Click it and Unblock the Notifications
ಜೇಮ್ಸ್ ಕ್ಯಾಮೆರಾನ್ 'ಟೈಟಾನಿಕ್ 3D' ಚಿತ್ರವಿಮರ್ಶೆ
ಈಗ ಅದೇ ಟೈಟಾನಿಕ್ ಚಿತ್ರ '3D ತಂತ್ರಜ್ಞಾನ' ಅಳವಡಿಸಿಕೊಂಡು ಮತ್ತೆ ಪ್ರೇಕ್ಷಕರೆದುರು ಪ್ರತ್ಯಕ್ಷವಾಗಿದೆ. ಅಬ್ಬಾ! ಅದೇ ಚಿತ್ರವನ್ನು 3D ಯಲ್ಲಿ ನೋಡುವ ಮಜವೇ ಬೇರೆ, ಅದೊಂದು ಅವಿಸ್ಮರಣೀಯ ಅನುಭವ ಎನ್ನಬಹುದು. ಹಳೆಯ, ಎವರ್ ಗ್ರೀನ್ ಚಿತ್ರವೊಂದು ಹೊಸ ಹೊದಿಕೆಯನ್ನು ಹೊದ್ದು ಬಂದಾಗಲೂ ಅದಕ್ಕೆ ಸಿಗಬಹುದಾದ ಸ್ವಾಗತಕ್ಕೆ 'ಟೈಟಾನಿಕ್' ಸಾಕ್ಷಿಯಾಗಿದೆ.
ಚಿತ್ರ ನೋಡಿದ ಪ್ರೇಕ್ಷಕರು ಎದ್ದು ಬರುವಾಗ ಅವರ ಮುಖದಲ್ಲಿ ಮೂಡುವ ಧನ್ಯತಾಭಾವವನ್ನು ನೋಡಿದರೆ ಸಾಕು, ಚಿತ್ರದ ಬಗ್ಗೆ ಹೆಚ್ಚು ಹೇಳುವ ಅಗತ್ಯವೇ ಬಾರದು. 3D ತಂತ್ರಜ್ಞಾನ ಹೊತ್ತ ಚಿತ್ರವನ್ನು ಮೊದಲ ಬಾರಿಗೆ ನೋಡುವ ಪ್ರೇಕ್ಷಕರಂತೂ ಮಂತ್ರಮುಗ್ಧವಾಗಿ ಅಲುಗಾಡದೇ ಪ್ರತಿಮೆಯಂತೆ ಕುಳಿತುಬಿಡುತ್ತಾರೆ.
ಚಿತ್ರದ ನಾಯಕ ಲಿಯೋನಾರ್ಡೋ ಡಿ ಕಾಪ್ರಿಯೋ ಹಾಗೂ ಕೇಟ್ ವಿನ್ಸ್ ಲೆಟ್ ಜೋಡಿ 'ಮಿಸ್ ಮ್ಯಾಚ್' ಎಂಬುದು ಎಂಥವರಿಗೂ ತಕ್ಷಣಕ್ಕೇ ಗೊತ್ತಾಗಿಬಿಡುತ್ತದೆ. ಆದರೆ ಚಿತ್ರದಲ್ಲಿ ಅವರಿಬ್ಬರ 'ಕೆಮೆಸ್ಟ್ರಿ' ಅದೆಷ್ಟು ವರ್ಕ್ ಔಟ್ ಆಗಿದೆಯೆಂದರೆ ಅವರಿಬ್ಬರ ಮಿಸ್ ಮ್ಯಾಚನ್ನು ಜನ ಮರೆತೇಬಿಡುತ್ತಾರೆ. ಒಂದು ದುರಂತ ಪ್ರೇಮಕಥೆಯಲ್ಲಿ ಅವರಿಬ್ಬರ ಅವಿಸ್ಮರಣೀಯ ನಟನೆ ಹಾಗೂ ಮುದ್ದುಮುಖವನ್ನು ಜನ ಜೀವವಿರುವ ತನಕ ಮರೆಯಲಾರರು. ಮುಂದಿನ ಪುಟ ನೋಡಿ...
Continue with Google