ಸಲಾರ್: ಪ್ರಭಾಸ್‌ಗೆ ಜೊತೆಯಾಗಲಿದ್ದಾರೆ ಬಾಲಿವುಡ್ ನಟಿ!

ಪ್ರಭಾಸ್‌ಗೆ ಜೊತೆಯಾಗಲಿದ್ದಾರೆ ವಾಣಿ ಕಪೂರ್

ಹಿಂದಿಯ ನಟಿ ವಾಣಿ ಕಪೂರ್ ಅನ್ನು 'ಸಲಾರ್‌'ಗೆ ಪ್ರಶಾಂತ್ ನೀಲ್ ಆಯ್ಕೆ ಮಾಡಿದ್ದಾರೆ. ವಾಣಿ ಕಪೂರ್ ನಟಿಸಿರುವ ಹಿಂದಿಯ ಮೂರು, ತಮಿಳಿನ ಒಂದು ಸಿನಿಮಾ ಬಿಡುಗಡೆ ಆಗಿವೆ. ತಮ್ಮ ಉತ್ತಮ ನಟನೆ ಜೊತೆಗೆ ಮೈಮಾಟದಿಂದಲೂ ವಾಣಿ ಕಪೂರ್ ಜನಪ್ರಿಯ. ರಣ್ವೀರ್ ಸಿಂಗ್ ಜೊತೆ ನಟಿಸಿದ್ದ 'ಬೇಫಿಕ್ರೆ' ವಾಣಿಗೆ ಒಳ್ಳೆಯ ಹೆಸರು ತಂದುಕೊಟ್ಟಿದೆ.

ಮೂರು ಸಿನಿಮಾಗಳು ಬಿಡುಗಡೆ ಆಗಬೇಕಿವೆ

ಪ್ರಭಾಸ್ ಜೊತೆಗೆ ಸಿನಿಮಾಕ್ಕಾಗಿ ವಾಣಿ ಕಪೂರ್ ಅನ್ನು ಭೇಟಿಯಾಗಿದ್ದು ಅವರೂ ಸಹ ಓಕೆ ಎಂದಿದ್ದಾರಂತೆ. ಪ್ರಸ್ತುತ ವಾಣಿ ಕಪೂರ್, 'ಬೆಲ್ ಬಾಟಂ', 'ಶಂಶೇರ', 'ಚಂಡೀಘಡ್ ಕರೇ ಆಶಿಕಿ' ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಅವುಗಳು ಇನ್ನೂ ಬಿಡುಗಡೆ ಆಗಿಲ್ಲ.

ಮಧು ಗುರುಸ್ವಾಮಿ ವಿಲನ್

'ಸಲಾರ್' ಸಿನಿಮಾದಲ್ಲಿ ಮಲಯಾಳಂನ ಮೋಹನ್‌ಲಾಲ್ ಸಹ ನಟಿಸುತ್ತಿದ್ದಾರೆ ಎನ್ನಲಾಗುತ್ತಿದೆ. ಇದರ ಜೊತೆಗೆ ಕನ್ನಡಿಗ ಮಧು ಗುರುಸ್ವಾಮಿ ವಿಲನ್ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಜೊತೆಗೆ ಇನ್ನಷ್ಟು ಹಿರಿಯ ಕಲಾವಿದರು ಸಹ ಸಿನಿಮಾದಲ್ಲಿರಲಿದ್ದಾರೆ.

'ಆದಿಪುರುಷ್‌' ನಲ್ಲಿ ನಟಿಸುತ್ತಿರುವ ಪ್ರಭಾಸ್

'ಸಲಾರ್' ಸಿನಿಮಾದ ಜೊತೆಗೆ ಪ್ರಭಾಸ್ 'ಆದಿಪುರುಷ್' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ರಾಮಾಯಣ ಕತೆ ಆಧರಿಸಿದ ಈ ಸಿನಿಮಾದಲ್ಲಿ ಸೀತೆಯಾಗಿ ಕೃತಿ ಸೆನನ್, ಲಕ್ಷ್ಮಣನಾಗಿ ಸನ್ನಿ ಸಿಂಗ್, ರಾವಣನಾಗಿ ಸೈಫ್ ಅಲಿ ಖಾನ್, ಆಂಜನೇಯನಾಗಿ ದೆವದತ್ತ ನಗೆ ನಟಿಸಲಿದ್ದಾರೆ.