಗಿದೆ. ಇದಕ್ಕೆ ಉತ್ತರ ಕೊಟ್ಟ ಲಾವಣ್ಯ ತ್ರಿಪಾಠಿ, "ನಾನು ಒಂಟಿಯಾಗಿದ್ದೇನೆ, ಯಾಕೆಂದರೆ ನನಗೆ ಸರಿಯಾದ ಜೋಡಿ ಸಿಕ್ಕಿಲ್ಲ" ಎಂದು ಹೇಳಿಕೆ ಕೊಟ್ಟಿದ್ದಾರೆ. ಈ ಮೂಲಕ ಗಾಸಿಪ್‌ಗಳಿಗೆ ಲಾವಣ್ಯ ತ್ರಿಪಾಟಿ ಪೂರ್ಣ ವಿರಾಮ ಇಟ್ಟಿದ್ದಾರೆ.

ಸಾಲು, ಸಾಲು ಚಿತ್ರಗಳಲ್ಲಿ ವರುಣ್ ತೇಜ್!

ವರುಣ್ ನಟನೆಯ ಹೊಸ ಸಿನಿಮಾ 'ಗನಿ' ಮತ್ತು 'ಎಫ್3' ಸಿನಿಮಾಗಳು ರಿಲೀಸ್ ಆಗಿವೆ. 'ಎಫ್3' ಸಿನಿಮಾ ದೊಡ್ಡ ಮಟ್ಟದಲ್ಲಿ ಮಾಡಿದ್ದು, ಯಶಸ್ಸು ಕಂಡಿದೆ. ಇನ್ನು ವರುಣ್ ತಮ್ಮ ಮುಂದಿನ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿ ಇದ್ದಾರೆ. ವರುಣ್ 12ನೇ ಚಿತ್ರಕ್ಕೆ ಸಜ್ಜಾಗುತ್ತಿದ್ದಾರೆ. ಈ ಸಿನಿಮಾ ವಿ12 ಎನ್ನುವ ಹೆಸರಿನಲ್ಲಿ ಶುರುವಾಗಿದೆ. ಸದ್ಯ ವರುಣ್ ಮದುವೆ ಗಾಸಿಪ್‌ಗೆ ಬ್ರೇಕ್ ಬಿದ್ದಿದ್ದು, ವರುಣ್ ಕೈ ಹಿಡಿಯೋ ಹುಡುಗಿ ಯಾರು ಎನ್ನುವುದು ಮದುವೆ ಸಂದರ್ಭದಲ್ಲಿ ಗೊತ್ತಾಗಲಿದೆ.