ಸಂಭಾವನೆಯಲ್ಲಿ ದೀಪಿಕಾರನ್ನು ಹಿಂದಿಕ್ಕಿದ ಪ್ರಿಯಾಂಕ ಚೋಪ್ರಾ

'ಕ್ವಾಂಟಿಕೋ' ಸೀರಿಯಲ್ ಮತ್ತು ವಿಭಿನ್ನ ಜಾಹೀರಾತುಗಳಿಂದ ಪಿಗ್ಗಿ ಅವರಿಗೆ ಹೆಚ್ಚು ಸಂಭಾವನೆ ದೊರೆಯುತ್ತಿದೆ. ಆದ್ದರಿಂದ ಇದೀಗ ಫೋರ್ಬ್ಸ್ ಪಟ್ಟಿಯಲ್ಲಿ ಪ್ರಿಯಾಂಕ ಅವರು 8ನೇ ಸ್ಥಾನವನ್ನು ಅಲಂಕರಿಸಿದ್ದಾರೆ. ಅಮೆರಿಕದ ನಟಿ ಸೋಫಿಯಾ ವರ್ಗರ ಅವರು ಸತತ 5ನೇ ಬಾರಿಗೆ ಮೊದಲ ಸ್ಥಾನವನ್ನು ಕಾಯ್ದಿರಿಸಿಕೊಂಡಿದ್ದಾರೆ. ಇದೀಗ ಪಿಗ್ಗಿ ಅತ್ಯಂತ ಹೆಚ್ಚು ಸಂಭಾವನೆ ಪಡೆಯುವ ಕಿರುತೆರೆ ನಟಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದಾರೆ.[ಉಸ್ಸಪ್ಪಾ! 10 ನಿಮಿಷ ಕುಣಿಯಲು ಪ್ರಿಯಾಂಕ ಪಡೆದ ಸಂಭಾವನೆ ಇಷ್ಟಾ?]

ಇಲ್ಲಿಯವರೆಗೆ ನಟಿ ಪ್ರಿಯಾಂಕ ಚೋಪ್ರಾ ಅವರ ವಾರ್ಷಿಕ ಅದಾಯ ಸುಮಾರು 11 ದಶಲಕ್ಷ ಡಾಲರ್ ನಷ್ಟಿದೆ. 'ಕ್ವಾಂಟಿಕೋ' ಸೀರಿಯಲ್ ನಲ್ಲಿ ನಟಿಸಲು ಆರಂಭಿಸಿದ ಮೇಲೆ ಪಿಗ್ಗಿ ಇನ್ನೂ ಹೆಚ್ಚು ಸಂಪಾದಿಸಲು ಆರಂಭಿಸಿದರು. ಇನ್ನು ಹಾಲಿವುಡ್ ನಟಿ ಸೋಫಿಯಾ ಅವರ ವಾರ್ಷಿಕ ಆದಾಯ 43 ದಶಲಕ್ಷ ಅಮೆರಿಕನ್ ಡಾಲರ್ ಇದೆ.['ವೈಟ್ ಹೌಸ್' ಡಿನ್ನರ್ ಗೆ ಪ್ರಿಯಾಂಕಗೆ ಒಬಾಮಾರಿಂದ ಆಹ್ವಾನ]

ಇಲ್ಲಿಯವರೆಗೆ ಅತೀ ಹೆಚ್ಚು ಸಂಪಾದನೆ ಮಾಡುವ ನಟಿಯರ ಸಾಲಿನಲ್ಲಿ ದೀಪಿಕಾ ಪಡುಕೋಣೆ ಇದ್ದರು. ಅವರು ಬರೀ ಸಿನಿಮಾಗಳ ಮೂಲಕ ಬರೋಬ್ಬರಿ 10 ಮಿಲಿಯನ್ ಡಾಲರ್ ಸಂಪಾದನೆ ಮಾಡಿದ್ದಾರೆ. ಇದೀಗ 11 ದಶಲಕ್ಷ ಡಾಲರ್ ಸಂಪಾದನೆ ಮೂಲಕ ದೀಪಿಕಾರನ್ನು ಪ್ರಿಯಾಂಕ ಹಿಂದಿಕ್ಕಿದ್ದಾರೆ.

ಇನ್ನು ನಟಿ ಪ್ರಿಯಾಂಕ ಅವರು ಅಪ್ಪಟ ಭಾರತೀಯ ನಟಿಯಾಗಿದ್ದರೂ ಕೂಡ, ಇಲ್ಲಿಗಿಂತ ಜಾಸ್ತಿ ಹಾಲಿವುಡ್ ಕ್ಷೇತ್ರದಲ್ಲೇ ಹೆಚ್ಚು ಖ್ಯಾತಿ ಗಳಿಸಿದ್ದಾರೆ. ಇನ್ನು ದೀಪಿಕಾ ಅವರು ಕೂಡ 'XXX' ಮೂಲಕ ಹಾಲಿವುಡ್ ಗೆ ಹಾರಿ, ಸ್ವಲ್ಪ ಮಟ್ಟಿಗೆ ಪರಿಚಯಗೊಂಡಿದ್ದಾರೆ.

ಪ್ರಿಯಾಂಕ ಅವರು ಬಾಲಿವುಡ್ ನಲ್ಲಿ 'ಬಾಜೀರಾವ್ ಮಸ್ತಾನಿ' ಮತ್ತು 'ಗಂಗಾಜಲ್' ಎಂಬ ಚಿತ್ರದಲ್ಲಿ ಮಿಂಚಿದ ನಂತರ, ಹಾಲಿವುಡ್ ನಲ್ಲಿ ಅತ್ಯಂತ ಹೆಚ್ಚು ಸಂಭಾವನೆ ಪಡೆಯೋ ನಟ ಡ್ವೈನ್ ಜಾನ್ಸನ್ ಅವರ ಜೊತೆ 'ಬೇವಾಚ್' ಚಿತ್ರ ಪೂರ್ತಿಗೊಳಿಸಿದ್ದಾರೆ. ಮುಂದಿನ ವರ್ಷ ಬಿಡುಗಡೆ ಆಗಲಿರುವ ಈ ಚಿತ್ರದ ಬಗ್ಗೆ ಎಲ್ಲರೂ ಕುತೂಹಲ ಇಟ್ಟುಕೊಂಡಿದ್ದಾರೆ.