OMG ! ಲುಂಗಿ ಡ್ಯಾನ್ಸ್ ಸಿಂಗರ್ ಬದುಕಿಲ್ವ?

ಸಾಮಾಜಿಕ ಜಾಲ ತಾಣಗಳಿಂದ ಸತ್ತ ಸೆಲೆಬ್ರಿಟಿ

ಸಾಮಾಜಿಕ ಜಾಲ ತಾಣಗಳಿಂದ ಸತ್ತ ಸೆಲೆಬ್ರಿಟಿಗಳ ಪಟ್ಟಿಗೆ ಸೇರಿದ ಗಾಯಕ ಹನಿ ಸಿಂಗ್, ಕಾರು ಅಪಘಾತವೊಂದರಲ್ಲಿ ಹನಿಸಿಂಗ್ ತೀವ್ರವಾಗಿ ಗಾಯಗೊಂಡಿದ್ದಾರೆ ಎಂಬ ಸಚಿತ್ರ ವರದಿ ಪ್ರಕಟಗೊಂಡಿದ್ದು ಅಭಿಮಾನಿಗಳಿಗೆ ಆತಂಕ ಮೂಡಿಸಿತ್ತು.

ಆಸ್ಪತ್ರೆಯಲ್ಲಿ ಮಲಗಿರೋದು ಯಾರು?

ಆಸ್ಪತ್ರೆಯಲ್ಲಿ ಮಲಗಿರೋದು ಯಾರು? ಅದು ಹನಿಸಿಂಗ್ ಅಲ್ವೆ ಎಂಬ ಪ್ರಶ್ನೆಗೆ ಉತ್ತರ ಸಿಕ್ಕಿದೆ. ಬ್ರಿಂಗ್ ಮೀ ಬ್ಯಾಕ್ ಎಂಬ ಮ್ಯೂಸಿಕ್ ವಿಡಿಯೋ ಆಲ್ಬಂನಲ್ಲಿ ಬರುವ ದೃಶ್ಯವೊಂದರ ಚಿತ್ರ ಇದಾಗಿದ್ದು, ಈ ಚಿತ್ರ ಇಂದು ಹಲವರ ತಲೆಗೆ ಹುಳ ಬಿಟ್ಟಿತ್ತು.

ದುಬೈಗೆ ತೆರಳಿದ್ದ ಗಾಯಕ ಹನಿ ಸಿಂಗ್

ಇತ್ತೀಚೆಗೆ ದುಬೈಗೆ ತೆರಳಿದ್ದ ಹನಿ ಸಿಂಗ್ ಅವರು ಗ್ಲೋಬಲ್ ಫೈಟಿಂಗ್ ಚಾಂಪಿಯನ್ ಶಿಪ್ ಹೆಸರಿನಲ್ಲಿ ಬಾಕ್ಸಿಂಗ್ ಲೀಗ್ ಗೆ ಚಾಲನೆ ನೀಡಿದ್ದರು. ಕೆಲ ಕಾಲ ಮಾಧ್ಯಮಗಳಿಂದ ದೂರವುಳಿದಿದ್ದು ಈಗ ಸಾವಿನ ಸುದ್ದಿಯೊಂದಿಗೆ ಜೀವಂತವಾಗಿದ್ದಾರೆ.

ಯುವ ಪೀಳಿಗೆಯ ಹೃದಯ ಮಿಡಿತ ಹನಿ ಸಿಂಗ್

ಹನಿ ಸಿಂಗ್ ಅವರ ನಿಜನಾಮ ಹೃದೇಶ್ ಸಿಂಗ್, 15 ಮಾರ್ಚ್ 1984ರಂದು ಜನನ, ಪಂಜಾಬಿನ ಗಾಯಕ ಯುಕೆಯ ಟ್ರಿನಿಟಿ ಕಾಲೇಜಿನಲ್ಲಿ ಸಂಗೀತ ಅಭ್ಯಾಸ ಮಾಡಿಕೊಂಡು ಬಂದಿದ್ದಾನೆ. ಗಾಯಕ, ಮಿಮಿಕ್ರಿ ಆರ್ಟಿಸ್ಟ್, ಡಿಜೆ ಆಗಿದ್ದು, 32 ಹಿಟ್ ಗೀತೆಗಳು 20 ಅಲ್ಬಂ ಹೊರ ತಂದಿದ್ದಾನೆ. ಪಾರ್ಟಿ ಆನ್ ಮೈ ಮೈಂಡ್, ಬಾಸ್, ಮಸ್ತ್ ಕಲಂದರ್, ಚಾರ್ ಬೋಟಲ್ ವೋಡ್ಕಾ, ಪಾರ್ಟಿ ವಿಥ್ ಭೂತ್ ನಾಥ್ ಹಿಟ್ ಗೀತೆಗಳು

ಗಾಯಕ ಹನಿ ಸಿಂಗ್ ಮೊದಲಲ್ಲ

ಸುಳ್ಳು ಸುದ್ದಿಗೆ ಬಲಿಯಾದ ಸೆಲೆಬ್ರಿಟಿಗಳ ಪೈಕಿ ಹನಿ ಸಿಂಗ್ ಅವರೇನು ಮೊದಲಿಗರಲ್ಲ, ಮಾಧುರಿ ದೀಕ್ಷಿತ್, ಲತಾ ಮಂಗೇಷ್ಕರ್, ಆಶಾ ಪರೇಖ್, ದಿಲೀಪ್ ಕುಮಾರ್, ಅಂಬರೀಷ್ ಮುಂತಾದವರ ಸಾವಿನ ಸುದ್ದಿ ಸಾಮಾಜಿಕ ಜಾಲ ತಾಣಗಳ ಮೂಲಕ ಹರಿದು ಬಿಡಲಾಗಿತ್ತು.