ಕ್ಯಾಮರಾ ಮುಂದೆ ಬೆತ್ತಲೆ ಪೋಸ್ ಕೊಡಲು ರಣ್‌ವೀರ್ ಸಿಂಗ್ ಪಡೆದ ಸಂಭಾವನೆ ಬಲು ದೊಡ್ಡದು!

ದುಬಾರಿ ಸಂಭಾವನೆ

ರಣ್‌ವೀರ್ ಸಿಂಗ್ ಒಂದು ಸಿನಿಮಾಗೆ ಪಡೆಯುವ ಸಂಭಾವನೆಗಿಂತ ಮೂರು ಪಟ್ಟು ಹೆಚ್ಚು ಪಡೆದಿದ್ದಾರೆ ಎಂಬ ಬಗ್ಗೆ ಸುದ್ದಿಯಾಗಿದೆ. ರಣ್‌ವೀರ್ ಸಿಂಗ್ ಕಡಿಮೆ ಮೊತ್ತಕ್ಕಂತೂ ಇಷ್ಟು ದೊಡ್ಡ ರಿಸ್ಕ್ ತೆಗೆದುಕೊಳ್ಳಲು ಸಾಧ್ಯವೇ ಇಲ್ಲ ಅಂತ ಬಾಲಿವುಡ್ ಮಾತಾಡಿಕೊಳ್ಳುತ್ತಿದೆ. ತನ್ನ ವೃತ್ತಿ ಬದುಕನ್ನೇ ಮುಂದಿಟ್ಟು ಇಂತಹ ಬೋಲ್ಡ್ ಫೋಟೊಶೂಟ್‌ನಲ್ಲಿ ನಟಿಸುವುದಕ್ಕೆ ದೊಡ್ಡ ಮೊತ್ತವನ್ನೇ ಸಂಭಾವನೆಯಾಗಿ ಪಡೆದಿದ್ದಾರೆ ಎಂದು ಹೇಳಲಾಗುತ್ತಿದೆ.

ಫೋಟೊಶೂಟ್‌ಗೆ ಪಡೆದಿದ್ದೆಷ್ಟು?

ಕಳೆದೆರಡು ದಿನಗಳಿಂದ ರಣ್‌ವೀರ್ ಸಿಂಗ್ ಪಡೆದ ಸಂಭಾವನೆ ಬಗ್ಗೆ ಒಂದು ಟ್ವೀಟ್ ಓಡಾಡುತ್ತಿತ್ತು. ಓವರ್‌ಸೀಸ್ ಸೆನ್ಸಾರ್ ಬೋರ್ಡ್‌ನ ಸದಸ್ಯ ಉಮೈರ್ ಸಂಧು ರಣ್‌ವೀರ್ ಸಿಂಗ್ ಪಡೆದಿರಬಹುದಾದ ಸಂಭಾವನೆ ಬಗ್ಗೆ ಟ್ವೀಟ್ ಮಾಡಿದ್ದರು. " ಶಾಕಿಂಗ್ ರಣ್‌ವೀರ್ ಸಿಂಗ್ ಬೆತ್ತಲೆ ಫೋಟೊಶೂಟ್‌ಗೆ ಸುಮಾರು 55 ಕೋಟಿ ಸಂಭಾವನೆ ಪಡೆದಿದ್ದಾರೆ." ಎಂದು ಟ್ವೀಟ್ ಮಾಡಿದ್ದರು. ಅದೇ ಟ್ವೀಟ್ ಈಗ ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ಚರ್ಚೆಯಾಗುತ್ತಿದೆ.

ಒಂದು ಸಿನಿಮಾಗೆ ಪಡೆಯುವ ಹಣವೆಷ್ಟು?

ರಣ್‌ವೀರ್ ಸಿಂಗ್ ಬಾಲಿವುಡ್‌ನ ಮೋಸ್ಟ್ ಸಕ್ಸಸ್‌ಫುಲ್ ನಟ. ಈ ಹಿಂದೆ ಬಿಡುಗಡೆಯಾದ ಎರಡು ಸಿನಿಮಾಗಳು ಬಾಕ್ಸಾಫೀಸ್‌ನಲ್ಲಿ ಸೋತಿದ್ದು ಬಿಟ್ಟರೆ, ರಣ್‌ವೀರ್ ಸಿಂಗ್ ತನ್ನ ಕರಿಯರ್‌ನಲ್ಲಿ ದೊಡ್ಡ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಬಾಲಿವುಡ್ ಮೂಲಗಳ ಪ್ರಕಾರ, ರಣ್‌ವೀರ್ ಸಿಂಗ್ ಒಂದು ಸಿನಿಮಾ ಸುಮಾರು 20 ಕೋಟಿಯಷ್ಟು ಸಂಭಾವನೆ ಪಡೆಯುತ್ತಾರೆ ಎನ್ನಲಾಗಿದೆ. ಹೀಗಾಗಿ ಒಂದು ಫೋಟೊಶೂಟ್‌ಗೆ ಸಿನಿಮಾಗಿಂತ ಮೂರು ಹೆಚ್ಚು ಪಡೆಯಲು ಸಾಧ್ಯವೇ ಎಂಬ ಚರ್ಚೆ ಕೂಡ ನಡೆಯುತ್ತಿದೆ.

ಬೆತ್ತಲೆ ಪೋಟೊಶೂಟ್ ಉದ್ದೇಶವೇನು?

ಪೇಪರ್ ಮ್ಯಾಗಜೀನ್ ಸಂಸ್ಥೆ ಈ ಬೋಲ್ಡ್ ಫೋಟೊಶೂಟ್‌ಗೆ ಮುಂದಾಗಿತ್ತು. ಅಮೆರಿಕದ ನಟ ಬರ್ಟ್ ರೇನಾಲ್ಡ್ ಅವರಿಗೆ ಗೌರವ ಸೂಚಿಸುವ ಸಲುವಾಗಿ ರಣ್‌ವೀರ್ ಜೊತೆ ಈ ಫೋಟೊಶೂಟ್ ಮಾಡಲಾಗಿತ್ತು. ಅಮೆರಿಕದ ನಟ ಹೀಗೆ ಮ್ಯಾಗಜೀನ್‌ಗಾಗಿ ಫೋಸ್ ನೀಡಿದ್ದರು. ಅದೇ ಈಗ ವಿವಾದಕ್ಕೆ ಎಡೆ ಮಾಡಿಕೊಟ್ಟಿದೆ. ನಟನ ವಿರುದ್ಧ ಎಫ್‌ಐಆರ್ ದಾಖಲಾಗುವಂತೆ ಮಾಡಿದೆ. ಆದರೆ ಮತ್ತೆ ಕೆಲವರು ರಣ್‌ವೀರ್ ಸಿಂಗ್ ಬೆಂಬಲಕ್ಕೆ ನಿಂತಿರುವುದೂ ಕೂಡ ಚರ್ಚೆಯಾಗುತ್ತಿದೆ.