ದರ್ಶನ್ 'ಕುರುಕ್ಷೇತ್ರ'ದಲ್ಲಿ ಶ್ರೀ ಕೃಷ್ಣನ ಪಾತ್ರ ಸೇಲ್ ಆಗೋಯ್ತು!

ಕ್ರೇಜಿಸ್ಟಾರ್ ಈಗ 'ಶ್ರೀಕೃಷ್ಣ'

ದರ್ಶನ್ 'ಕುರುಕ್ಷೇತ್ರ'ದಲ್ಲಿ ಕ್ರೇಜಿಸ್ಟಾರ್ ರವಿಚಂದ್ರನ್ ಅಭಿನಯಿಸಲಿದ್ದಾರೆ ಎಂಬ ಸುದ್ದಿಗಳು ಕೇಳಿ ಬರುತ್ತಲೇ ಇದೆ. ಯಾವ ಪಾತ್ರದಲ್ಲಿ ಎನ್ನುವುದು ಮಾತ್ರ ನಿಗೂಢವಾಗಿತ್ತು. ಆದ್ರೀಗ, ರವಿಚಂದ್ರನ್ ಅವರ ಪಾತ್ರ ಬಹಿರಂಗವಾಗಿದೆ. ಮೂಲಗಳ ಪ್ರಕಾರ ಶ್ರೀಕೃಷ್ಣನ ಪಾತ್ರದಲ್ಲಿ ರವಿಚಂದ್ರನ್ ಬಣ್ಣ ಹಚ್ಚಲಿದ್ದಾರಂತೆ.

ದರ್ಶನ್-ರವಿಮಾಮನ ಜುಗಲ್ ಬಂದಿ

ಒಂದು ಕಡೆ ದರ್ಶನ್ ದುರ್ಯೋಧನನಾದ್ರೆ, ಮತ್ತೊಂದೆಡೆ ರವಿಚಂದ್ರನ್ ಶ್ರೀಕೃಷ್ಣ. ಪಾಂಡವರ ಪರವಾಗಿ ನಿಲ್ಲುವ ಶ್ರೀ ಕೃಷ್ಣ, ದುರ್ಯೋಧನನ ವಿರೋಧಿ ಕೂಡ ಹೌದು. ಹೀಗಾಗಿ, ಇವರಿಬ್ಬರ ಜುಗಲ್ ಬಂದಿ ನೋಡಲು ಬಹಳ ಸುಂದರವಾಗಿರುವುದರಲ್ಲಿ ಯಾವುದೇ ಅನುಮಾನ ಬೇಡ.

ಮೊದಲ ಬಾರಿಗೆ ಕ್ರೇಜಿಸ್ಟಾರ್-ಚಾಲೆಂಜಿಂಗ್ ಸ್ಟಾರ್

ಇದುವರೆಗೂ ರವಿಚಂದ್ರನ್ ಹಾಗೂ ದರ್ಶನ್ ಯಾವ ಚಿತ್ರದಲ್ಲು ಒಟ್ಟಿಗೆ ಅಭಿನಯಿಸಿಲ್ಲ. ದರ್ಶನ್ ಅಭಿನಯದ 'ಅಯ್ಯ' ಚಿತ್ರಕ್ಕೆ ಕ್ರೇಜಿಸ್ಟಾರ್ ಸಂಗೀತ ನೀಡಿದ್ದಾರೆ. ಇನ್ನು ದರ್ಶನ್ ಅವರ ಹಲವು ಪ್ರಾಜೆಕ್ಟ್ ಗಳಿಗೆ ರವಿಚಂದ್ರನ್ ಕ್ಲಾಪ್ ಮಾಡಿದ್ದಾರೆ ಅಷ್ಟೇ. ಈಗ ಇಬ್ಬರು ಒಂದೇ ಚಿತ್ರದಲ್ಲಿ ಅಭಿನಯಿಸುವ ಅವಕಾಶ ಸಿಕ್ಕಿದೆ.

ರವಿಚಂದ್ರನ್ ಕಡೆಯಿಂದ ಗ್ರೀನ್ ಸಿಗ್ನಲ್!

ಶ್ರೀ ಕೃಷ್ಣನ ಪಾತ್ರವನ್ನ ರವಿಚಂದ್ರನ್ ಕೂಡ ಒಪ್ಪಿಕೊಂಡಿದ್ದರಂತೆ. ಹಾಗೇ ಪಾತ್ರಕ್ಕಾಗಿ ಟ್ರಯಲ್ ಫೋಟೋಶೂಟ್ ಕೂಡ ಮಾಡಲಾಗಿದ್ದು, ಪಾತ್ರಕ್ಕಾಗಿ ಸಿದ್ದವಾಗಲು ಸಮಯ ಕೇಳಿದ್ದಾರಂತೆ.

'ಕುರುಕ್ಷೇತ್ರ'ದ ಸೂತ್ರಧಾರ

ಧರ್ಮ ಸಂಸ್ಥಾಪನೆಗಾಗಿ 'ಕುರುಕ್ಷೇತ್ರ' ಯುದ್ಧ ಮಾಡಿಸಿದ್ದೇ ಶ್ರೀ ಕೃಷ್ಣ ಎಂಬುದು ಇತಿಹಾಸ. ಇಂತಹ ಮುಖ್ಯವಾದ ಪಾತ್ರವನ್ನ ರವಿಚಂದ್ರನ್ ನಿರ್ವಹಿಸಲಿದ್ದಾರಂತೆ.

ಉಳಿದವರ ಕಥೆ ಏನು?

ಇದೆಲ್ಲಾ ಓಕೆ, ಉಳಿದವರು ಕಥೆ ಏನು ಎಂಬುದು ಇನ್ನು ಗೊತ್ತಿಲ್ಲ. ನಿರ್ಮಾಪಕ ಮುನಿರತ್ನ ಅವರ ಆಸೆಯಂತೆ ಸುದೀಪ್, ಪುನೀತ್, ಉಪೇಂದ್ರ, ಯಶ್, ಶಿವರಾಜ್ ಕುಮಾರ್ ಎಲ್ಲರೂ ಈ ಚಿತ್ರದಲ್ಲಿ ಅಭಿನಯಿಸುತ್ತಾರ! ಕಾದು ನೋಡಬೇಕು.