ಹಬ್ಬಕ್ಕೆ ಸಜ್ಜಾಗಿ ಧ್ರುವ ಫ್ಯಾನ್ಸ್: ಪೊಗರು ಬಿಡುಗಡೆ ದಿನಾಂಕ ಲಾಕ್?

ಜನವರಿ ಅಂತ್ಯಕ್ಕೆ ಪೊಗರು!

ಜನವರಿ ತಿಂಗಳಲ್ಲಿ ಪೊಗರು ಸಿನಿಮಾ ರಿಲೀಸ್ ಆಗುವ ತಯಾರಿಯಲ್ಲಿದೆ ಎಂದು ಹೇಳಲಾಗುತ್ತಿತ್ತು. ಈ ಹಿನ್ನೆಲೆ ಪ್ರಚಾರದ ಕೆಲಸಗಳನ್ನು ಸಹ ಶುರು ಮಾಡಿದೆ. ಈಗಾಗಲೇ ಹೈದರಾಬಾದ್‌ ಮತ್ತು ಚೆನ್ನೈಗೆ ಹೋಗಿ ಬಂದಿರುವ ಧ್ರುವ ಮತ್ತು ನಂದಕಿಶೋರ್ ರಿಲೀಸ್ ದಿನಾಂಕವನ್ನು ಲಾಕ್ ಮಾಡಿ ಬಂದಿದ್ದಾರೆ ಎನ್ನಲಾಗಿದೆ.

ಜನವರಿನಾ ಅಥವಾ ಫೆಬ್ರವರಿನಾ?

ಸದ್ಯಕ್ಕೆ ನಿಗದಿಯಾಗಿರುವಂತೆ ಜನವರಿ ಕೊನೆಯ ವಾರದಲ್ಲಿ ಅಂದ್ರೆ 29ನೇ ತಾರೀಖು ಅಥವಾ ಫೆಬ್ರವರಿ ಮೊದಲ ವಾರ ಅಂದ್ರೆ 5ನೇ ತಾರೀಖು ಪೊಗರು ಪ್ರೇಕ್ಷಕರ ಮುಂದೆ ಬರುವ ಹಾದಿಯಲ್ಲಿದೆ. ಶೀಘ್ರದಲ್ಲೇ ಅಧಿಕೃತವಾಗಿ ದಿನಾಂಕ ಘೋಷಣೆಯಾಗಲಿದೆ.

ಕರ್ನಾಟಕದಲ್ಲಿ ಶೇಕಡಾ 100ರಷ್ಟು ಅನುಮತಿ!

ತಮಿಳುನಾಡಿನಲ್ಲಿ ಥಿಯೇಟರ್‌ಗಳಿಗೆ ಶೇಕಡಾ 100ರಷ್ಟು ಪ್ರೇಕ್ಷಕರಿಗೆ ಅನುಮತಿ ನೀಡಿದೆ. ಈಗ ಕರ್ನಾಟಕದಲ್ಲೂ ಇಂತಹದೊಂದು ಬೆಳವಣಿಗೆಯ ನಿರೀಕ್ಷೆಯಲ್ಲಿದ್ದಾರೆ ಸ್ಯಾಂಡಲ್‌ವುಡ್ ಮಂದಿ. ಬಹುಶಃ ಪೊಗರು ಚಿತ್ರಕ್ಕೆ ಇದು ವರದಾನ ಆಗಬಹುದು.

ಧ್ರುವ-ರಶ್ಮಿಕಾ ಸಿನಿಮಾ

ನಂದಕಿಶೋರ್ ನಿರ್ದೇಶನದಲ್ಲಿ ತಯಾರಾಗುತ್ತಿರುವ ಈ ಚಿತ್ರದಲ್ಲಿ ಧ್ರುವ ಸರ್ಜಾ ಮತ್ತು ರಶ್ಮಿಕಾ ಮಂದಣ್ಣ ನಟಿಸಿದ್ದಾರೆ. ತೆಲುಗು ನಟ ಜಗಪತಿ ಬಾಬು, ಧನಂಜಯ್ ಸೇರಿದಂತೆ ಹಲವು ಪ್ರಮುಖ ಕಲಾವಿದರು ಕಾಣಿಸಿಕೊಂಡಿದ್ದಾರೆ.