ಸುರೇಶ್ ರೈನಾ ಜೊತೆ ಶ್ರುತಿ ಪ್ರೀತಿ ಗೀತಿ ಇತ್ಯಾದಿ

ಐಪಿಎಲ್ ಪಂದ್ಯಾವಳಿ ವೇಳೆ ಹತ್ತಿರವಾದ ಜೋಡಿ

ಐಪಿಎಲ್ ಪಂದ್ಯಾವಳಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡಕ್ಕೆ ಪ್ರಚಾರ ರಾಯಭಾರಿಯಾಗಿದ್ದ ಸಂದರ್ಭದಲ್ಲಿ ಶ್ರುತಿ ಅವರಿಗೆ ರೈನಾ ಪರಿಚಯವಾಯಿತು. ಆ ಬಳಿಕ ಇವರಿಬ್ಬರ ನಡುವೆ ಸ್ನೇಹ ಬಲಗೊಂಡಿತು.

ಸ್ನೇಹ ಸಂಬಂಧ ಪ್ರೀತಿಯಾಗಿ ಬದಲಾಯಿತು

ಸ್ನೇಹ ಎಂದ ಮೇಲೆ ಪ್ರೀತಿ ಚಿಗುರದಿರಲು ಸಾಧ್ಯವೆ? ಇಬ್ಬರೂ ಇನ್ನಷ್ಟು ಹತ್ತಿರವಾದರು. ಇದನ್ನು ನೋಡಿದವರು ನಾನಾ ತರಹ ಸುದ್ದಿ ಹಬ್ಬಿಸಲು ಶುರು ಮಾಡಿದರು. ಈ ಸುದ್ದಿ ಆ ಕಿವಿಯಿಂದ ಈ ಕಿವಿಗೆ ಬಿದ್ದು ಮಾಧ್ಯಮಗಳಲ್ಲಿ ಅಕ್ಷರ ರೂಪ ಪಡೆಯುವ ಹೊತ್ತಿಗೆ ಎಚ್ಚೆತ್ತುಕೊಂಡರು.

ಸುದ್ದಿಯನ್ನು ಇಬ್ಬರೂ ತಳ್ಳಿಹಾಕಿದರು

ಈ ಬಗ್ಗೆ ಸುರೇಶ್ ರೈನಾ ಹೇಳುವುದೇನೆಂದರೆ, ತಾನು ಯಾರನ್ನೂ ಪ್ರೇಮಿಸುತ್ತಿಲ್ಲ ಎಂದರು. ಈ ಬಗ್ಗೆ ಶ್ರುತಿ ಕೂಡ ತನ್ನ ಟ್ವಿಟ್ಟರ್ ನಲ್ಲಿ ತಮ್ಮಿಬ್ಬರ ಬಗ್ಗೆ ಬಂದ ಸುದ್ದಿಯನ್ನು ಖಂಡಿಸಿದರು. ಈ ರೀತಿಯ ಸುದ್ದಿಗಳಿಗೆ ಕಿವಿಗೊಡದೆ ತಮ್ಮತಮ್ಮ ಕೆಲಸ ನೋಡಿಕೊಳ್ಳುವುದು ಉತ್ತಮ ಎಂದರು.

ಪ್ರೀತಿ ಗೀತಿ ಇತ್ಯಾದಿ ಏನೂ ಇಲ್ಲವಂತೆ

ಆರಂಭದಲ್ಲಿ ಶ್ರುತಿ ಹೆಸರು ಸಿದ್ಧಾರ್ಥ್ ಜೊತೆ ಕೇಳಿಬಂದಿತ್ತು. ಆದರೆ ಇವರಿಬ್ಬರ ನಡುವಿನ ಪ್ರೀತಿ ಗೀತಿ ಇತ್ಯಾದಿ ಏನೂ ಇಲ್ಲ ಎನ್ನಲಾಯಿತು. ಇಬ್ಬರ ನಡುವೆ ಕೇವಲ ಸ್ನೇಹ ಸಂಬಂಧವಷ್ಟೇ ಇತ್ತು ಎಂಬ ಸುದ್ದಿಗಳು ಹರಿದಾಡಿದವು.

ಇದೆಲ್ಲಾ ಕಾಮನ್ ಬಿಡಿ ಅಂತಾರೆ ಕೆಲವರು

ಸದ್ಯಕ್ಕೆ ಸುರೇಶ್ ರೈನಾ ಜೊತೆ ಶ್ರುತಿ ಹೆಸರು ಥಳುಕು ಹಾಕಿಕೊಂಡಿದೆ. ಇದು ಹೊರತುಪಡಿಸಿದರೆ ಶ್ರುತಿ ಅತ್ತ ಟಾಲಿವುಡ್ ಇತ್ತ ತಮಿಳು ಚಿತ್ರರಂಗದಲ್ಲಿ ಸಖತ್ ಬೇಡಿಕೆಯುಳ್ಳ ತಾರೆ. ತೆಲುಗಿನಲ್ಲಂತೂ ಒಂದರ ಹಿಂದೆ ಒಂದು ಹಿಟ್ ಚಿತ್ರಗಳನ್ನು ಕೊಡುತ್ತಿದ್ದಾರೆ. ಇಂತಹ ಸಂದರ್ಭದಲ್ಲಿ ಈ ರೀತಿಯ ಗಾಸಿಪ್ ಸುದ್ದಿಗಳು ಕಾಮನ್ ಬಿಡಿ ಎನ್ನುವವರೂ ಇದ್ದಾರೆ.