ಉಪೇಂದ್ರ 'ಡಾನ್' ಜಯರಾಜ್ ಆಗಲ್ಲ: 'ಸ್ಟಾರ್' ನಟನಿಗೆ ಹೋಯ್ತು ಈ ಆಫರ್?

'ಅಂಡರ್ ವರ್ಲ್ಡ್' ಸಿನಿಮಾಗೆ ಅಗ್ನಿಶ್ರೀಧರ್ ಚಿತ್ರಕಥೆ

ಡಾನ್ ಜಯರಾಜ್ ಅವರು ಬಯೋಗ್ರಫಿ ಚಿತ್ರಕ್ಕೆ ಅಗ್ನಿ ಶ್ರೀಧರ್ ಚಿತ್ರಕಥೆ ಬರೆಯುತ್ತಿದ್ದಾರೆ. ಈಗಾಗಲೇ ಸ್ಕ್ರಿಪ್ಟ್ ಕೆಲಸವನ್ನ ಶ್ರೀಧರ್ ಆರಂಭಿಸಿದ್ದಾರಂತೆ.

ಲೋಹಿತ್ ಆಕ್ಷನ್ ಕಟ್

ಅಂದ್ಹಾಗೆ, ಜಯರಾಜ್ ಕುರಿತು ಸಿನಿಮಾ ಮಾಡಲು ಸಿದ್ದವಾಗಿರುವುದು ಯುವ ನಿರ್ದೇಶಕ ಲೋಹಿತ್. ಲೋಹಿತ್ ಈ ಹಿಂದೆ ಪ್ರಿಯಾಂಕಾ ಉಪೇಂದ್ರ ಅಭಿನಯಿಸಿದ್ದ 'ಮಮ್ಮಿ ಸೇವ್ ಮಿ' ಚಿತ್ರವನ್ನ ನಿರ್ದೇಶನ ಮಾಡಿದ್ದರು.

ಶಿವಣ್ಣ ಡಾನ್ ಆಗ್ತಾರ?

ಉಪೇಂದ್ರ ಮಾಡಲಿದ್ದಾರೆ ಎನ್ನುತ್ತಿದ್ದ ಈ ಚಿತ್ರಕ್ಕೆ ಈಗ ಶಿವರಾಜ್ ಕುಮಾರ್ ಅವರನ್ನ ನಾಯಕನನ್ನಾಗಿಸಲು ಚಿತ್ರತಂಡ ಪ್ಲಾನ್ ಮಾಡಿದೆಯಂತೆ. ಈ ಕುರಿತು ಶಿವಣ್ಣ ಜೊತೆ ಒಂದು ಸುತ್ತಿನ ಮಾತುಕತೆ ಕೂಡ ಆಗಿದೆಯಂತೆ.

ಸದ್ಯಕ್ಕೆ ಅಧಿಕೃತವಲ್ಲ

ಚಿತ್ರದ ಕಥೆ ಕೇಳಿರುವ ಶಿವಣ್ಣ, ಲೋಹಿತ್ ಅವರು ಹೆಣೆದಿರುವ ಕಥೆಯನ್ನ ಮೆಚ್ಚಿಕೊಂಡಿದ್ದಾರಂತೆ. ಆದ್ರೆ, ಅಧಿಕೃತವಾಗಿ ಒಪ್ಪಿಗೆ ನೀಡಿಲ್ಲ ಎನ್ನುವುದು ಅಭಿಮಾನಿಗಳ ಕುತೂಹಲ ಹೆಚ್ಚಿಸಿದೆ.

ಹ್ಯಾಟ್ರಿಕ್ ಹೀರೋ ಫುಲ್ ಬಿಜಿ

ಸದ್ಯ, 'ದಿ ವಿಲನ್' ಚಿತ್ರದಲ್ಲಿ ಶಿವಣ್ಣ ಅಭಿನಯಿಸುತ್ತಿದ್ದು, ನಂತರ 'ಟಗರು', 'ಮಫ್ತಿ ಚಿತ್ರಗಳು ಬಿಡುಗಡೆಯಾಗಲಿವೆ. ಅದಾದ ಮೇಲೆ ಮತ್ತಷ್ಟು ಹೊಸ ಪ್ರಾಜೆಕ್ಟ್ ಗಳು ಕಾಯುತ್ತಿದ್ದು, ಇದರ ಮಧ್ಯೆ ಈ ಚಿತ್ರಕ್ಕೆ ಕಾಲ್ ಶೀಟ್ ಕೊಡ್ತಾರ ಕಾದು ನೋಡಬೇಕಿದೆ.